الجدي^

اقدّر من يقدرني ويلقاني مثل ما ألقاه. وأجلّس كل نفسٍ فالمكان اللي يناسبها .

[الجدي^ @aljdey1]

عن كل نزوة شعور .. وكل زلّة لسان
تعوّذوا من غيا أنفسكم ومن جهلها

حياة الانسان .. بين الطيش والاتزان
أحيان يا صعبها وأحيان !.. يا سهلها

ما يتّجه موجها العالي .. لـ بر الأمان
لين يتعلّم " فتاها " من ندم ، كهلها

تغانموا ما يوصّلكم لـ خضر الجنان
ليالي العمر ! ما تمشي ، على مهلها

[مدواخ شعر @Medwkh]

عن كل دربن عليه النفس أماره
تردنا شيمه الشيبان و لحاها

[. @b6ash_oll]

هاجوسنا اللي على الموضوع سرّانا
لو كان ماكل هاجوسٍ يسرّينا

عاد الطواري على خبرك تولّانا
ان جاتنا ما تعدّينا مراكينا

والحاجه اللي يجفلها مدارانا
عذابها اللي تلوّى في مخابينا

الناس لا ضاقت من الوقت تنصانا
وحنا لا ضاقنا توضينا وصلّينا

يسمّي الطيّب عياله على اسمانا
وعيالنا ما تسمّى الا بأسامينا

العلم لامنّه وصلنا ما تعدّانا
لو نتعداه ماهوب متعدّينا

نطيب لامن ذكرنا طيب مجنانا
وتردّنا عن بعض الاشياء مجانينا

حنا نتوطى الليالي وتوطّانا
لكن لذا الحين والله ما تواطينا

الشر بـ اشنابنا والخير بـ لحانا
وعلى طواريقها محدٍ يلاحينا

نصنّ حكم الزمان ونفرش سرانا
واذا تفرنك تفرنكنا وساوينا (:

[دمــث @v80r_1]

لا تجي دايـم حريـص على انـك تستشير
فيه أمورٍ مالها غير روحك مستشار

مطحس بن حمد

[مـخـباط . . @_Mb72]

من صد لا تكثر عليه التحاسيف
زملوقةٍ جاها البعير وقطفها

- رشيد الزلامي رحمه الله

[هايم @h2iim]

لسان حال الشاعر اذا شاف صور الشيخ الفارس : ناصر بن سرحان بن منيخر آل سفران لا ارادياً يقول:

ذخر القبيله في ضحا اليوم الكليح
عاد الجزيره .. تحت هيمنة القوي

اي والله ان فعلك فخر يام الصريح
واسمك يابو كرّوز .. له وقع و دوي

يحق لك عقب "المعارك" تستريح
بين الملك فيصل و بين ابن جلوي

[وهّاج @_3jim]

الهجاء فن من فنون الشعر اللي ما يملّ منها المتذوق

لذلك جمعت لكم أفضل الابيات الهجائيه :

[الحاكم @_alhakm]

صباح الخير يا أصدقاء،

أمّا بعد:

"حنا مساجين عز النفس من مبطي
من عزة النفس يالله لا تخارجنا"

[سبّيع . @subiie7]

لا تقول ان المسافة ما تجيب الغايب
البنادم لا اشتهى قلبه مشت رجلينه :)

- لا تعذر . .

[عَذب @q8_a27]

مساء الخير للجميع أما بعد ، ، ،
أنا يا صديقي :

أحب الصمت في ظل اندفاع النفس لِـ التعبير
وأشوف إن الفرح خصله حميده والحِزن عوره .

[الجدي^ @aljdey1]

@daq48 ايذا ابن عمك اخطأ واجب انك تنصحه وايذا نصحته واستمر على ماهو عليه تجنبه ولا توفق ضيدان بن قضعان على القصيده ذي لكن فرق الثرا للثريا لكل شخص ايجابيات وسلبيات والرياجيل مهيب سوا👍🏻

[ّ @6ajml]

مرحبا و أنت الغلا و الجافي المتغلّي
ليه تبطي و أنت غالي و أحتري مسيارك

- شبيب ابن شبنان

[ماجد بن مهل @majed_almhl]

القصيدة كلها جزلة

لكن فيها بيت من وجهة نظري الخاصة، راح يبقى سنينً طويلة ويجري مجرى المثل مع الوقت

أعتقد راح تعرفونه من غير ما أشير له

[كيف @kiiiif_]

معي ذاكرة ما ينقفل بابها المفتوح
لا ساد الظلام يعنّها الليل ، ، وتعنه

[Naif @nbm__21]

دام السماء فيها .. مجيب الدعاوي
لا ترتجي حاجة من اللي على الارض

[معكاز | شعر @M3kkaz]

اضحك وسولف وابتسم للمخاليق
وخل الامل بين العيون وهدبها

دنياك ما تسوا يجي داخلك ضيق
وايامك اللي ماضيه لا تحسبها .

[٨٨٨ @i3ebr]

يضّوي علي من الشياطين وسواس
لا قامت ظروف الليالي … ترادم

يقولي وش فيك ضايق ومحتاس ؟
ريّح وخل هموم بقعاء تصادم

قم ولعّ اللي نوعها ماله اجناس
شقراً تخلي كابر القوم خادم

اليا ضرب مفعولها قلّة الراس
كنك تشوف ابليس يسجد لـ ادم

[‏ٰٰٰ @d01sr]

من بيوت المشيخه والرايه المحموله
والأصايل ما تحب إلا الحرار الندّر .

[عجَايب @3iisy]

يطري علي .. قبرٍ سفى رمله الريح
يالله عسى راعيه يلقى الشفاعه

يطري علي وأصد بالدمع وآشيح
- وأضيق لا منه طرالي وداعه -