َ

لا تدقق فالحياه تمّلها .

[َ @hbnahf]

أعماني النضج لين أزريت أشوف الحياة
مع إن جيلي يعيشون " الحياة بشغف "

- مشكلة الوعي ، يخليك تشوف كل الأشياء تافهه .

[َ @hbnahf]

ذكرياتٍ تعبر العمر طرقيّه
وذكرياتٍ في وطنها ومرباها

وصورةٍ في متحف البال مطويّه
كل يوم آفلّها وآتهجاها

- مدغم ابو شيبه

[عشق بدوي @Fars511q]

كيف خليتني عقب الجماعه وحيد
كيف نزحتني عن ربعي وعن هلي

[َ @hbnahf]

ولا انساه الين طريف ينزل بـ جنب الغاط
وبغداد تصبح في ضواحي خميس مشيط

- عبدالله بن شايق

[َ @hbnahf]

إن لقينا اللعب نزحف مع جوً لعوب
وإن هبطنا سوق طيبً خذينا ندّره
#جدلانيات

[َ @hbnahf]

خذ قصيدي يا شذا الورد لا ندا
وانتبه لي واستمع موجز النشره

والله انك بالغلا فارقٍ جدا
مثل فرق الابتسامه عن الكشره

- ضيدان بن قضعان

[َ @hbnahf]

الأدمي لـ الله على الخير قداه
يطيب حظه والنوايا نظيفه

وان كان شانت نيته شان ممشاه
و يقل مقداره بخاطر وليفه

يالله بحظٍ يرفع الصيت والجاه
يامودعٍ شهب الأراضي مريفه

- مطحس بن حمد

[َ @hbnahf]

ترى نطحة الواجب مثل نطحة البارود
غرام الشجاع اللي على درب شيبانه

[َ @hbnahf]

والله إنّي ما اسفهل بونس غيرك لو عطوني
قصر في حي المصيف وقصر في حي العليّا
#جدلانيات

[َ @hbnahf]

عزاز النفوس تجنب المشرب المدهول
لو إنها تموت من الضما . . ما ارتوت منه

[َ @hbnahf]

تجيبك في ربوع الذاكره ياصفوة الخطار
مقاديرٍ رمت بك في طريقي وأنت ماتدري

[َ @hbnahf]

صباح الخير ، اما بعد :
جعلنا لا بيّنت شمس الصباح المستنيره
يتداول ذكرنا بالطيب والفعل المشرّف

[َ @hbnahf]

ضياع العشم يأثر على البال بالتنكيد
مثل ما السهر يأثر سواده على الحاجر

- مطحس بن حمد

[َ @hbnahf]

كن مقدمه للضيوف يصيح وينوّه
مثومنٍ تمرح البل بين اطانيبه

بيتٍ دلاله مناحيرٍ على ضوّه
يذعر بها زعفران الهند ابو شيبه

فوقه شذا العود الازرق كنها نوّه
من مر منها الهوا يفتح لها جيبه

- سعد بن جدلان

[َ @hbnahf]

عن ضجيج الناس والمجتمع جاني جفال
كن ما ذولا بـ ناسي و لا ذي بـ بلدي

و الهروب أحيان نوع من أنواع النضال
ل�� وطت رجلك طريق الضياع السرمدي

- سعود مبارك

[َ @hbnahf]

انا في وجيه اللي تخاف اللّٰه من الشين
ليا سولفت بالشين من لا تخاف اللّٰه

ترى اللي عطانا وسع خاطر وطول يدين
عطانا حمار عيوننا طبع وجبله

- مزيد الوسمي

[َ @hbnahf]

على العز ياراس عطاياه دين ب دين
تسامى عن النقص وتشيّم من الذله

معارك قليلين المروّه ضعاف الدين
دليل البياض اللي غزا عارضك كله

يعذربك من لا يعرفك يالمقام الزين
لكن يالمقام الزين من يجهلك قله

[َ @hbnahf]

له المرحبا تدبل على شوفته ثنتين
مجيه مثل وبل المطر لا فرحنا به

[شعييل @0ickk]

«انعست عين الغلا و الهوى هدا
خانت الايام و الملح و العشره»

- ضيدان بن قضعان