Top Tweets for #InCubatorS

महाराष्ट्रात नवउद्योजकतेला चालना देण्यासाठी राज्य सरकारचा महत्त्वपूर्ण उपक्रम! राज्यातील विविध भागांमध्ये स्टार्टअप्सना आवश्यक मार्गदर्शन, तांत्रिक सहाय्य आणि प्रोत्साहन मिळावे यासाठी महाराष्ट्र राज्य नाविन्यपूर्ण सोसायटी (MSInS) मार्फत राज्यभरातील २९ इनक्युबेशन सेंटर्सना मान्यता देण्यात आली आहे. या उपक्रमांतर्गत आज राज्यातील नामांकित संस्था वीर जिजामाता टेक्निकल इन्स्टिट्यूट (VJTI) आणि आयआयएम नागपूर यांचा समावेश करण्यात आला. या अनुषंगाने महाराष्ट्र राज्य नाविन्यपूर्ण सोसायटीने VJTI आणि आयआयएम नागपूर यांच्यासोबत सामंजस्य करार (MoU) केला. या प्रसंगी महाराष्ट्र राज्य नाविन्यपूर्ण सोसायटीचे मुख्य कार्यकारी अधिकारी श्री. श्रीकांत पाटील, VJTI इनक्युबेशनचे मुख्य कार्यकारी अधिकारी डॉ. सीमा मॅथ्यू आणि आयआयएम नागपूर इनक्युबेशनचे मुख्य कार्यकारी अधिकारी डॉ. शिवाजी धारवाड उपस्थित होते. या माध्यमातून राज्यातील जिल्हास्तरीय स्टार्टअप इकोसिस्टम अधिक सक्षम करण्यासाठी ही इनक्युबेशन सेंटर्स महत्त्वाची भूमिका बजावतील. VJTI हे डीप-टेक स्टार्टअप्सना प्रोत्साहन देण्यासाठी तर आयआयएम नागपूर विदर्भातील स्टार्टअप इकोसिस्टम मजबूत करण्यासाठी या २९ इनक्युबेशन सेंटर्सपैकी एक म्हणून कार्य करणार आहेत. या उपक्रमामुळे राज्यातील तरुण उद्योजकांना नव्या संधी, संशोधनाची जोड आणि उद्योग उभारणीसाठी भक्कम व्यासपीठ उपलब्ध होईल. नाविन्यता, कौशल्य आणि उद्योजकतेच्या बळावर महाराष्ट्र स्टार्टअप क्षेत्रात नवे विक्रम प्रस्थापित करेल, असा मला दृढ विश्वास आहे. #MSInS #IncubationCenters #VJTI #StartupMaharashtra #MaharashtraStartups