FAHAD

﴿ وقُل رَبّي ارحمهُما كما رَبّيانِي صَغِيرا ﴾ ..

[FAHAD @ff55dx]

وقال تعالى : ﴿ كُلُّ نَفْسٍ ذَائِقَةُ الْمَوْتِ ﴾
يارب لا أدري في أي ساعة تقبض روحي وفي أي يوم اغادر هذة الدنيا وحدي اللهم أرحمني حين ترفع روحي إليك وسخّر لي من يدعو لي بعد موتي ربي إن كان يومي قريب فأحسن خاتمتي وأجعل لي أثرًا طيبًا بين خلقك❤️

[FAHAD @ff55dx]

انقسم قلبي من الفرقا وعيا ما تليم
وين بـ ألقى لي طبيبٍ لـ القلوب يلم شمله

من سبايب واحدٍ قلبي على حبه مجيم
انصرم قلبي من البيض العذارى وانقسم له

ان بغيت أواصله واجيه وأدرى وأتشيم
ابترم لي واحدٍ جعل الليالي تبترم له

علي الدعييييه .

[FAHAD @ff55dx]

لاضاق صدري من هموم تولاّه .
وزاد العماس وقام صدري يفوحي .

أنا بلاي اللي على الرب مشكاه
اللى محرولني وانا ازريت أروحي .

يامعذربين التتن لولاه لولاه
لولا شرابه ياعرب وين أروحي .

لولا شراب العظم يوم أني أملاه
اكوي به الجمره او يكوي جروحي .

[FAHAD @ff55dx]

ياصدري عليك من الحمول الثقال ضيوف
تحزم وشيل الصعب والله يحيهم
.
ليا صارت صدوف الليالي تجيك صفوف
الاجواد صكات الزمن ماتخليهم
.
ديون الجمايل بالكفو ماعليها خوف
لاشوشوه بموقف العز يحميهم
.
عسى لا وقفت بموقفي والرجال تشوف
يقدرني الله واتعدى هقاويهم

[SAUDI POPULAR @saudipopular]

عظيمة يابلادي 🇸🇦

[Insider Real @RMCFarab]

عشق لا ينتهي! 🤍🤍🤍

[مطرب بن دحيم @ben_dhim]

اللهم احفظ السعوديه العظمى
🇸🇦🇸🇦🇸🇦🇸🇦

راس الخميني سقط ياراس ( تنوره )
يفداك، راسه وتاريخه و كرسيّه
'
وانتي سقط دون حدك شرخ ماصوره
حديدةً من مصد الجيش [ عاديه ]
'
تبجحي في ذرى سلمان اخو نوره .
وولي عهده ( وقوات السعوديه )
'

#راس_تنوره
#مصفاة_رأس_تنورة

[FAHAD @ff55dx]

يا الاجاويد افزعوا انقذوني وانقذوه
وادعوا لي يا الاجاويد في شهر رمضاااان 🚶🏻‍➡️

الخميس 26 / 2 / 2026

[ابراهيم بن عطاالله @ibharbi]

تعبت واتعبت فكري في تفاكيره
اللي لها داعي واللي مالها داعي

اللي لها في جليل الملك تذكيره
في تالي الليل يوم الناس هجاعي

من ضاع له شي لو كثرت تحاسيره
قد قيل مايحيي الميت بكاء الناعي

يامل قلب تقل في داخله نيره
مافيه عرقٍ متين وغض ماماعي

امسى مثل وادي خضراء نواويره
واصبح مثل وادي مافيه مرباعي

حطيتني يازمان الغدر في حيره
ضيعتني بين مدخالي ومطلاعي

الهم دقيت في كبدي مساميره
سم الافاعي تجرعني تجراعي

الغيب لغز ولا يعلم بتفسيره
ياكود من ترقد العالم وهو واعي

الملك بـ يدين راع الملك تدبيره
مايملكه لاملك دوله ولا راعي

ربي وانا ارجيه ما ارجي واحد غيره
هو الذي في يده تحسين الاوضاعي

يالعبد لو طرت مالك عن مقاديره
إليا نوى شي ماله عنه مناعي

لو تشلق الثوب من ذيله لـ أزاريره
ولا تقطّع من الفرحة تقطاعي

الوقت لابد له ضحكة وتكشيره
متعرض للتقلب والتزعزاعي

اسري مع الليل من ديره الى ديره
وإلى اصبح الصبح ضعت وضاع مرماعي

ألعب بشعر النبط وأوزن معاييره
وزن الذهب بين متسوق وبياعي

والصعب ماهو عليّه صعب تصخيره
إليا بغيته يطيع يصير مطواعي

واليوم كثروا على الساحه مغاويره
كلٍ ركب له جواد وجاك فزاعي

مافيه عدٍ يعرفون العرب بيره
الا بجنبه ثمانين الف نباعي

وكل لحاله تصفق له جماهيره
ياكثر صفق الكفوف وطق الاصباعي

لو يابس السدر ماعاشت عصافيره
تصرعت قبل مايابس تصراعي

كلٍ يقيَم وقدره مثل تقديره
الحج لله واجر الحج للساعي

وكل يحاسب على مبلغ فواتيره
والخام بالياردة والكيل بالصاعي

لو البضايع تباع بدون تسعيره
مايمرح الفقر في مخباة طماعي

عبد الله بن زويبن الحربي

[FAHAD @ff55dx]

عرفت منك الغرام ولا عرفت الغرام
شي من الروح مايدرى وش حكايته

فوضى مشاعر وصدق وتضحيه والتزام
بياعته فـ المساء .. ف الصبح شرايته

جيتك مجي الكرام اللي تحب الكرام
واخترت درب توقف عندك نهايته

ان كان جيتي مجيك فوق صدري وسام
وان كان رحتي . . فمان اللّٰه ورعايته ):

9 / 2 / 2026

[السامي @2lshl]

اثر العشاشيق بخلا

[مسعود آل شعفول @masuod974]

الطيب والله منبعه في ربا نجد
و مزيدك ان في روس اهلها كفايه

اقوله من الجود و لا من الوجد
ولا مبره في الهوى و الهوايه

ماينحجب على السعوديه المجد
ولا هيب في حاجة قصيد و دعايه

@Dkhoonemirates
#شاعر_اللكزس

[صالح النشيرا @saleh_neshaira]

شركة سعودية 🇸🇦 ماهيب أجنبيه
وشعب السعودية يعرف المواجيب

شعارها .. حب .. الوطن والهويه
وان اليقين افضل من الشك والريب

نقولها .. من .. باب حب وحميه
حتى لو ان جساس يزعل من كليب

وحنا ترى من عاد بقعى صبيّه
ماحن ندل الطيّب الا على الطيب

[FAHAD @ff55dx]

يامصيون النبا شوفتك فنجال على مقداع
تقهويته ودلة شوقك من الجمر فواحه

طيوفك كل ليل لها على جرح النديم ايقاع
لو ان للجرح صوت تستمع له هزك نياحه

ورا الذكرى تجيبك وانت قاطع فوق سبع ارياع
تعاقبني بذكرى من صبي العين مياحه .

30 / 1 / 2026

[FAHAD @ff55dx]

إن حداك الليل بالسيف الشطير
إبتسم له غصب كنك هازمه

وإن حداك الهم ف البحر الغزير
صب له فنجال كنك عازمه

27 / 1 / 2026

[FAHAD @ff55dx]

لا صار حزني واصل أكبر مرحله و أوسع نطاق
من ضحكتك صار الحزن خارج نطاق التغطيَه

في غيبتك ما ضاق بس الصدر حتى الكون ضاق
و الأكسجين أحياناً من الضيق ما يملى الريَه

19 / 1 / 2026

[هاني @iih4u]

شيـخٍ طرف بشته يذرّي حكومات
بـ اطراف بشته .. ثبّت الشرق كله

[فهد بن بجاد @ifhd4]

مْحمد ابن الذيب ما عنده يقين
عنده خلل فالدين ، واعراف الرجال

ذيل الثعل يشهد لـ فعل ابا الحصين
ولا علينا فـ الذيول ولا الثعال

حنا خلقنا الله كعام العايلين
اللي تزم خشومها في كل حال

الشرق الاوسط فيه امير المومنين
اللي تميل الروس لـ عقاله لا مال

يعيش ابو سلمان فخر الامتين
ويعيش غيره خاضع لـ خشم الريال

[العنّقـاء @ma55rrik]

"لاحد يدري ان بيني وبينك قطيعه
خلها زلة من وافي عند وافي "
- سعيد الدحابيب

[زِيـاد | AL Qahtani @n_us6]

ليا من ذكـرت إني تحت رحمـة المعبود
يجيني على المتعسّره ،، ضحك هستيري

[أنس بن مسيعد @anasbinmosai3d]

" الشدايد لامديح وْلا مسبّه "
مرّها يكشف لك عيال الحراير

و الكرم مثل الشعر مثل المحبه
(منفعتها كلّها بعد الخساير )

خل عنك اللي ظروفه مستتبّه
الرجال سيوف ، تصقلها العزاير

من يبشّرني بنارٍ مشلهبّه
اتعبونا اللي مراجلهم زقاير

الاكيد اني من العام اتنبّه
جفّت الاقلام واسدلت الستاير ،

فاز منهو فاز في مرضاة ربّه
كل من في الارض حاله حال زاير .