Claw

[Claw @Clewd88]

@Mahde_18 طيب شي طبيعي المسعف يتعاون مع العسكر ليه تبغاه يهرب مجرم

[‏᷂اڵـشــامخ ❥. @f_16661]

يا جميله لا تفردتي ب عنق و دق شامه
العنيد يبيع باقي عمره لـ خاطر عنيده

و الهوى يبغى الشجاع اللي نطق قلبه كلامه
ما يبى اللي يتعذر عنك ، بالاعذار الزهيده

اقبلي دعوة عزيزٍ قلّطك ذروة مقامه
تاركٍ خلفه جموع و جاي في يدينه قصيده

[شعور @rwcil_227]

اختلافي واضح في ذوقي وفي فني
وفي قصيد لا قريته يستفز شجونك

أبسط حقوقي شجاع ما يخيب ظني
أبلج لا من نصيته قال أنا من دونك

[باسل الويباري @BASIL_s11]

#قصيد #قصايد

✍🏻
"خذيتي امنياتي وكل احلامي
يالكامله بالجمال والاوصاف

وانا لشفتك ينزاح تعبي و همي
حتى عذاريبك يابنت ماتنشاف

ترا يابنت ماتسوين ربع ظفر امي
ومن ترك حبه الي بقلبي ينعاف"

[Claw @Clewd88]

@Nareman797340 @imp70_ والله كلمك عقلاني ابن لذينا

[رَ @rlilwr]

سمي وش اللي بس تبينه وألبيه
لا رحم أبو من لا سعى في دلالك

من بحة حروفك الين آخر التيه
ضاعت علومي بين رجفة حبالك

انتي القصيد العذ�� .. وأنا مغنيه
وانتي القبول .. اللي تخير جمالك

ودي ألم الوقت حولي وأهنيه
وأكايد الحظ الردي .. في س��الك

[سجه🚬 @alazmy46972393]

تحب مـن لا يحبك يا عـذاب قلبك
قلب يحـبك وقلب مـا ســـأل عنك

ماشفت بالناس مثلك ياقسى قلبك
اعطف علينا بنظره خـاف مـن ر��ك

تحـب فـايت ونحنا عايشين جنبك
وانا الذي قـد زرعت الفل في دربك

وراعـي الـود فـي بعدك وفي قربك
لاكنــك غـــدار مـا تعـرف قـد حبك

[Toofi @hojs31]

يطري علي زولك ويذبحني الشوق
ويزيد شوقي لك ويزداد حبك

ماودي اكتب بك قصيده وطاروق
ودي ادق واقول والله احبك

[𝙳𝙷𝙰𝙵𝙴𝚁 @r_5cy]

علي الحرام لعيش العمر طربان
مالي ومال الزعل والنكيده

اسج في دنياي و اعبد الرحمن
وابعد افكار في راسي عديده

طول عمري قرم وذيب سرحان
اذا بدا لازم ابدع قصيده

الى متى الهم والبطون سمان
وراسي بهمه شاشت عبيده

القلب ثار وغدت عشره ثمان
الصاحب البوار لازم نبيده

[ُ @i2lf_]

لك من هنا لأخر تفاصيل الأزمان
عشقٍ تمده راحةٍ ماتملّه

واليا لفحك القيظ بأطراف الأجفان
خذ نصف قلبي لا خذ القلب كله

لا تستذير معاند الشوق غلطان
الله عطاك أمر الخفوق وتوله

احيان اسوق العمر وتسوقه احيان
بيني وبينك دق عمري وجله

نمسي على جال المقادير خلان
نصبح ومرباع الغلا في محله

ماعاتبك لو ساهي الرمش كسلان
ألقى العزا بمزاح شعرٍ تفله

هاك القصيد تفجر العشق بركان
خذ من سناه وبارد الحرف خله

ياعل شعرٍ منت قافه والأوزان
تصدا عليه شهورهن و الأهله

[قصيـدة .. @78Cc_]

سمحنا وعفنا وأنثنينا عقب الاقبال
وذي عادة لا يمكن أن حن نخليها

إذا ما لقينا من هل الدار طيبة فال
نشوم ونخليها لمن هو سكن فيها

صحيح الفراق مضر لكن على ما قال
ماهي تحرق الجمره سوى رجل واطـيها

عرفنا بعز النفس من عادنا جهال
وكبرنا ومن له عادةً . . ما يخليها

[ِ @ajm1ii_]

«ياللي معك يصفى المزاج المعكّر
من يعرفك ما شاف غيرك فقيده

عليك .. انا ممنون لك و متشكّر
ياللي معك عشنا الحياة الرغيده

لك ينفتح باب القصيد المسكّر
و لك تنحني كل البيوت العنيده

و لاجلك سهرت و كل ليلي افكّر
وشلون أكتب بالقصيده قصيده»

[Claw @Clewd88]

@mey33_ عين ماصلت على النبي اذكر ربك يارجال ذلحين بيوتع سايكو

[ِ @iconoor]

تميل المرأة دائمًا لمن يكون شجاع في حبها
لأن الحب يتطلب الشجاع اللي يوفي بوعده

وعلى سياق ذلك/

اختلافي واضح في ذوقي وفي فني
وفي قصيدٍ لا قريته يستفز شجونك

أبسط حقوقي شج��ع ما يخيّب ظني
أبلجٍ لا من نصيته قال أنا من دونك

[وسّمي @wassmii_]

طال السهر والهجر بانت مواريه
والوصل لو نستلحقه فات اوانه

عليك ياللي دونك العمر ما أبيه
لو إنّ هيله .. صافقٍ زعفرانه

شاعرك ما خانت لحونه قوافيه
متصبّرٍ حتى لو الوقت خانه

وأنتِ خذيتي كل حاجة من يديه
أحلامه .. وقصيده .. وعنفوانه

واللي بقى شيٍ ما يحتاج أطرّيه
أخير من عدّه عليك اكْتمانه

تستاهلين اللي بعينك خذيتيه
يا خوفه وشمعة حياته وأمانه

أمانتك قلبٍ شلع من كراسيه
من ذمّتي في ذمّتك معك أمانه

عز الله إنّه غاليٍ عند راعيه
لا ترخصينه يوم خلّا مكانه!

وإن هب نسناسٍ من الشرق خلّيه
ياقف على أطلاله ويندب زمانه

حلمٍ مقادير الليال لْعبت فيه
ايلين ضيّع قبلته عقب أذانه

ماله هداية كان ما الله بهاديه
وماله عوين إن كان ما الله عانه

من قال كنّك أشوى من العام؟ قلت إيه
والرجل تِمسَك لحيته من لسانه

ماهو بـ دايم كل جرحٍ تداويه
"دواك من بعض الجروح سفهانه"

والجرح هذا يا أوّله ويش تاليه
وقفت له واليوم بأجلس وزانه

يشره عليّ اللي يحب المشاريه
ولّا ترى الطيّب .. وسيع بطانه

اللي يراعيني بعينه و اراعيه؟
اليوم .. كلّ دموع عيني عشانه

- منيف الجراش

[َ @i2uiur]

عليك الغلا والشوق ينساق لك بإهدار
أساس المشاعر انت يا سيّد اشواقي

فدا طلّتك قدامي الدار واهل الدار
ابيع العمر كلّه فدا حْضورك الراقي

أنا كلّما شفتك نبت فـ ضلوع ازهار
دخيل العيون الناعسه ترخي وثاقي

وش الحب لولا طلةٍ تخطف الانظار
من المبسم الآسر مغيبي ومشراقي

أملّ الاماكن والبشر واكره التكرار
ومعاك اعشق صغار التفاصيل باعماقي

سريتك عمر ماقلت يا طول هالمشوار
على جرتك سقت الخطى وانكسر ساقي

[الــعــازمـــي💘 @Alazmi7v7n]

أحبّه ولا للحب بعده ت��ابير
كأن الهوى ماعرف غير دربه

وإذا حكى تنصت له الروح بتفكير
كأن القصايد تبتدي من حنينه

وإذا ابتسم يزهر شعوري بتأثير
ويورق غصنٍ ذابلٍ من سنينه

وأشتاق له شوقٍ تعدّى المقادير
ولا عاد يوصف مابقلبي دفينه

ولو صار حبّه بين حُكمٍ وتخيير
أخذته وتركت العمر رهينه

[المــلجــأ @ALmaljapoet]

أبهج صَدرك اللي يضوي على قلب العامٍ
أبي شوفتك في كل حزٍة وترتيب الميعاد

أسابق عمّرك وأحقق لك خطاوي الأحلام
لك مني روحي ولك العمّر ياحبيبة الفؤاد

و حُب قصيد شاعر الملجأ واصلٍ للهيام
بحروفه حكت هذي هي مُشعلتي والحصاد

أنتي يارفيقة قلبي يازانٍ ، الدنيا فيك والسلام
أبي أسمع ضحكاك ينور شارع مدينة المُراد

الله يبارك بعمّرك ويمّك أنوّرك بعز الظلام
عسى سنينك بهجة وصلاحٍ ، بطريق الرشاد

ما أخطي إلاّ لإبتسامتك وأشِعرك يالإلهام
وما أخطي إلا أحافظك بمثل حُكام البلاد

ياخلّيلة القلب كل فعلٍ منك يلامس��ي سهام
أحبّك بالحيل وبان بعيوني غلّا وحّب الوداد

كتبت لك من ضلوع الوفاء ، بقلم هالغرام
إسمعيّها كل عامٍ، لحن هالأغنية بكل ميلاد ..

#الملجأ

[مِيّمِ 🫧 @by_memm6]

ما علمك قصيدي وش كثر فيني كلام؟
ولا أنت فاهم، وما همك شيء من كلامي

يا كثر ما كتمت بصدري ابيات الملام،
ويا كثر ما تحملت لأجل خاطر أحلامي

لكن الواضح أنه ��الك بدرب الغرام،
ولا همك كل حبي وكل ذاك الهيامي

شلون قوى قلبك عليّ وتركت الأحلام
تضيع، وينهدم كل اللي بنيته بأيامي؟

[طـلال @Talalj07]

#فضفضة_مشاعر

يا ملهمـة فكـرٍ خـذته المشـاعر
أنتِ غـرام العمـر وأنتِ وريـده

أنتِ مـلاذ الروح لا ضـاق خـاطر
و أنتِ خيـالٍ مـا تملـه قصيـده

مـرّي مثل فكره على بـال شـاعر
تقلب موازيـن القصيـد وتعيـده

لـك في مقـام العـز قـدر ومنابـر
وفي عين شاعرك المكانه المجيده

ما يوصفك رسام لو كـان شاطـر
وصفك تعد�� المفردات الفريده

الغيـد مـن حولك تمـر وتناظـر
وأنتِ المهـا بين الظبا يا وحيده

أنتِ نهايـة هـم بـ الصـدر حـاير
وأنتِ بدايـة كل فرحـة جديـدة

شفتك وصارت هـ الليالي بشاير
وزالت همومٍ في ضلوعي عنيده

ما طعت في حبك عذولٍ ومـاكر
حـبٍ يشـرف خـافقي ما يبيـده

يمشي لك الخفاق لو كـان عاثر
وتسوقه الأشواق لو هي بعيـده

استوطني ليل الرموش السواهر
لين النجم يلبس ضياك ويحيده

وخلي شعاعك في المحاني يسافر
يحيي عروقٍ في غرامك شهيـده

وختـامهـا يـا منتهـى كـل شـاعر
أنتِ غرام العمر و أنتِ القصيدة

طـلآل