Rogi

تدور الليالي وتبقى الكبار كبار مثل ماتدور الارض والقبله القبله 2/9

[أبو خالد @Abokhalid123k]

ياغزال الريم ياضبي الفلاء
الجفول تجفله نسمة هواء🦌

[َ @iconiln]

ثلاث شهور وآنا افضّل العزله عن الجلاس
ماغير أمشي على طاريك وأسولف على ظلّي

أقوم هناك كن الليل يبغيني بكلمة راس
بنفس الموعد اللي قلت فيه لدمعتي هلّي

کرهت الناس عقبك وإقتنعت إنّي عدو الناس
أشوف قلوبها تدعي عليّ، وقلبك يهلّي !

[َ @r2jm1]

مايدري إنه من الجلاس سارقني
أجلس معاهم وفكري يتبع طيوفه .

[عشق بدوي @Fars511q]

هذي مداهيل حبّك في فياض الغلا
منين مارحت لك كل الدروب تدّلني

[ماجد بن مهل @majed_almhl]

لهذا السبب.. لاتخلي إجازتك إلّا بالشتاء

[Rogi @b_qfe]

غريب ومسافر لحالي ودروب الأيام تعابه
أدور المنزل العالي أزايم الحمل وارقى به
ما أحب انا المركز التالي الأول أموت وأحيابه
وش عاد لو الثمن غالي روحي على العز وثابه

[ماجد بن مهل @majed_almhl]

سربوت بس رجال

يبدو أن هذا التصنيف على وشك الانقراض
ولن يبقى إلا.. سربوت سربوت.. أو رجال رجال.

[ماجد بن مهل @majed_almhl]

انا ارتويت شعريًا لمدة شهر

[Rogi @b_qfe]

مضى عمر واحلامي ماتقدر تنسينيه
ليا جيت ابا ادله غصة الشوق محباله

لامر الحنين وساق قلبي على ماضيه
يدف الخيال اللي تبقا من اماله

سرابً يمره ضامي الماء ولا يحييه
على مجدبً ماينبت الزرع في جاله

تبعته وانا صبري عزومه تشد يديه
لو اجض من شمسه تذريت في ظلاله

[فهيد الحماد @FhNalhammad]

أحيانا تحاول تنسى شخص حبيته وأغليته
لانه أقفى وخلاّك
تجلس مدة وإنت ذاهل عنه وناسيه
وفجأة هووووب وإذا عاصفة من حنيييين تمصع معاليق قلبك
عاد الله يعينك

[معكاز | شعر @M3kkaz]

انا من اللي مايخونون الاصحاب
وان غبت عنهم مايطوّل غيابي

وان شفتهم صدوا وجاء بيننا باب
أقول : لا ضاقوا يدلون بابي .

- ثامر شبيب

[ماجد بن مهل @majed_almhl]

من غير شهادة دكتوراه
ولا طاولة وكرسي ولاب توب
ولا حقيبة دبلوماسية

محاضرة عن ١٠٠ محاضرة وهو بالنفود عند اباعره

[معكاز | شعر @M3kkaz]

إن كان بك همٍ يضكّ الصدر ضكّ
إركه على القرآن خله يفكّه..

ما يشفي المهموم لا صار منتكّ
إلا كلام الله.. من دون شِكّه..

وإن كان هاجوسك بتالي العشي دِكّ
أربط حزامك، وأقضب خطوط " مكه "

لو جيتها وأنتَ على صدرك بلكّ
والله لـ تنطلها، بلكّه، بلكّه

[سَامِد @LaAyh_1]

هذه بندقية البرنو (أم خمس) لمن يسمع بها ولم يرها.

[- @Dll7n]

البارحة والنار تاكل من النار
وأنا ضلوعي كسرتها ضلوعي

وأقول يا هم الشقى طب وأختار
لكن لا تحلم بشوفة دموعي

الله خلقني للمهمات صبار
أيضًا ولاني بالمواقف جزوعي

بعض الخطا يمكن تمشيه الأعذار
أعدي الغلطة بكيفي وطوعي

وبعض الخطا لو ياخذ يمين ويسار
لا جيت أسامح كني أحب كوعي

[سمح . @j2ri_]

على الوجهه اللي ماعلى خطها دوار
وعلى سيدها مافيه لفه وتحويله

مساري فكر ومجاهد وصوره وتذكار
وظلام بوادر طيفك اول قناديله

ابهر دلال الشوق و ابعد عن الأنظار
واضيّف خيالك واتحاشا مضاليله

شعوري وانا بين الحقيقه والإستنكار
شعور الفرح في موعد تم تأجيله

[معكاز | شعر @M3kkaz]

لو يركض العبد بيدينه ورجلينه
الصفقه الخاسرة ماهو برابحها

إن كان مالله معاه.. ولا الله معينه
بيخرّب اللي يحسب إنه يصلحها

والعمر مهما يطول بتقضي سنينه
وأول ما يشهد على نفسك جوارحها

يالله ،،،،، بقلبٍ سليم ونيةٍ زينه
تفتح لنا أبواب ما نقدر نفتّحها .

[معكاز | شعر @M3kkaz]

شعر تويتر شوق :

نخفي الوله وقلوبنا كلها شوق
وعيوننا تخفي غراماً ، خفيناه

نكتب مشاعرنا تحت رأية الذوق
والحرف من جوف الحنايا نزعناه .

[الـدُوســري @G889l]

احبك وصل وبعاد واحبك رضى وعناد❣️

[مـساعـد بن خـالد @MosAls1]

قبل ماتقدم على حاجه ترفق
الثقل باب من ابواب السلامه

من تأثر بالمهبل والمطفق
ماجنى غير الندامه والملامه