تعال نتعاتب قبل العيد
رغم الزّعل مابي أعيد من دونك
تعال و بندّور لزلاتك أعذار
وإن ما حصل بدفع بدالك ثمنها
صح إن عيوني ماهي جنه ولا نار
لكني ما ابيك تطيح منها
والولف والتقدير بينك وبيني
انا خويك وانتي اطيب خويّه
حبك ذبحني خافي الله فيني
ما باقي الا اكتبك بالتابعيه
وامشي على كيفك على ماتبيني
شفي على شفك على كل نيه
شوفك ولا شوفة خطاه الدويني
الوجه مكسف والنوايا رديه
في خدّك الأيمن قصايد ودواوين
وفي خدّك الأيسر نجوم ومجرّه
حبيبي لا تزعلين .. الزعل شين
أنتِ خُلِقتِ للرضا والمسرَّه
عيونك الثنتين ماهي بثنتين
تمرّني في البال مليون مرّه
يقولون وين الي يمتّل بكل اتقان
واقول اكثر العالم بدا يتقن التمثيل
شف اللي يمثّل دور عنتر وهو جبان
وشف الي يمتّل دور حاتم وهوّ بخيل
وانا فيه دور يشدني ف أكثر الاحيان
احبه واحب اللي بعد يتقنه بالحيل
احب الفقير اللي مسوي غني لو كان
مايلقى عشاه اللي يعيشه ذاك الليل