عادل العضيلة

‏‏‏‏‏جيـت ومعـي صـدق الغـلا والـتعـابيـر احســاس صــادق والـنـوايــا سـليمـہ عنـدي غـلاكـم فــوق كــل الـتعـابيـر شـيمـہ وقـيمـہ وأحـتـرام وحـشـيمـہ

[عشق بدوي @Fars511q]

وانت لولا صفات الستر ما صرت جذاب
لو جمالك يكف العُرب والغرب والصين

الخصال الحشيمه تسحر أصحاب الألباب
لا تحلت بزين النطق واللطف واللين

مثل قولة نمر هذا بلا ابوك يا عقاب
انت تقدر وحنا للترف مستحقين

عذبتنا صحاري نجد جمدة وملهاب
لفحة الشبط والنسري وريح الخماسين

[راشـد @_RH66_]

ياسمية قلبي المشروه غايب
لو مشاريه المشاعر ماتعدى

اقبلي مع نفحة انسام الهبايب
انتي الحب الحقيقي والمبدى

معك يغمرني شعور بلا سبايب
واتسامى واتمادى واتحدى

اذكريني لانهمر دمعك سكايب
واعذريني كل ماحظي تردى

والله اني ماسلمت من النوايب
بين جاب الحظ ولا الحظ ودى

بس في حبك تعديت المصايب
اجبر كسور الليالي واتفدى

لو مداهيلك على راسي نصايب
مايموت من الهوى غير الآشدى

ادري انك صفوة وجيه الحبايب
والحبايب فيك من مبطي تقدى

وزنك بوزن الذهب مابه شوايب
والذهب من معدنه ماقيل صدى

فيك عفت دعوةٍ من قلب تايب
والطف من الورد عاد الورد ندى

احتويني دام فص الشوق ذايب
لين احس بـ قلبي العجلان هدى

صرت انا وياك والسبع العجايب
نتشابه والشبه ( ملحوظ جدى )

[عشق بدوي @Fars511q]

وَجْد روحي على عذب اللمى , والسجايا
أغيدٍ حط له في طارف الكبد ميسم

ماله اشباه فالدنيا ، ولا له حلايا
دوّروا من ورى صنعا ليا ريف عيسم

وان لقيتوا بشر في ذالحلا , والمزايا
خطّوا اسمه ، وعنوانه آهله في مريسم

عيت النفس تقبل بعده مْن الصبايا
لا وسيعة عيون , ولا صغيرة مْبيسم

[قروب اشعار @aShi3ar]

لا تطلق السر من سجنه وتطلب كفيل
دمار بعض القلوب البيض من طيبها

غير انتبه لا يجي سرك ذبيحة بخيل
ما ينبسط لين كل الناس تدري بها .

[معتآاد . @mi2l_]

— تغنى على لحن المفارق وجر الناي
تجيبك طواري الشوق من وين ؟ ماتدري

لكن لا دمعت عينك علي وعلى طرياي
تحسف على اللي كان لك من ورى صدري

بقايا الهوى / جرحٍ يوقف بوجه الجاي
يا ليت الفراق الي معك ، كان من بدري : )

- معتاد

[قروب شعر @Group_she3er]

كل ما شانت أوضاعي وصدري ضاق
و ابتدأ خاطري يلعب على الحبلين

أذكر الله تعالى ربي الخـلّاق
وأحمده وأشكره وأستغفره وتزين

حاجتي للتعايش حاجة المشتاق
لـ اللقاء ، اللي يرد من الحياة سنين

وسط قلبٍ يشوف أن الحياة أرزاق
الله لا يجعل الدنيا تغلب الدين

[قروب اشعار @aShi3ar]

تسوقنا الاقدار ونسوق الاقدام
يومٍ لنا يحسب ويومٍ علينا

للخلف ماننظر والارزاق قدام
ومقسومنا الطيّب تحوشه يدينا .

[عفاس بن حرباش @3faas]

يالشاعرية تراني لو ازحت الستار
شفتي مشاهد تعدى بك نزار وجرير

لكني اخترت الاسم اللي فعوله كبار
عن سيرة تخلده للناس شاعر كبير

انا سليل الخلود اللي بنار وشرار
ماني برسام لوحة للعشاء الاخير

صح ان قلبي يهيم ويستثار ويغار
ولو اغفل شوي يمكن يستخف ويطير

لاحب ماعاد يبقى في نطاق المدار
ويصير شريانه ليمنى حبيبه حرير

يوجهه باليمين ويكسره باليسار
ويهيم لو كان مجروح وحزين وكسير

لكن بعد شاب راسي واتخذت القرار
بأن للحب لذة بس مافيه خير

من ياخذ احساسي الطاهر لمسجد ضرار
ماني بجالس معه لين النداء الاخير

العاطفة نار تحرق أو وقود القطار
اختر قبل لاتخاف اللي يصير ويصير

[عشق بدوي @Fars511q]

بين لذات الهزيمه وحب الإنتصار
انتي المنتصره اللّٰه ينصر دين ابوك

يابعد دنياي يااغلا من البل والمهار
عذبونا معك شيبانك اللى دلعوك

من مفاتن حسنك الناس صايبها انهيار
عاقبوك الخلق وانا من اللي عاقبوك

ان رضيتي كلبونا رضينا باختصار
وان ضكحتي تنّبت ضلوع للي ضحكوك

فهد قطنان

[𝟠 @motassem_kh]

اوقح شخص و اوسخ شخص
ممكن يمر عليك في حياتك و تتعامل معه
هو نفس الشخص الي انت تعامله بمبدأ
حسن نيه و طيبه و احترام
وهو يعاملك بمبدأ الحيلة و الغدر و حاط ف باله ان هو اذكى منك و انت بنسبه ليه انت ما تفهم و يلعب عليك
و الغريب نوع هذا من الناس لو تكتشف شي من حقيقته تغير عليك و يتبدل و يعتبرك انسان خبيث
هذا لانه حس عرفت شي من حقيقته
#تباً_لكم

[راشـد @_RH66_]

بـ أقتناعي لا عشقت أعشق و طبعًا
لا كرهت أكره بكيفي و أقتناعي

ذا أنا .. من يوم ما ربي خلقني
فطري بـ أحساسي ولاني بـ أصطناعي

عاطفي جدًا و كلي شاعريه
وأنطوائي كثير ؛ و شوي أجتماعي

وأنت بس ارجوك لا تزعل و قدر
مثل ما أراعي .. لزوم إنك تراعي

يعني لو ما كنت احبك .. لا أهزك
خلك أقوى من كلامي و أمتناعي

كلمتين .. وقلتها لك ألف مره
بس شكلك ضقت من كثرة سماعي

قلت لو أقدر أحبك .. بـ احبك
البلا ان الحب ماهو بمُستطاعي

ليت والله تطلب اللي أستطيعه
لجل تبقى دوم مسموعًا مطاعي

-

[أماني سـٰٰٰٖٖـٰـــ.ـــلمآن @Cv_____00Am]

قد يكون لنا في قلوب البعض ركنا..
وقد يكون لنا غرفة .
وقد يكون لنا بيتا كاملاً ..

هـكذا هم الناس درجات في قلـوب الآخرين ..

العين تـنظر وتـرى الجميع ..

أمـا القلب فلا يـرى إلا مـن يـحبه وهـو أصدق الناظرين ..

#صباح_الخير_والسعادة