أنا ضحيّة غمزتين .وهدب عين
يوم اعترضتي لي وانا كنت هادي
سلهامة عيونك لو أنك .تشوفين
قامت .تغرّب بي على كل وادي
أحب وجهك من ضميري وتدرين
أني ليا ..حبيت ماني .بـ عادي
جعل يومي قبل يومك ولا ارثيك
يا واحدٍ عقبك عيونه حزينه
أخاف يومٍ يذكر الموت طاريك
وتغيب شمسٍ في حياتي ثمينه
أكنّ حبك في ضميري وأداريك
واخفي غلاً بالصدر زايد أنينه
وأقول يا ربي من الموت ينجيك
عزّاه يا روحٍ بحبك رهينه
~هـادي
ما تسوّلت السعاده من أحد
ولا لأحد مِنّه على بسمة شفاي
ان تعبت السبت بطيب الاحد
وان بكيت اليوم يوم السعد جاي
ولا كرهت إنسان لو جار وجحد
هقوتي ما تبعد اكثر من غطاي
ما رجيت إلا رضى الفرد الأحد
في رضاه اليا رضى عني رضاي
ولو أتوب من الذنوب اللي جنت الأيام ضدي
ما قدرت أتوب عن ذنبٍ يعيّن القلب صوبه
كيف أتوبك؟ يا أجمل ذنوبي وأوقف عند حدي
وأنت ذنبٍ لا غفره الله.. ولا لي عنه توبه