عُ

[عُ @ass5163]

اللهم ارحمه واجمعني به في جنتك ❤️

[َ @nl0rl]

أنا الراي لاقالوا هل الراي وين الراي
وأنا الحرب والتاريخ والسيف وغماده

تكفيني الفزعة ليا جات من يمناي
عن الفزعة اللي في يد الشعب والقاده

تعرف الليالي طيب راسي وطيب أباي
ليا سولف اللي ينسب الطيب لأجداده

على العز ياروس تحاما على الحماي
الأيمان مداده والأرقاب سداده

مشاري محمد

[ناصر محمد الشلاحي @nshla7i_]

اللهُ أكبر .. و يتلاشى ( خوفنا ) من ما يخيف
سبحانه إللي كوّن الكون و على العرش إستوا

قلّط محمد فـ السماوات العلا مقلاط ضيف
و أمر كليمه يخلع النعلين في ( وادي طوا )

ترتاب نفسي و إن ذكرت إنه على خلقه لطيف
آلوذ بـ إسمه .. و أدحر الخناس ملعون الثوا

في كل يوم أقول لـ الشيطان أبو كيدٍ ضعيف
عندي لك الكرسي و عندي قل أعوذ و قل هوَ

يا كثر أطبّا النفس في باريس .. ولا في جنيف
مير الدوا .. في وصفة أمّيً ما ينطق عن هوا

أثر الزمان الشين ما يعرف وضيع ولا شريف ؟
موزعٍ جيشه .. و حملاته على الناس " شعوا "

حتى الرفيق إللي من أول كن عينه حد سيف
شفته و في عينه سواد . . و في مخابيّه دوا

ما قلت كيف الحال لأن الحال ما يحتاج كيف
أقول يا شين القوي .. لا صار " منهوك القوا "

ما عاد في نفسه عزم .. ما عاد في قلبه وليف
والله .. ماغير تشوف لك جثه معباةً ( هوى )

الموت .. ماهو دخلةٍ فـ القبر ؟ لو إنه كليف
الموت لا صار الفرح و الحزن في عينك سوا

ليته يعلّمني . . و ياخذني على الدنيا حليف
والله لا أقول لـ كل ظرفٍ يشغله ؟ مالك لوا

أنا ماغير أشرب فناجيل الزمن كني " حنيف "
مصبوب له خمسة عشر فنجال لكن ما روا

تمرني مواقف .. الدنيا مثل فصل الخريف
إللي ثبت رجال و إللي طاح .. دون المستوا

ولا دريت إن الزمان أغبر .. و واقعنا كسيف
إلا بعد ما شفت شيخ القوم " صانع محتوا "

الناس تالي الوقت : قامو يرفعون الوان طيف
ما عاد يفرق عن خطوط العرض خط الأستوا

_ جمال بندر

[ALi @ali1111am]

ضرينا على بيض الفعايل وكبر الشان
وعلى كل علمً يطلق الوجه واليمنى

ما نرخي مناكبنا سوا لـ طاعة الرحمان
ولا تعترض فـ نحورنا الا محازمنا

[. @b6ash_oll]

من البارحه وانا انتظر حزة المنهاج
لو الذكريات تحاصر القلب وتدكه

اشوف المشاعر كنها زحمة الحجاج
واقول المشاعر قدست بس في مكه

عشان النديم اللي عطيته وانا محتاج
وعمرت حبه وسط قلبي واخذ صكه

احنه من الزله ومن هرجة الهراج
وابكي عيون اللي يقولون لي بكه

ولاهوب شرط البعد يطفي الغلا الوهاج
ابن عون كان مولع بـ طيره وفكه

يا شين الوصال اللي يجي من وراه ازعاج
خصوصاً مع اللي .. يفتح الباب ويصكه

وانا اهون علي يقفل الباب بـ المزلاج
ولا يتركه مردود .. في سده بلكه

فراقٍ غلانا فيه اساسي وطلق حجاج
ولا وصلٍ يجلس غلانا على الدكه

لازاد العتب قل الغلا حسب الاستنتاج
لو ان الغلا مثل السمن داخل العكه

عزمت وقطعت الراي حين الصباح انباج
وحصنت قلبي يوم وريته السكه

مدام المرض تستخرج الناس منه اعلاج
ابا استخرج الراحه من الضيق والتكه

توادعت " انا وياه " منعاً لكل احراج ..!
وحفظاً لـ ماء الوجه والخوف والشكه

وداع السجين اللي بعد وصله امر افراج
توادع مع اصحابه .. وقلبه يبى الفكه .

ـــ عناد الشيباني
@enadm1

[Al-Subaie @uopixe]

بختصر لك ثمرة السالفه و أسبقك و أفداك
كل أبونا عطانا وقتنا رمح المّطني

لأجل عيش الكرامه كم وردّنا حوض الأدراك
بين روحه و جيّه و الركايب ما توِّني

مير أنا شفت تغيرات في دورات الأفلاك
فيه شغلات مهما يعجبنك ما أعجبني

- سفر الدغيبلي

[ALi @ali1111am]

لاتخلي في رقبتك لخلق الله جميل
الجمايل في رقاب الرجال مكلفه

القبول الزين والجود لو حتى قليل
قيمته قيمه « وعذر الكرام يغلفه »

[☕︎ @7o7op]

قدامي ظروف و ورا وجهي ظروف
لذلك اليا بعت مانيب شاري

ما قسّم المصروف و أدس مصروف
" والله ما تدري عن يميني يساري "

من الله و لله و لا ليّ معروف
أنا من الأساس مولود عاري

لكن كساني ربي و ما عليّ خوف
الخوف من يوم نجي به عواري !

[ّ @8iurr]

ترا من يخون العهد ماله معي مجلاس
ولا احب رجلٍ يعطي العهد ويبوقه

وانا والله اني اكره اللاش والبلاس
واحب الكريم الي مخلاتن طروقه

وانا اكره ردي الراس لوه قريب الناس
واحب الشجيع اللي حمياه بعروقه .

[ّ @8iurr]

الضعافه ماتوردّك المناوي
مايوردك الشفوف الا الشراسه

لاتفكر بالمحاسن و المساوي
ماورى التفكير غير الإنتكاسه

تولد الفكرة بصندوق الشكاوي
وتُقتل الفكرة بقيد الدراسه

أنطح صياح العزاوي بالعزاوي
واترك أصحاب السياسة للسياسه .

[محماس @Al_ruwqi_511]

بعد راح نصف الليل وانفضوا الجلاس
وجت ذكريات العمر واحلاه وامره

يابرد الشتاء والنار تاكل ضحايا الفاس
وياحر الشعور وطاري الشوق ياحره

ارتب معاميلي عليها وانا منحاس
حسيبي على قوس الربابه ومن جره

انا وين اروح ورب عيسى ورب الياس
جعل حسنك اية وجعلك لنظري قره

عسى البارق اللي ماطره يبهج العساس
يحول على ديرتك ويعاود الكره

يسمي عليك الغيث ويهبك النسناس
ويزداد عودك لين ويزيدني حره

مفاتنك تهزمني وانا وانت راس براس
وافزع لقلبي صبر والصبر ماسره

محد قدك إلا قدّك المترف المياس
وشقارٍ يدينك تجمعه وارجع اثره

من اقواس جسمك ودي اني مابين اقواس
الاقواس ماهي قـيد يانفسي الحـره

على عنقك الفضه تحقر الذهب والماس
ويغلى ثمنها ويتضاعف مية مره

دخيل الوساع اللي تناعس بدون نعاس
ترفق علي ان كان ماهي بمضطره

بشفتك خمرً ما يوصفه ابو نواس
ولا انكره مالك في الموطأ ولا اقره

اشوف الليالي ماتشابه وجيه الناس
واشوف لشهر شوال في غرتك غره

انا اللي دخلت القصر في غفلة الحراس
وتركت بعلوه قلب وبساحته جره

وش اهديك غير الشعر وانتي عريبة ساس
ولك جد يرجى خيره ويتقى شره

انا الهايم اللي كل ماوشك على الافلاس
اجيك ويديني خاليه وارجع بدره

ماجيب القصيد الجامد اللي بدون احساس
اجـيب القصيد اللي يخليك منغـره

يقوله من يغالب عليك الجفا والياس
مايقدر يقوله قلبٍ الشوق مامره

- بندر الدويش

[المعنى . @_l9llz]

من اغتر في نفسه وطاش بفعايله
تورّيه بقعـاء فعـلها المعـتاد

يقـول المثل للعاقل اللي يميّزه
لابد ان صـيّاد الفهود يـصاد

تضاحك لك الدنيا اليا منّها اقبلت
واليا منّها اقفت مالها معواد

ياكم عاقلٍ شاف البلا من قرابته
وياكم جـاهلٍ تبلا به الاجواد

[ًً @usernshmri]

اتعب على اللي مايطولونه الناس
شيءٍ تطوله الناس .. للناس خَلّه

[حـصه @hexv14]

ابحث عن القمة ترى القاع مزحوم
ولا تنزل لبعض العرب وانت عـالي

[سلطان بن صالح الرويتع @sultanru]

فن التغافل ساس فن التعامل
حاول تنمّي عندك اللا مبالاه

مابه على وجه الثرا شخص كامل
الراس دامه سالم الحمدلله

جامل واذا ماتقدر انك تجامل
على الاقل هرج القفى لا تقصاه

ماكل من يطمر على السرج صامل
ولا كل من يطلق لسانه لحقناه

[Raneem Majed @Rnalmana1]

لو شحّت نجوم ليـلك لا تحايلها
لا ترجي اللـيل نجمة والقمـر باكر

تنتظـرك اشياء كثـيرة .. ما تّخيلها
بعد التعب مالك الا طيبة الخاطر

[هـ @otabi3x]

أعوذ بك ربِّي من الخوف ومن الوسواس
و من حاجةٍ مالي بها قوّه ولا حيله

فيك الرِّجى ما خاب يارب الفلق و النَّاس
و منك الأمل ما مات لا لحظه ولا ليله

أنت اليقين اللي قطع حبل الجزع و اليأس
و أنت الأمان اللي بخوفي دايم أشكي له

[:) @useer5ll]

ابغى اسولف معك ذا الليل لاتبخل
عندي سوالف جديدة ما سمعتيها

نقعد الين الفجر مرسل و مستقبل
و اذا انتهت سالفة قومي و عيديها

اقابل الليل وهروجك "وما تنمل"
وشلون امل الليالي وانت غاليها

واترك كلام العرب صاحين ومهبل
الناس ماتدري اني . . رايح فيها :)

[مدواخ شعر @Medwkh]

والله ماني على رد الخطا عاجز
لكني أحشم مقامي وأحترم قولي .

[مدواخ شعر @Medwkh]

فينا كرامة نفوس .. وعندنا مبدأ
لويرخص الوقت ماترخص مبادينا

[عُ @ass5163]

⁃ تساؤلات الشاعر مدغم ابوشيبه .

شلون تهجرني وأنا مالي على الهجر أحتمال؟
وشلون تهملني وأنا مانيب أطيق أهمالها؟

وشلون تقطعني ب سيف البعد قطّاع الوصال؟
وأنا لو أقطع عرق قلبي ما قطعت وصالها !

وشلون ماتشتاق ماترحم ماتذكر ما تسال؟
وشلون ما تطلق يدين كبلت بـ اغلالها؟