SAIF

Confidence without ego

[تركي بن حصين @TR_HSH]

أستحي من مدة أيدي علشان الظروف
والظروف تمد "يدها علي" .. ماتستحي !

تركي بن حصين

[‏𝑩🇸🇦 @b_we50]

اكثر فديو بكاني اليوم 😭😭

[L @slk100x]

اللي فتح الباب جعل يدك ما تمسها النار يارب

[أحمد الشيخي @FWC2030]

مقطع متداول للشيخ وليد السعيدان للدعاء الذي أوصى به وقال لو لزمته حزتَ أعظم ما يُوهَب العبد في الدنيا والآخرة

[قناة الإخبارية @alekhbariyatv]

أمان يُعاش وعز يُحكى..

السعوديون يفخرون بوطنهم ويعتزون به

عبر مراسلة الإخبارية سحر القباني

[سلمان بن عبدالعزيز @KingSalman]

نستذكر في اليوم الوطني، ما قامت عليه هذه الدولة المباركة بفضل من الله ثم بعزم وقيادة الملك المؤسس عبدالعزيز بن عبدالرحمن - طيب الله ثراه - وسواعد أبناء الوطن المخلصين من أُسس راسخة لحفظ العقيدة وإقامة العدل، ونسأل الله أن يديم على بلادنا أمنها واستقرارها وازدهارها.

[وهّاج @_3jim]

" الرثاء "

لا يمكن أن يمر عليك بيت رثاء و لا يأثر فيك :

كثير قالوا جعل يومي قبل يومك
لكن محد قالها قبلك .. وسوّاها

- رثاء زيد ابو كتيفة في اخوه

لو تدري الارض بإنك مندفن فيها
قالت يا كبر الجميل اللي ملا بطني

_ مبارك بن وافي

يقولون مابه قمة تستوي بالقاع
وانا اقول تحت القاع ودعت لي قمه

_ محمد ال شواي

كن به صوتٍ من ( القبر ) يتشرّه
كيف تدفن من يحبّك يا مبارك ؟

_ مبارك بن وافي

مرّات أحس إن ضحكتي بعدك عقوق
مرّات أحس إن البكى سر لرضاك

_ نواف الرشيد في رثاء والده

"ذكرتك : لـ جيلي لين حبوني وحبوك
ولاتحسب انّي طبت وعيوني ارتاحت

احاضي دموعي يا يبه كل مـا طروك
مثل من يحاضي دله مابعد فاحت."

_ سلطان بن عبّاس

هالوا عليها التراب مدورين الأجر
وأخذت لي حِفنةً معهم ورديّتها

_ ناصر القحطاني

على اكتافه خذاني لأكبر أحلامي..ويوم اجزاه
خذيته للمكان الممتلي وحشة على اكتافي!

_ مشعل الضوي.

قد كتبت اسمه وانا اكتب بالاسم المستعار
كيف اوقف عقب ماصرت ( شاعر ومعروف )

_ مبارك بن رادعه

أدفّ الليالي من خذا الموت روحك - دفّ -
من العام عيّا يدخل الموت في بالي

_ عبدالعزيز العبلان

كيف اقنع بموته! و انا حتى سلامات وطهور
منها يعوّد حبل صوتي مثل حبل المشنقة

_ متعب البقيلي

اعرف قبره مثل ما اعرف معدنه
بين القبور اجيه من اية ممر

ودي اشيله من لحوده و ادفنه
جنب الرسول وجنب ابو بكر و عمر

_ محمد ال شواي

[نايفكو NAIF @naifco]

قبل 10 سنوات، تحدث سمو
الأمير محمد بن سلمان عن صناعة السيارات، كانت ثاني أهم بند لديه في ملف توطين المحتوى المحلي

اليوم #ولي_العهد_يطلق_سيارات_سير

#سير هي البداية، والقادم أفضل @ceer

[عبدالعزيز الخمعلي @abonn1410]

ليش كل ما قربنا من 2030 تزيد الصراعات؟
أكيد لاحظت ياسيدي الكريم إنك كل ما فتحت السوشل ميديا الفترة الأخيرة تلقى لك جبهة جديدة أو دولة ترفع تسليحها أو جيش يقولك
لازم نكون جاهزين قبل نهاية العقد
وقبل يومين كتبت عن اللي قاعد يصير في أوروبا وقلت لك إن هذي علامات عالم قاعد يتغير شكله

بس السؤال الأهم اليوم
وش قصة 2030 بالذات؟
لاحظ التالي :
روسيا وأوكرانيا | إيران وإسرائيل | الهند وباكستان | باكستان وأفغانستان | إسرائيل وسوريا
صداع صح ؟
مالومك صدقني منت لحالك
بس تدري إن حتى نزاعات حدودية قديمة رجعت تصحى من جديد
عبدالعزيز ليه متشائم كذا ماعليك روق الامور طيبه بس كمل
وادري الحين تقول لي طيب يمكن حنا نحس بكذا بس لأن الأخبار صارت توصلنا أسرع؟
بقولك لا
وسجل عندك هالرقم

تخيل في 2025 وصل عدد النزاعات المسلحة اللي تدخل فيها دول إلى 65 نزاع
وتراه أعلى رقم مسجل من سنة 1946
والأخطر إن الحروب المباشرة بين دولة ودولة تضاعفت للسنة الثانية ورا بعض ووصلت 8
طيب ياعبدالعزيز بعد هالكلام ممكن تقول لي وش دخل 2030؟
ابشر على خشمي تفضل استلم:

السالفة إن دول كثيرة ضابطة منبّهها على نهاية هالعقد
يعني عندك أوروبا عندها خطة اسمها «الجاهزية 2030» وتقولك بالحرف إنها تبي تكون مستعدة لأسوأ الاحتمالات العسكرية
والأغرب إن نفس الورقة الأوروبية مكتوب فيها إن نظام دولي جديد قاعد يتشكل في النص الثاني من هالعقد
يعني الأوروبيين نفسهم يقولون لك الموعد مستوعب ؟
والصين عندها محطة لتحديث جيشها في 2027 وبعدها 2035
لا عاد كذا كثير ياعبدالعزيز
واصبر مابعد شفت شي القادم مذهل 😂

عاد تدري بعد إن الإنفاق العسكري العالمي وصل في 2025 تقريباً 2.9 تريليون دولار
وهذي السنة الحادية عشرة ورا بعض اللي يزيد فيها
تقول لي طيب ليش كلهم مستعجلين؟
هنا عاد نتكلم جد شوي واقولك لأن شكل العالم نفسه قاعد يتغير
لأنه بعد الحرب الباردة تعودنا سنوات طويلة إن فيه قوة وحدة أكبر من الجميع بفارق واضح
اليوم عندك أمريكا والصين وروسيا وأوروبا وقوى إقليمية وكل واحد عنده مصالحه وتحالفاته وحساباته

يعني سلمك الله القواعد القديمة قاعدة تضعف والعالم للحين ما اتفق على القواعد الجديدة
وفوق هذا كله أدوات الحرب نفسها تغيرت
المسيّرة اللي كانت قبل عشرين سنة تقنية عند كم دولة اليوم تلقاها عند الجيوش والميليشيات والجماعات المسلحة
تدري إن فيه 469 جماعة مسلحة غير حكومية استخدمت مسيّرات ولو مرة خلال آخر خمس سنوات؟
يعني القوة اللي كانت تحتاج منك طيران وقواعد ومليارات صار جزء منها اليوم متاح حتى لجماعة صغيرة

وخلني أقولك الشي اللي يبرد القلب
أوروبا انتبهت لـ2030 السنة اللي فاتت
وحنا حاطينه على التقويم من 2016 شايف كيف
بس برؤية تبني اقتصاد وفيها هدف نوطّن نص إنفاقنا العسكري بدل ما نستورده
يعني قرينا الساعة من بدري
فعشان كذا لا تشوف 2030 كأنه موعد لحرب عالمية
شوفه نهاية عقد العالم قاعد يعيد فيه توزيع القوة ويبني جيوشه ويختبر حدوده وتحالفاته
واللي قاعد تشوفه اليوم يمكن ما يكون أزمات منفصلة مثل ما نحسب
يمكن كلها أعراض لشي أكبر
عالم قديم قاعد ينتهي
وعالم جديد للحين ما اتفقوا على قواعده وسلامتك

[Haramain Archive @muslimmakkah]

الشيخ بندر بليلة يقرأ من سورة فصلت بترتيل حزين يذيب لفائف القلب بـ وفاة مؤذن الحرم المكي إبراهيم المدني -رحمه اللّٰه-

﴿ وَمَن أَحسَنُ قَولًا مِمَّن دَعا إِلَى اللَّهِ وَعَمِلَ صالِحًا وَقالَ إِنَّني مِنَ المُسلِمينَ ﴾

قالت عائشة رضي الله عنها نزلت هذه الآية في المؤذنين.

[الباتريوت السعودي 🇸🇦🚀🚀🚀🚀🔥 @bat_1965]

#الحقيقه_هنا 👇👇👇👇

[الحاكم @_alhakm]

دغيّم الظلماوي في مدح محمد العبدالله الرشيد:

الضيغمي حط المراجل بعبّه
"وحنّا نلقّط ما وقع بالترابي"

وايضًا:

"ما تستحي لا يا قليل العذاريب
لو تستحي ما تاخذ الطيب كله"

[سلطان النفيعي @sultanalnefaie]

"أقوى رجل في العالم" #ولي_العهد‌ الأمير #محمد_بن_سلمان‌

- قاد تحالف عالمي مع #فلسطين ضد #إسرائيل
- قاد تحالف بحري عالمي ضد إرهاب #إيران
- قاد تحالف عالمي ضد الإرهاب والتطرف
- قاد اتفاقات بين الشرق والغرب لصالحه
- وحيد وقف شامخا مع فلسطين 🇵🇸

سنحتفي به #اليوم_الوطني_السعودي_٩٦ 🇸🇦

[سلطان @v903o]

من الطرب والله عجزت اصف هذا المشهد

[محمد النفجان Mohammed al-Nafjan @m_alnafjan]

باكستان 🇵🇰 تهدد!
تركيا 🇹🇷 تستعد!
والسعودية 🇸🇦 صامته حتى الآن..

[عبدالعزيز الخمعلي @abonn1410]

لو تابعت اللي قاعد يصير هالأسبوع أكيد لاحظت شي غريب
بريطانيا ترفع تحذيراتها وتقول حنا في أخطر مرحلة من زمن الحرب الباردة
وفرنسا تجهز خطة تحمي مواقعها الحساسة ومصانع سلاحها
وألمانيا تلقى مسيرة محملة متفجرات عند مطار لايبزغ
كل هذا وما فيه حرب معلنة ولا جبهة ولا أحد يقدر يقول مين اللي يضرب
تعال أقول لك وش اللي قاعد يصير

روسيا ما تبي حرب مباشرة مع الناتو
لأن أول طلقة معناها نووي ونهاية الجميع
فاختارت أسلوب ثاني
تضرب من تحت الطاولة
يعني مسيرات مجهولة فوق المطارات والقواعد
بالونات من بيلاروسيا تشلّ حركة الطيران في ليتوانيا
هجمات سيبرانية على الكهرباء والموانئ
كوابل بحرية تتقطع في البلطيق
وإشاعات تفرق الشعوب من داخلها
وكلها ضربات ما تقدر تثبتها رسمي على موسكو
وهنا مربط الفرس
الناتو قائم على مبدأ الاعتداء على واحد اعتداء على الجميع
بس وش تسوي إذا ما تعرف مين اعتدى عليك أصلاً
يؤلمك ولا يعطيك حق الرد
عشان كذا صارت كل دولة أوروبية تحرس بابها بنفسها
بريطانيا لحالها وفرنسا لحالها وألمانيا لحالها
وهذي أول علامة على انتهاء عصر الشرطي الواحد

وحنا في الخليج ما نتفرج من بعيد
ناقلاتنا تمر من ممرات حساسة وتقنيتنا مرتبطة بسلاسل شرقية وغربية
وكل قوة كبيرة صار عندها ورقة تقدر تضغط فيها علينا
فاللي يصير في أوروبا اليوم مو أزمة أمنية عابرة
هذي أعراض لعالم يتغير شكله
وإذا كانت أوروبا بكل تحالفاتها تعيد ترتيب نفسها من جديد
فالسؤال اللي يخصنا حنا
وش بيكون شكل السعودية في عالم ما فيه دولة وحدة تدير كل شي
وهذا موضوع حلقتي بعد أربعة أيام
السعودية 2035 كيف تستعد لعالم بلا قائد

[مُعاذ العسيري @b_vg80]

يا الله اي افتتاحية للاسبوع هذه؟ تلاوة والله من عالم آخر تحمل السكينة والطمأنينة!❤️😢

فضيلة الشيخ #ماهر_المعيقلي صلاة الفجر اليوم الاحد 9 ربيع الآخر 1448هـ

[🇸🇦ابو عبدالعزيز🇸🇦 @xzxx12]

اللواء بسام عطيه المستشار في رئاسة أمن الدولة 🇸🇦
الخمينية دولة باطنية الصهيونية دولة باطنية👂🏻

#السعودية

[عبدالإله @Abdulelah__MS]

والله يالمنظر عظيم عظيم عظيم
يكفي السعوديين فخراً أنهم شيدو أعظم توسعة
وماهي مُجرد توسعة !

جعل إبن سعود وسلالته للجنه 🇸🇦

[أنَاة . @eiicss]

ياناس الشيخ ياسر الدوسري فجر اليوم حاكى تلاوته الشهيرة لسورة المؤمنون!!

وش شعور المصلين وهم يعيشيون تلاوة من ١٤٢٥😭😭😭😭😭!