أنا عاذرٍ صدري إذا ثار وألا إنهار
على كثر ما أدفن فيه ما فضفض ، وطلّع
ياشين الذكا لاصار يكشف لك الأسرار
سكوتك وجع ، والأوجع العلم لا صلّع
مثل عود رمثٍ حاذفينه وزان النار
إذا صالته دخّن ، وإذا ناشته ولّع
جَهَلْك الأمور أخير من معرفة وش صار
ترى المعرفه قسمة مقاريد ومقلّع
تطمني واستبشري لافض فوك
حنا حماة الدار واسوار القصر
مبايعنك من قبل كتب الصكوك
بارواحنا طال الزمن ولا قصر
حنا ولانا ما دخل فيه الشكوك
وبالمال وبخط الورق ماينحصر
بكره نرجع ضحكة الوجه الضحوك
ندفع ثمنها بالشهاده والنصر
الحقد ماطول ولا قصر عمر
عند الولي مبدا العمر واواخره
نعيش يوم بيسر واياام بعسر
حياتنا بالكون ماهي زاخره
انا بشر من طين واخاطب بشر
يعني بلاش من الطقوس الفاخره
من يفتخر بالمال وبكبر القدر
وسط القبر ماينفعه تفاخره
مايدخل الجنه من بقلبه كِبر
ياحظ منهو شال هم الآخره
عرفت انّ الطموح دروع لا صار المدى فتّاك
اذا استسلمت لـ العثره ترا المقبل عليك اردا
وبعد عثرات ودروس وسنين و تجربه وادراك
عرفت ان اكبر كنوز الحياة الفانيه .. " مبدا "