ضاوي العصيمي🇸🇦

رجل محب لدينه ومليكه ووطنه و يحب الخير للجميع وعاشق لكل ماهو جميل ومن ضمنها نادي الهلال ( الزعيم ) 💙

[فهد العبدالقادر @f_alabdulkadir]

أستريحي ياعيوني وأستكني
مابه الا ما كتبه الله علينا !
.
لو نحصل ما نحبه بَالتمني ؟
كان كل اللي نحبه في يدينا .

[شعييل @0ickk]

الطيّب اللي جانبه ما تمله
تنشر له البيضاء على روس الاشهاد
.
جعل اليديـن القاصرة فـدوةٍ له
والمبغضه واللي من الربع حسـاد

سحلي_العوّاي رحمه الله

[معكاز شعر @M3kkaz]

لا صرت متعافي ولابك عذاريب
والروح ماتشكي عوارض جسدها

اسجد لواحد يعلم السر والغيب 
تراك في نعمة وغيرك فقدها .

[سعود عايد العلوي @saudayedalharr1]

أمدح الطيب وزود في مديحه
والمدايح للردي عيب وخساره

وانتبه خلك صدوقٍ بالقريحه
لاتعيب أنسان مرفوعٍ وقاره

الصراحه طبع للناس الصريحه
والفخر للنفس هو راس التجاره

والمصادر خلها دايم صحيحه
لاتجي في علم مجهولٍ مساره

#سعود_عايد_العلوي_الحربي

[سعود عايد العلوي @saudayedalharr1]

ماياصل الطوله ردي الهقاوي
ولايقضي الحاجه ردي العزيمه

ولا ينفع الرجال كثر المناوي
والعز طبعٍ للوجيه الحشيمه

لاصار ماانته للمهمات قاوي
خلك بحالك والسلامه غنيمه

الهزل ماهو والجزيل متساوي
وتبقى المعزه للرجال الكريمه

#سعود_عايد_العلوي_الحربي

[محمد @Mohamm10ed]

تبقى الكرامه عز في كل ميدان
ولا المذله من رضاها يهوني

من هان نفسه طول الايام ينهان
ومن عز نفسه للجزيله زبوني

^
^
^

#تدل_دربها

[رفيّع الجديعي السلمي🇸🇦 @abobander114]

نعيـش بالـدنيـا ورىٰ طـرد المتاع
مـانـدري إن نهـايـة الدنيـا الثبـور

ونجهل لذكر اللّي علينا أمرُه مُطاع
اللّـي خلقنا الواحـد الـرّب الغفور

نلهث ورىٰ الدنيامثل لهث الجِياع
ونجهـل الأكفـان..وبيـوت القبُـور

نعوذ بك يارب من عُمـر الضياع
ويارب لك نلجـأ قبل يوم النشور
🤲
#الجـديعي✍️

[قروب اشعار @aShi3ar]

لا تشتري ميزان توزن به الناس
الناس ما ميزانها الا الشدايد

عند الشدايد كل مخلوق ينقاس
وترجّح الكفّات لأهل العوايد .

[عبدالعزيز الغزي @abdlaziz_ghizzi]

ياذيب لاتشكي من الوقت ياذيب
اضرب بهمك في جنوب الرواسي

ماتوخذ الدنيا بروس المشاعيب
ولا ترفع الطايح كبار الكراسي

#عبدالكريم_المحينيش

[عبدالله غالب الشلوي @A_G_Alshalawi]

تــولّع كثـير الناس بالمال و اللذّات
يِـقـدّم عـلى دِينه .. هـواه و ملذّاته
.
زمـان التّكبِّـر و التفاخر وحب الذّات
زمـانٍ يحــيّر صاحب العقل في ذاته
.
حتى الذراري اللي من كبودنا فلذات
تـغيّر نمطهم … بـين مـيله وشذّاته
.
✍🏻 #الشاعر_عبدالله_غالب_الشلوي

[سعود عايد العلوي @saudayedalharr1]

أحدن كلامه يعطي النفس راحه
وأحدن كلامه يجلب الهم والضيق

الاول اللي فيه صدق وصراحه
والثاني الكاذب قليل التوافيق

مكارم الأخلاق فيها السّماحه
والخير يلقى في وجيه المطاليق

نضيق بالدنيا وفيها مساحه
والله كريم ورازقٍ للمخاليق

#سعود_عايد_العلوي_الحربي

[قروب اشعار @aShi3ar]

الرازق الله والبشر ضمن الاسباب
لا تعلّق أمالك على غير ربك

إن وفقك ربي يفتّحلك ابواب
ويمكن يخدمك واحدٍ ما يحبك .

[الله الله .. @u_av11]

بعض الرجال اليا هرّج يلقا قبول
وماودّك أن الناس تقطـع وارده

والا بعضهم هرجه الله لايقول
كنّك تجغم لك قهوةٍ بارده

[الله الله .. @u_av11]

الوقت ماخلا لنـا لقمة العيش
اللي نبي عجـزت يدينـا تلمه

الذيب خلا غارتـه بالمغابيش
لو تاخذ اللي في فمه مايهمـه

والحر من ماشاف ماينفض الريش
اليا كفخ ماطار من ثقل همـه

[عبدالعزيز الغزي @abdlaziz_ghizzi]

ترى التواضع يعتبر قمّة الذوق
عكس الغرور اللي جمع قبح الأوصاف

شفْ الطيور إذا اعتلت بالسما فوق
بعيوننا تصغر ولا عاد تنشاف

مختارة

[خالد الروقي @kha_zx]

صدتك عن بعض السوالف شجاعه
شيمة وعزة نفس ماهو ردا منك

صدتك عنها طيب نفس وقناعه
ترفعك بعيون العرب ما تطمنك .

[عبدالعزيز الغزي @abdlaziz_ghizzi]

احسن النية وسـوّ اللي عليك
واحمد الله واشكره في كل حال

لا يهمّك وش تقول الناس فيك
الصـواعق ماتصيب الا الجبال

مختارة

[فهد السطامي @Falsttami]

.
.

ما كـلّ من يزرع (وفـا) يجني الغـرس
وما كـلّ قـلبٍ حيّ نبـضاته إحـساس

دام اجتمع خذلان طيب وزمن شرس
لاتبني احـلامـك عـلى طيـبة الـناس !!

#فهد_السطامي

.