عبدالرحمن حسين الديحاني

﴿ أَلاَ بِذِكْرِ اللَّهِ تَطْمَئِنُّ الْقُلُوبُ ﴾

[عبدالرحمن حسين الديحاني @a8xzi]

"كل الدروب اللي على الكون العريض
ضاقت وانا احتاج الرحابه والفضى"

[مشعان الحميداني @6ooi_]

يابو فهد قدمت مقدام الابطال
ولا ذخرت بغالي الذود حاجه

في منكبك تدحم لك بنوك واجبال
وسبّب حضورك للعقول ارتجاجه

بصوت كل مطير رجال رجال
لاصار في بعض الامور انعواجه

( مانعرف الحيله على شان نحتال
على النقا ونواجه اللي نواجه ) !

#زعل_الديحاني
#مهرجان_الملك_عبدالعزيز_للإبل10

[عمر لافي المهلكي @mutiriiii7]

ومن ينادي فالسّعه للتحدي لايغيب
نزهمه وأم المعارك يثور غبارها

لا يحسب الحكي ماله حسيب ولا رقيب
والتصاريح الخطيره يشوف أخطارها

(إنصحوه أن كان يسمع وله عقلٍ لبيب
و علّموه أن البنادق عليه عيارها)🔒 ☝🏼.
#مهرجان_الملك_عبدالعزيز_للإبل10
#زعل_الديحاني

[مشعان الحميداني @6ooi_]

الفرق فرق العقول وفرق الافعال
ماهوب فرق الدقون ولا الشوارب

ماشفت بين العلوم انواع واشكال
علمٍ نفعني .. مثل علم التجارب

لو انخدع في مكايد بعض الازوال
ما عكّروا شي من صفو المشارب

مانيب عقرب ثرا تلدغ وتحتال
عشان آميّز .. حركات العقارب

علّمني ابوي كيف آصير رجال
وآشوم لااعتادت الوطي الغوارب

الاستراحة ماهيب لروس الابطال
المستريحين ما فيهم محارب

[عبدالرحمن حسين الديحاني @a8xzi]

بعض الخساير تعتبر شبه مكسب 
وبعض المكاسب ماوراها من ارباح 

وان كنت تبغى لك نصيحة مجرب
اتـرك كـلام الـنـاس سايح وسواح

من كان همه يرضي الناس يتعب 
ومن كان همه في رضى الله يرتاح .

[مشعان الحميداني @6ooi_]

مجارا البشر يحتاج واحد بدون احساس
ومن خلقتي ما اعرف اجامل ولا اخفّي

عيوبي وعارفها واذا اخفيتها لا باس
لكن ياعيوني عن عيوب البشر عفّي

مع العزله اللي تكتم الصدر والانفاس
ولا الجمعه اللي لامزاجي ولا شفّي

انا العاقل اللي كل ماضايقوه الناس
يوقف دقيقة صمت ويصد ويقَفّي

[مشعان الحميداني @6ooi_]

ظروف الزمان الصلف ومصارع الأيام
يداحم غثاها كل منعوور ومعرّب

تحده على الانكاف مير النظر قدااام
عزومه حزام، وهقوته رمحً مذرّب

وبعد حكّته وارهت وجعها، وطاح وقام
طلع من مغنّ أحداثها كفووو ومجرب

وعطَته التجارب كرت خبرة عليه وسام
وتعيّن بـ ميدان الحياة : أكبر مدرب.

[عبدالرحمن حسين الديحاني @a8xzi]

حافظ على سمعتك وأتعب على طيبك 
" وش الانسان لولا الطيب والسمعه . "

[عبدالرحمن حسين الديحاني @a8xzi]

الرابح اللي بني عمه يحبونه
لوكان مستور والاحوال مستوره

حتى لو انهم على دله يمرونه
جنابه الزين يكفي قبل ميسوره

ولا حليف الكبر ماهم يدانونه
لو انه يبرك الحاشي على زوره .

[عبدالرحمن حسين الديحاني @a8xzi]

لا مشينا مع هل الطيب ماجانا ملام
الرجال اللي تقدر طحاطيح الرجال

رفقةٍ فيها تبادل محبه واحترام
والله انها مكسب بالحياه وراس مال .

[Hussein ALSHAMMARI @40og1]

قرب القلوب يخلي الواجد شوي
وبعد القلوب يبعدك عن طريقي

لا ضامي من الما ولا ادور الفي.
في خير وفي نعمه ومبلول ريقي

مشتاق لك رغم اني مابي ولا شي
وهذا هو الشوق النظيف الحقيقي.

[عبدالرحمن حسين الديحاني @a8xzi]

@6ooi_ علينا وعليك يتبارك يابوسعد💐

[مشعان الحميداني @6ooi_]

يقولون من خاف القضا جنب المحراف
تركد على عمرك ترى العمر له قيمه

وانا اقول ماتسلم من الموت يا خواف
لو إنك تموت بدون طقه وتعليمه

ذليله حياة اللي مايعرف ولا ينشاف
لو إنه بخير ونعمه وراحه مقيمه

عساها فدا راسي وانا اعدي المشراف
اناطح مقاديم السحاب بـ مقاديمه

[عبدالرحمن حسين الديحاني @a8xzi]

حافظ على سمعتك وأتعب على طيبك 
" وش الانسان لولا الطيب والسمعه . "

[عبدالرحمن حسين الديحاني @a8xzi]

السن مايحكم .. عقول الرياجيل
وميزان عقل الادمي .. في لسانه .

[مشعان الحميداني @6ooi_]

" اشرقت شمس الحرية على وطن يتألم منذ 14 عام "

8-12-2024 رسميا سوريا حرة.
#سوريا #ردع_العدوان

[عبدالرحمن حسين الديحاني @a8xzi]

@6ooi_ 😂😂😂😂😂😂😂

[عبدالرحمن حسين الديحاني @a8xzi]

@hm_01q الف مبروك والله يتمللك على خير يابومحمد💐💐

[عبدالهادي محمد المري @hm_01q]

السلام عليكم ورحمه الله وبركاته

اتشرف بدعوتكم لحضور حفل زفافنا

وذلك مساء يوم الجمعة الموافق
" 13-12-2024 "

* وهذه بمثابة دعوة شخصية *

مرحبا ومسهلا بالجميع 🌹

موقع القاعه : https://t.co/GW6QiTbJ8Y

[عبدالرحمن حسين الديحاني @a8xzi]

طوال الدروب اللي على وجهها قدام
اتبيّح خفى اللي مابعد بيّح بسدّه

لاطال الطريق وطال صبرٍ ماهو بأيام
تشوف الخلل فحجاج من ضاق من جدّه

طواري ليال العام عادت علي ذا العام
وانا قبلها داله ومرتاح لي مدّه

بغيت ألتفت واصد واجنّب الاوهام
ولقيت الوهم قدم التلفّات والصدّه .