فـايـز الـكـريـن

[فـايـز الـكـريـن @alkr_en2]

العرب ماهم على كل واحد يشرهون
شرهة شيوخ القبيله على فرّيسها
.
سلطان بن بتلاء

[مبارك بن رادعه @MBnradah]

لو ندقق فالامور اللي عليها ماخذ
مـ استحقينا مدار الدله آم معنّق

الله يطول بقى آهل الطيب والله يآخذ
اللي لا مدح آبن عمّه فـ المجالس دنّق

[ناصر مناحي @Nmnaa7y]

الرياجيل ما تقبل محلّ الريب
في مخاسيرها والا غنايمها

وانت محتار ما بين الردا والطيب
لا المروءه تبيك ولا خوارمها

[ناصر مناحي @Nmnaa7y]

البارحه لا اسمر عبر فيها ولا اسمر ما عبر
البرق يبرق والمطر ودّان والدنيا بخير

لو نفتل خيوطك خذتك الريح يالبشت الوبر
والله ما تجمعك الايادي لا قليل ولا كثير

حنا اول حدود الكسور اللي ما يلحقها جبر
وأول من يماري به المنذور لا جاه النذير

نوصل وينشاف التواضع في نفوس اهل الكبر
اللي قبل نوصل يشوفون السما حبة شعير

نرفا الخمال ونحسن الظن ونوصّي بالصبر
الا لا وكّدنا الردى توكيد قلنا ما يصير

كم قبلك صغيرٍ يبي يكبر خذيناه وكبر
لكن نسى نفسه وقلنا ياصغير ارجع صغير

تقدر تسوّي كل شي وماش علم ولا خبر
الا الرقم الاول مااحد يقدر يخليه الاخير

الناس مليانه جهل والارض مليانه عبر
والمعتبر ماهوب في حاجة وصاه ولا شوير

أسهل عليك انّك تحرى لك جوابٍ من قبر
ولا تحرّى نبتة المعروف في نجس الضمير

[رادار القلطة @Radaralqalta]

عز الله اني مستحي لااقول يفداه البخيل
لكن يفداه الكريم اللي مهو بأكرم منه

وصل العطياني

[سلطان بن بتلاء @sbinbtlaa]

لي ثلاث سنين قانع ولا تفرق معي
أقبلت دنياي وأقفت ولا ناديتها

والله ان بعض الطواريق بنج ٍ موضعي
لو تسكّن عنك الاوجاع ماداويتها

اسرحي يانفسي برحلتك واستمتعي
مابي افكّر بـ حاجه قبل توقيتها

واشبعي يانفس من عزة النفس اشبعي
لو ماني قد الصعوبات .. ماسويتها ..!

[فـايـز الـكـريـن @alkr_en2]

"لاصار حظك ردي والوقت ماياوي
مناطح الروس خيرٍ من مصافحها"

[مـخـباط . . @_Mb72]

جارني بالشجاعه يالرفيق الموالي
ما ورى الخوف زود ولا من الموت خيفه

- مسعود ال شعفول

[فـايـز الـكـريـن @alkr_en2]

قاعده ذهبيه
قالها عكاش الذيابي
في أحد قصايده :

لو مايجي للخصم خصمٍ حمر عين
مـا صـار للأفـعـال كـاتب و قـاري

الزبده /
اختر خصمك

[عبدالعزيز العبلان @azizalablan]

بين جعل تزين بكره ، وعيّت لا تزين
قد تعشت سود الأيام .. قلب المنتبه

أنت يالصادق مايفهمك غير الصادقين
بإختلاف اللي تعيشه .. وفرق التجربه

رغم تكرار القصايد على اللحن الحزين
"معظم الشعار ماتشبه اللي تكتبه"

إن حكينا فالمشاعر .. توّلانا الحنين
وإن تسامينا عليها ، فقدنا الموهبه

[محمد ظافر @ip1616_]

جنبوني سالفة وين رحت و وين جيت
وينك ؟.. من لسان غيره تراها جارحه

يا كثر ما أدور أشباه له !.. ولا لقيت
بين كل العالم الساريه .. و السارحه

أقدر أوزع على الناس حزني بيت : بيت
بس ما أقدر بـ إشتياقي .. عليه اصارحه

ما هقيت الحول بـ يدور باقي ما نسيت
كل يوم يمر ؟.. كن " الفراق البارحه "

[فـايـز الـكـريـن @alkr_en2]

مكتفي باللي يجي منك من باب الوصال
إن عجزت تسوي الصعب ، سوّ المفترض

أرسل إن عيّت عليك الظروف الاتصال
الرسايل بعض الاحيان توفي بالغرض

- عبدالله السراهيد

[حمد الميموني @Abcd_198o]

يامحابيس الصدور .. وياصناديق الرسايل
في شيٍ مايشال .. وفيه حاجه ماتخلا

إن تغاضينا عن الزلات ماننسى الجمايل
وإن تناوشنا قليل المعرفة : كبّر وصلى

رفقة الطيّب تزيد العمر .. وتزيد الفضايل
كل مازاد الدهر قسوة وأذى .. قامت تجلا

ورفقةٍ يدخل عليها الشك من شتى الوسايل
لو نعلّقها على راس الجبل قامت تدلّا ..!

[الحاكم @_alhakm]

مبادئ ثابتة:

محمد بن عفيفه:

"عن زلة الصاحب وغرّات الاجواد
سمعي ثقيل وفي عيوني غشاوه"

فجحان الفراوي:

"ماني على زين الحكايا بخيلي
هرجٍ على غير النشاما غثا بال"

محمد السديري:

"إذا لحقني من رفيقي عذاريب
دورت له عذرٍ سمين وعذرته"

[فـايـز الـكـريـن @alkr_en2]

يقول جلال الدين الرومي: "عندما تتخطى مرحلة صعبة من حياتك، أكمل الحياة كناجٍ وليس كضحية"

"ما يعتذر بالظروف إلا عديم القرار
وما يبكي من الحياة إلا مساكينها"

[فـايـز الـكـريـن @alkr_en2]

أزعل ليا شفت طيّب راس لكن رايه
ما يمثّل راسه الطيّب . . ولا مرجلته
:
ناصر مناحي

[عبدالرحمن القوس @algoos_a]

@hattan_560 @iNaser0 احسنت الاختيار يا هتان ،، ناصر من الشباب المجرمين فالإبداع والمسطرين فيه بقووة

هو اللي يقول

صايرٍ معظم كلامي فـ الضمير الغايب
غايبٍ ماله ضمير .. ولا طرى له رجعه

[ناصر بن مفلح . @nassre_]

"

قيمة الإنسان ماهيب فـ أرصدت البنوك
ولا تجي مسفوط خاطر ؟.. ولا حتى سبي

تعكس الزله خطرها على الوجه الضحوك
" و الحظيظ " إللي تمسك بـ منهاج النبي

الثقه لـ الشخص مثل السياده لـ الملوك
تحترم .. عند ( المواطن ) و عند الأجنبي

دايم إللي عاش مرهون في سجن الشكوك
ما تعرف " شفيه" ولا يعرف .. إللي " يبي "

[ماجد بن مهل @majed_almhl]

"من وطت رجله على درب المذمة
يستشك من العرب لو يمدحونه"

دائمًا وأبدًا .. أحسنوا النوايا فعليها ترزقون

[فارس السميري @vv_851]

"ذلول النصافي"

صاحبي في مشاوير الديار البعيده
معك الايام ، تفرض جيّتي وانصرافي

بيني وبين عذبات الليالي قصيده
أرقَب "سهيل" فيها يوم غنّيت قافي

كيف ارد الجميل اللي لـ " داوود" جيده
مثل جيد المهاه اللي تروز الفيافي

جيت له يوم جت بي والمزاهب زهيده
موقفً ما يطاق و صاحبً ما يوافي

وانتصر لي وانا ماني على ما يريده
" جعل الايام تبطي بالرفيق متعافي"

اكبر من المدايح و القصايد ، رصيده
من معاريفه اللي مثل "وضح الشرافي"

المواقيف تصغر ، بالعزوم الشديده
والليالي خوافيها ، تبيح الخوافي

والمشاريه احد من الرهاف الحديده
بين كبوة حصان و بين هقوة سنافي

من يسلّم مشاريه الرياجيل قيده
لا يعلّق رجاها في " ذلول النصافي"

ما كتبت القصيد أردّده و أستعيده
حسّة(ن) فالضمير تطلّع الشعر صافي

اصخره في مواقيف الرجال المجيده
واقطفه من مرابي " عامرات المدافي"

مرهقات القلوب معاملات المكيده
موردات الاصحّا ، للثرا و المشافي

نازح البعد ما خلّا لـ قلبي شريده
دونه البيد صفحه ، و الركايب قوافي

ما يعبر المفاوز غير ساعي بريده
لو تهيّا مطارات الدول و المرافي

يسمل الحال في عز الحياه الرغيده
لا تجاهل مواصيلي و صدق اعترافي

لو تصادمت مع حكم الظروف العنيده
" منه حلو العناد و منه حلو التجافي"