Top Tweets for #LNPV

@MENFP_Education/Egzamen_Leta Vizit sipèvizyon Minis edikasyon nasyonal la, Pwòf. Augustin ANTOINE nan Lise Horatius Laventure Minis edikasyon nasyonal la, pwofesè Antoine Augustin, vizite jodi lendi 22 jiyè 2024 la Lise Horatius Laventure nan kad premye jounen egzamen Leta pou 9yèm ane fondamental, Lekòl nòmal enstitè ak Sant edikasyon familyal yo. Minis la te akonpanye ak minis jenès, espò ak aksyon sivik la, madam Niola Lynn Sarah Devalis Octavius ak minis san pòtfèy bò kote premye minis lan ki chaje pou netwayaj nan enstitisyon leta yo ak lit kont koripsyon ak enpinite nan Leta a, madam Marie Chantal Dumay, Direktè depatmanl edikasyon Lwès la, mesye Étienne France Louisseul ak Direktè ansèyman fondamental la, mesye Kendy Nicolas. Nan okazyon an, minis Antoine eksprime volonte l pou l sipòte elèv yo k ap patisipe nan egzamen an epi raple gen dispozisyon ki pran atravè tout peyi a pou pèmèt kèlkeswa kote elèv la ye sou teritwa nasyonal la pou l rive konpoze san difikilte. Dispozitif sa a fèt atravè Sant pèmanan evalyasyon (Centre Permanent d’Évaluation (#CPEV) an fransè), daprè Direktè depatmantal Lwès la (#DDEO), Étienne Louisseul France, ki te pran lapawòl nan okazyon an. Mesye France souliye menmsi elèv yo ta gen difikilte akòz pwoblèm vyolans pou yo konpoze nan syèj inisyal yo, fich egzamen an ap pèmèt yo konpoze nan nenpòt syèj sou teritwa nasyonal la.