احمد سرور

شاعر _جميع ما في الاعجابات لي!!

[احمد سرور @a7asr]

قولو لها في سد صدري توايق
وتشوف طعنات الجروح الأليمة

[محمد ظافر @ip1616_]

لا اخنقتني ليه ما اقول اخنقتني ؟
( عبرت ٍ ) رقتني الضلع المشرف

يا بعيد الدار لو .. دارك .. جفتني !
جيت لك بـ العرف ماجيت اتعرف

لا تقول .. ان الضغوطات ابعدتني
لقّني وجهك وانا اللي .. بـ اتصرف

استباحت عينك حماي .. و رمتني
وانا !.. من حماية " الحد المطرف "

[اجازفـ  @2mz89]

مساء الخير

على القلوب المصدّه ما يفيد العتاب
كنّك تسولف على الأموات .. بقبورها

[آلترفہ🕊. @i6uu6]

-

وشلون ماحب السّوالف معك وانت
شايل على صوتك شعور السكينة .

[سِنمّاار .. @lajme_]

الحزن لا شيّد صروحه داخل القلب الحزين
يشوف تجديد الجروح الداخليّه ؟ تسليَه

لو حاول الضايق يقاوم بـ اللسان وبـ اليدين
مايقدر يقاوم ضغوط " الذكريات " المبطيَه

وش يملك الأنسان غير انه يقول الله يعين ؟
ولا أكثر ( الأمال ) بين المقبله ! و المقفيَه

إللي يدور لـ السعاده في " وجيه العابرين "
ماهوب مثل إللي تلاشت من يديه الأمنيَه..

على كثر ماتنقل الاخبار " دورات السنين "
لا زال ما يرفع مقام الحب : غير التضحيَه

وين انت.. ياللي يا ماشاءالله كل ما تكبر تزين
أفنيت زين ( الجيل هذا ) بـ العيون المفنيَه

عودك ليانه كنه ماخذ من نسيم الصبح لين
و على استقام الجيد تستاهل " رسايل تهنيَه "

من بينك و بين القمر قطعت شكي بـ اليقين
متشابهين بـ كل شي الفرق ؟.. فرق التسميَه

سبحان من سواك من نطفة و من ماءٍ مهين
" المغريات " إللي بدونك ما تسمّى مغريَه

تبين معك ( الفرحه ) إللي كم لها عيّت تبين
و تصير لامن غبت مثل الحاجه المستعصيَه

صدري من غيابك.. بقايا من " بقايا الراحلين "
و من الجفاف العاطفي مثل الديار المسنيَه

طال انتظاري و إنتظاري ممتلي شوق و حنين
مافيه قدره لـ التحمّل لو " ثلاثه فـ الميَه "

والله ما يقتل فرحة العشاق ؟ غير الغايبين..
إليا طرو مع كل غيبة شمس و أنغام أغنيَه

الشوق لو يقلط له إللي جاهه يفك السجين
حقّه ما يقبل فيه لا حذفت عقال ولا ديَه !

- ناصر بن مفلح

[جريس @83lk_]

اقربي مني مهو وقت القصايد
الحياه اللي بليا وصل مره

خالفي مع عاشقك بعض العوايد
لاتغطي بدرك الوضاح غره

ادفنيني في مداهيل القلايد
في مكانٍ ماحدٍ غيري يمره

في دماثٍ فيه من لين الوسايد
مايخلي عيشتي عيشة مسره

ان نزلت بواديٍ مسراه كايد
واديٍ مال الخطاوي فيه جره

مقدر اقف بينهن وقفة محايد
لو علي يزعل حداهن ويتشره

[ناصر بن شايع @Na9r_2i]

يالاوله فـ البشر ( زين وتبجاحه )
المعجزه معجزه يا فاتنة عصرك !

من يحصر المعضلات بـ خيط مسباحه
اليا بغى يوصفك يعجز على حصرك

فيك الحلا " مودعٍ " قفله ومفتاحه
لله در القوام . . اللي كتب نصرك

سوارتك ( ترهم وتركب ) . . " على الراحه "
ان جات في معصمك وان جات في خصرك

[َ @2ajl_]

أنا ليّا ضميت صدرك .. تعافيت
فيني مرض ضمّة وصدرك علاجي
— سعود بن مبارك

[مُسْتاء. @eii7h]

ثم تصل الى مرحلة:
"إن جا .. نحطّه بين طيّات الأهداب
وان صدّ ما عشنا العمر في إنتظاره".

[عبدالله مطلق @ig_ilw]

اموطيً لك (جبين) ورافعً لك (يدين)
(مخافةً من وعيد) (وطمعةً في وعد)

ابي: لاجيت اتطهر من (خطايا السنين)
قالت ملائكتك (الله غافرً لك تعد)؛

[محمد العذبه @mohmdalathbh]

انت انتصاري في عيون اشرس عداي
وهزيمة اللي ما انهزم في حياته

[محمد بن فضاء @i8i3l]

إلى من يعرف ذلك جيداً ، مع التحيّه .

ودي آلحفك عيني عن انسام الهبوب
خل عاد صدوف الايام وضروف الحياه !

جعلني ما ابكيك هذي هي الدنيا ( لعوب )
يوم تِحدا لـ السنافي ، ويومين تحداه

[محسن بن مترك @aprvip]

تهادى الحنين وموج ليل الطواري هاج
ولا فيه ،، ليلة شوق ،، ماهي بـ ليلتها

لامنه غدا نور القمر كنه نور سراج
وخيول الوله قامت ترادا بـ اعنتها

سريت وسرى الي مايدارا من المطناج
على وجهة القطب الشمالي ووجهتها

مضريه لا جا عند ذود الحنين خلاج
وتعدت عيوني ، حزت النوم ،، حزتها

اشتت هواجيس توافد مثل الافواج
وانزع ضيقةٍ محاني الصدر تكتها

لاضاعت خطوط اهل العزب واختفت الابراج
آدل ،، الديار ،، اللي ،، تضيع ،، دليلتها

عن اللي حصل ماني بـ داله ولا ني ساج
وعن الموعد اللي في ضواحي مدينتها

انا ماقدر اترك موعد الغروه المغناج
ولا يمكن اقتل شوقها لي ولهفتها

دعتني وانا قدني شفوق على المنهاج
وحذفت الخطر والخوف لعيون طلتها

لو ان دونها عود مثل يوسف الحجاج
وزحازيح قوم تخلي المرح سطوتها

اجي من عقب طول البطى جيت المحتاج
ولا ارتاح لين تقند الراس ضحكتها

سواليفها بعد البطى للخفوق علاج
وشعور السعاده والرضى فـ ابتسامتها

اغيب ،، لا منها ارخت ، هدبها من الاحراج
وغطى ،، سواد ارموشها ،، نص وجنتها )؛

[ضاري البوقان @dharialbogan]

من طلعة الشارب ليا طلعة الشيب
كنك على روس المصايب مسخر

حتى لو أفترت عليك الدواليب
تثبت و عزمك ما تراخى ولا خر

تعطي الوعد و أتم كل المواجيب
ما هو كلام إن جاء الصباح يتبخر

ينصاك من ضاقت عليه المحاديب
و يلقى شجاع بـ لازمه ما تأخر

يدور الفزعات .. يا مدور الطيب
و يحصلكّ مثل السلاح المذخر

[َّ @_ljmu]

تقول أنا من سلايل محتمين الدخيل
مسعدني إنها تحدّاني بـ " جدّانها "

منطوقها ما يقول إلا الكلام الجميل
ولو خانها لسانها صح الله لسانها

من كثر ماهي غنوج و كبرياها ثقيل
تقول ضيدان بن قضعان .. ضيدانها

جميلة الوجه سوّت فـ المحاني جميل
من يوم صارت تشوف القلب بستانها .

— عتيم .

[عتيم @ciiz67]

تمام وبخير ..و أيامي معك في تمام
معك اشوف الفرح من غير لا اصايده

تسعفني عنايّتك من : دافع الاهتمام
على كثر ما معاناتي .. معك كايده

لاتحقرين القليل اللي يجي بـ الغرام
انا لو اقنع بصوتك .. طالع بـ فايده

عمري !.. فدا نبرتك ( 26 ) عام
النبره اللي تجيب الفكره السايده

قلبي عليك انتي لحالك .. يرد السلام
ويعس جول الظبا ويشوفك القايده

إن مت فيك اشكرك على بلوغ المرام
حتى لو اموت فيك بجرعةٍ .. زايده

- عتيم

[وهّاج @_3jim]

حضورك الغايب بعد فايتٍ فات
حبّة عذر على .. جبين متوفي !

_ فارس الحشار

[سـعود @o1iiss]

ازبني بين المحاني « و اسكنيّ قلبي تراني »
من لجى بحمايّ خابت لحية الطلاب دونه .

[بسطام @______H55]

«لاتنشد عن غلاك وحبَّك إللي ماعليه ظلال
أحبَّك والحياه اللي بدونك .. ما أتصوَّرها»

[محمد ظافر @ip1616_]

أشعر بغربه وانا في ( روضة ) بلادي
من يوم قفيت ياللي مدري ؟شلونك

الليله اللي معك من ثالث .. اعيادي
والليله الي ( بدونك ) تقتل !! بدونك

خذني معك لين اعّل اكبود حسادي
ما كنت مجنون قبل اصير مجنونك

انا ماقد كنت عادي قبل اجي عادي
في عيونك الله لا يحرمني من عيونك

[♡ ﮼شطر..🖤 @911__q8y]

البـارحه مرني طيـفك بنـص الكـلام
أشتقت لك لين قالو : كمل السالفه

محمد بن حمد