Top Tweets for #bugandayiyo_bugandayange

BANDI NE BWEREERE Kabaka w’e Bunyolo yalonda Katikkiro we, ng’ayitibwa Bandi ne Mugema we, ayitibwa Bwereere, bawerekereko Kimera, agende alye Obuganda. Tebaddayo Bunyolo. Bwe baatuuka kuno, baaganja nnyo wano e Buganda olw’okubaleetera Kabaka. Buli lwe wayogeranga ku muntu eyajja ne Kimera, nga bakugamba nti “va ku muntu wa ‘bandi’ ate munne yasinga kuganja mu baana ng’abaagala nnyo, era baamukaabiranga nnyo. Buli omwana lwe yakaabanga, nga bagamba nti akaabira “bwereere.” 🔵 Lindirira ekitundu ekiddako 👌 #BugandaYiyo_BugandaYange

KIMERA ALYA OBUGANDA Omulangira Kalemeera yazaamira mu kubo ng’akomawo. Kabaka Ccwa Nnabakka bwe yamanya nga mutabani we baamukolera lukwe, n’anyiga era ne Walusimbi n’agobwa ku Bwakatikkiro, ne balonda Ssebwana ku Bwakatikkiro. Ccwa Nnabakka bwe yabula olw’obusungu, Obuganda bwasigala tebulina Mulangira alya Bwakabaka. Ssebwana, Naŋŋoma ne Nnaabugwamu baali nga bakimanyi nti Kalemeera yaleka azadde omwana e Bunyolo, naye nga ne Winyi yali tamanyi nti mulangira. Abantu bwe baakowa effugabbi lya Ssebwana, ate nga n’olugambo lwali luyise mu bantu nti Kalemeera yaleka azadde Omulangira, Nnakku e Gganda, nga ye muzaana oli ow’omukolo, ne Najjuka e Kireka, baasala amagezi agaggya Ssebwana ku ntebe. Nnakku yatuma Nnaabugwamu n’Abakulu b’ebika, okugenda okunona Omulangira e Bunyolo. Naŋŋoma ekyo olw’akimanya nti bakimye Omulangira, yagenda mangu e Bunyoro ewa Winyi balonde omu ku Balangira, agende alye Obuganda. Winyi bwe yalonda Omulangira, Naŋŋoma n’amugaana, n’amugamba asindike Kamuwanda, era n’amutuuma erinnya Kimera, agende ameze Obuganda, ng’ajjukira olusoozi lwa jjajjaawe Kintu, Naŋŋoma lw’akuuma. Nnaabugwamu yasanga Omulangira anaalya Obwakabaka bwa Buganda asimbuka okujja mu Buganda. 🔵Lindirira ekitundu ekiddako👌 #BugandaYiyo_BugandaYange