ماني بـ محتاج شي اكثر من السلوه
خل الهبوب الله يخليك تطرقني
يمكن يخف الحنين ، وتصغر البلوه
وارتاح من همي .. اللي كان مرهقني
امّا انّي انساك وانسى ايامنا الحلوه ؟
هذا هو المستحيل يصير صدقني :)
- عبدالله السراهيد
@Alsraheed
الهروب أحيان نوعٍ من أنواع النضال
لاوطت رجلك طريق الضياع السرمدي
جيت محتاجك ، وفيني كلامٍ مايقال
أتعزّز ، وأرفع الصوت ، وأمشي ، وأعدي
حطّني في وجه حضنك من صدوف الليال
تايهٍ لا أخطيت من ضمتك وين أغدي؟
- سعود مبارك
عطني يدينك .. و إنثر الليل مجدول
خلّه يطير أسراب .. و يعوّد أسراب
خمر الكلام إللي من شفاك معسول
أبيه يدرج في عروقي . . و ينساب
و عودك معزّل و متنهّض و مفتول
إليا تعدّل رمح . . و إليا إنثنى داب
و معنّقك .. فارع و زامي و منتول
و صدرك جمع ما لذ كلّه و ما طاب
مطلق بن شويه
@7o_yn ياعضيدي فالحياة وراس مالي
لا وقفت تعيد تشكيل الخريطه
دون وجهك ماحسبت حساب غالي
والعسيره لا نصت مثلك بسيطه
والله اني ما التفت في ضيق بالي
لا ذكرت انك على « وجه البسيطه ».
البال ضايق وصدري به تنهاته
الله يعين الهواوي لاسهر ليله
الحزن بانت على وجهي علاماته
و القلب صابر على رجوى مواصيله
ان كان عندك كلاماً يالغلا هاته
ماغير قلبي لقلبك شي ياويله
لاتترك القلب عايش في معاناته
افزع لمنهو من الفرقا ونى حيله
✍🏻 : Me