تذكروا من يغمر الناس بلطفه يُعامل
يومًا بمثله ، فكُل ساقٍ سيُسقى بما
سقى _ وفي رواية اخرى:
"أنا اللي كل غاياتي حسن سمعه ودعوة غيب
وأكون اللي بعد ذكره ثنوا .. بـ أفعاله وأخلاقه".
الجادل اللي عنقها حول شبرين
وفي خدها شامه وفالعنق شامه
فنجالها ماهوب باوسع من العين
والجيد كنه طخاف الغمامه
من بد ترفات البنات المزايين
ما فيه مثل الفارقه بالعلامه
طرقا تهزع فالجراهيد وتزين
حتى لو ان القاع ثاير عسامه :)
إكتشفت إن الحياة بـ كبرها قطعة مسافه
تغوي المفتون ، لين العقل يصحى و يتنبه
و إستعذت مْن الدروب اللي نهايتها حسافه
قبل ترميني ملذات الزمن . . في جوف غبه
مايخاف المؤمن اللي فيه من ربه مخافه
مصدر الخوف الحقيقي واحدٍ ماخاف ربه
أميرة الغيد شيخة كل تلع الرقاب
كل العذارى لحال و هي لحالها
سلسالها في نحرها كيف قاوم ما ذاب
اثره سواتي يشوف اشياء و لا طالها
لو طالها ذاب جعله للفنا و الذهاب
هي وش تبي من قلايدها و سلسالها ؟
هي من تزيّن قلايدها و تزهى الثياب
و تغار منها البنات و هي على فالها ♥️