،

راعي المعروف والفعل الجزيل
اكرمه ب اخلاق طيبك واشكره
مافي احد ملزوم في رد الجميل
لكن جميل الناس احذر تنكره

[عنفوان رجل @Kln333]

ما لوم راع الهوى في حُب محبوبه
لا صار خـدّه سحابٍ بارقِه سرّا
َ
و الردف علامة إستفهام مقلوبه
والخصر قوسين فاتحةٍ على بـرّا

[عنفوان رجل @Kln333]

لو شافها من يحث الناس على الصلاح
خلّا حديثه وفي درب الهلاك انحرف

لبّة نحرها مثل لبّة صياهد رماح
عقب المطر قبل يسهجها الدبش والغرف

لا قلت ببعد من أهل الغي لأهل الفلاح
يطري علي زينها والقلب على طرف .

[حُـب @k0qa3]

خصرها الذايب على طاغي الردف
ويا ردفها الطاغي .. على كل حاجه

زادت كواياها على ضلوعي الهدف
تمشي عدل والردف فيه إنعواجه

[وهـايب @iweb98]

من تصوّر وجهك بـ يتعب خياله
ومن يشوفك ما نسى لو بعد مدّه

مستحيل أصدّق إنك من سلاله
أنتي أعجوبه وأنا مُعجب بـ شدّه

[أوراد @wrd6nn]

الخد مثل الورد و المبسم عسل
و عيونها نجلا و ضحكتها دمار

زاد الحسن في وصفها طبع الخجل
من شافها يشعر بدهشه و أنبهار

مثل البدر نصف الشهر يوم اكتمل
أخفى النجوم الي معه وسط المدار ♥️

[ميهاف @myhf561978]

عليك لايق : مايحلو لك ، وما لايلوق
لْغيرك مْن البشر ' حساد .. ولا اغبطا 

تمردي بالتغنج - واللعبي - بالطروق
اللي بها الغطرسة ، والعنفوان اخلطا   

 انتي من اللي : عليه قلوب الامه تتوق
منتي من اللي : ليا روّح . . مراح القطا

[سـٌدآح .. @1874th]

يا مرضي أهواء البشر .. وأنت زعلان
توهمهم .. إنك مختلف وأنت غادي

صدقني حتى المختلف بعض الأحيان
لا حاول إنه .. " يختلف " صار عادي ")

[ضامي نظر . @al_bgomee]

ايوالله _البنت _حلوهـ _وامها _حلوهـ
اخشيف ريم ً خذ وصوفه من الريمي

الام جامح _ورسم _الطيش _بالفلوهـ
والوجه نفس _البراءهـ _والتقاسيمي

معها لقيت الهنا _ والحب _والسلوهـ
ليلة نسجها _الربيع وخاوت الغيمي

al.bgomee

[الشاعر مطحس الاعرابي @almgamh]

خمر الكلام اللي من شفاك معسول
أبيه يدرج في عروقي و ينساب

سوالفك فيها من السحر مفعول
تأثيرها على الجوارح و الاعصاب

بـ أملا عيوني من تهاياك و أقول
يا وجه صبحٍ لبّس الليل جلباب

عذر القصيد إليا قصر عنك مقبول
أوصافك أكبر من مدى شعر و أعجاب

[‏ᥫ᭡ . @8l0i6]

لا يلحقك شك فيني من خصال الرجال
ما يجعل عيونك ان جيتي تناعس خجل

واللي عطاك الحيا واعطاك معْه الجمال
انّي بحضنك طفل وان قمت منّه رجل :)

[جـزى @23zmi]

من بعد " الو " ، صب السواليف فتره
وجسمي تخدّر ، أحسب إنيّ أباموت

انا اعرف ان البنج يوخذ من إبره
الطب تطوّر صار يوخذ من الصوت!

[نــورا @nou58n]

جمال وجهك فارق وعودك طري
وسوالفك حلوة .. ويدّك .. دافيه
َ
السكّر الزايد .. يجيب السكّري
لكن على شفاتك يجيب العافيه 🫦

[عـلـي @rolf_al3gmi0]

مزيونه وعفى وشيخه وميره 😍
وكل الوصوف النادره في محياك

يفوح من مجدولك احلا عبيره
ولافيه عذري بالوصايف تحداك

اوصافك يمثل بها فالجزيره
حتا الذهب يزداد سعره بيمناك

[جلوي بن حمد 📿 @jl00y_]

قطعة حلا ذابت على ثغر جذاب
وتاهت بتفاصيل الشفاه الانيقة

الاصل انتي والحلا منك ينساب
وما هو يحليك الحلا يا الرقيقة

انتي عطيتي هالحلا سحر واسباب
ووقع على عهد المحبة وثيقة

يفداك قلبٍ ما هقى يوم يرتاب
ينبض بحبك كل لحظة ودقيقة

- جلوي بن حمد

[الشاعر مطحس الاعرابي @almgamh]

يافتنة الارض من يلحق تواصيفك
وانتي صعيبة منال وزينك اعجوبه

في واجب الحسن يامكثر مواقيفك
ماغيرك .اللي يوقّف دون مطلوبه

مابين روعة شتاك وعاطفة صيفك
يطمع بك .التايب ويشتاق لذنوبه

قصايدي فيك نسخه من سواليفك
سوالفك في بيوت الشعر مكتوبه

[ساره @Sarah_444888]

يا وجه القمر جعلك فدا وجهها المملوح
لو إنك تشعشع ما تجي مثل غرّتها

تميّز عليك بعينها اللي تخطف الروح
و سیفٍ توهج سلّته فوق جمرتها

و تميّز عليك بليلها الأدهم المطروح
لا قامت تكفكف مخمله فوق هامتها

تماوج وراه و بان ضوح الضحى بوضوح
سنا خدّها بعثر غياهيب ليلتها

[العنزي ♥️ @L4440277484022]

عليك خصرٍ مثل خصر الظبا المستذير
يرمونها لكن أزرو لا يصيبونها

وغمازتينك ونظرتك وشعرك الحرير
من يوم شافتك عيني صرت مرهونها

اليا ذكرتك تنهت بالشهيق وزفير
تنهيدت الشوق مدري وش يسمونها

[౨ৎ @ajjci_]

عطاك الكريم أحلا عيون وخشم وحجاج
وحمر الشفايف موت والسحر في لسانك

وجسمٍ رقيق أرق والين من الديباج
تصدق عليك .. أغار حتى من أخوانك

وخدً عطاه الله بياض بلا مكياج
وهبته جمال الحور يارب سبحانك !

[౨ৎ @ajjci_]

- عليك خصرٍ مثل خصر الظبا المستذير
يرمونها لكن أزرو لا يصيبونها

وغمازتينك ونظرتك وشعرك الحرير
من يوم شافتك عيني صرت مرهونها

اليا ذكرتك تنهت بالشهيق وزفير
تنهيدت الشوق مدري وش يسمونها -

[عـــذل @Atheeel1]

جادلٍ بين المزايين مامعها وصيف
تحرق كروت العذراى لاجت من .. نوفها

جت تثنّى عقب ماطاحت أوراق الخريف
كنها تحيي عروقي عقب .. ماشوفها

كيف ما اغني وانا اشوف لي قدٍ رهيف
كل ماهب الهوى ينثني .. سرجوفها

أم عينٍ كن سلهامها مضراب سيف
جل شان اللي خلقها .. وتم وصوفها 🤎