خالد بن حمود

[خالد بن حمود @khaled1hamud]

تهب النسايم وحتضن عطرك المهزوم
عجز ينتصر من وردك وفوحة أكليله

لا تنسين خصرك واضح انه طواه هموم
ترى الخصر يمكن مالقى شخص يشكي له

تجاهلك من همه جريمه وهو محروم
مع الوقت يمكن مايوقف على حيله

[خالد بن حمود @khaled1hamud]

ديرةٍ يادوب ما جلان يفهم فيها
لا ضربناها قعد قوقل يقلب راسه

تركي السلات

[خالد بن حمود @khaled1hamud]

ثلاثة ابيات تطري علي بين فتره وفتره :

واهني اللي ليا تاه يقدر يستشير
عكس من يشرف على الموت ماحيٍ درى
_سلطان بن عباس

خل عندك فالرياجيل نظره واحتياط
لا تكبر هقوتك فالضعوف وتنصدم
_عويد النجود

الفقير الله يعينه على رد الجميل "
والكريم الله يعينه على الضيف الخبل
_ رائد بن هلال

[خالد بن حمود @khaled1hamud]

وشفاهه الحمراء يوقف بها الغيد
مثل الأشاره فالنظام المروري 🚦

[عبشق @daq48]

[ عاصي القلب ]

انطوت من حياتي صفحة كتاب
في رجاء خير يالنفس المعيفه

بين برد الشعور وحرق الأعصاب
وانت ماشي وضيف اللي تضيفه

استماته ، وخوف ، وجرح ما طاب
والهوى شرق ورياحه عنيفه

والله إني نقاوي قلب وثياب
بس الأيام ضحكتها كليفه

ما دخلت القلوب الا مع الباب
ولا رعيت الصدور الا المريفه

ما ورا حلمي اللي ضاع طَلاّب
ليت الأحلام ترضى بالنصيفه

بايع اكبر هموم الناس ، بتراب
ومشتري عزة النفس العفيفه

اكره السعي في تحقيق الألقاب
ذنبي الشعر واوجس منه خيفه

شاعر حث ما يملك من ركاب
للسفر ثم عزم بالنكيفه

شد بيت القصيد ومس الأطناب
في وليف تحشّد من وليفه

وانت ياللي تشيل الشهْدُ فالناب
لين حلّى سوالفك الطريفه

ان تجلاً الغزل في موقف عتاب
تستحقه محاسنك اللطيفه

قالب الثلج هذا كيف ما ذاب
يوم يطبخ على النار الخفيفه

جمرها شبّ مدري قافها شاب
مالها حل هالبيض الرهيفه

فالثمان الضواحك طال الإسهاب
علّم البرق لا غرّه رفيفه

ما ذوت وردتينك تحت الأهداب
في ربيع العمر والا خريفه

وين موقع معاذيرك فالإعراب
وكل جرح يجي بعده خليفه

جادت اسباب والا شحت اسباب
علك الغيث يا وادي حنيفه

طاحت الدمعه اللي صوتها غاب
لو لها صوت ، وش عاد القذيفه

عاصي القلب ، ماله عنك مجناب
لو لقى قلب ثاني يستضيفه

خانت الذاكرة مجموعة أحباب
يوم طاريك صار إلها وظيفه

أول الحب كانت نظرة إعجاب
وآخره جرح ما وقَف نزيفه

وانت تنظر لقلبي كل ما ارتاب
نظرة الورد للعين الكفيفه

خلّه يتوب لأنه كل ما تاب
ما تخلّيه ذاكرته بكيفه

- عبدالعزيز الشاطري

[خالد بن حمود @khaled1hamud]

يا سلوة ضميري جاني الموت قبل اموت
من صدوف واجد تخلط المرّ بـ الحالي

لا تقسى علي من كلمةً صوتها مخفوت
ترى عيونك تسولف لي بـصوتها العالي

تمثنت سراجيفي تحسب الضلوع خبوت
وهي من سببها صفق يمناي بشمالي

ما رحت اغبط من صاد وسط البحر ياقوت
لكن حظّ من هو سالمً شرهة الغالي

[خالد بن حمود @khaled1hamud]

يا راسي اللي فعله يغيض السفيه
وجهك مع وجيه العرب متطاوله

لا تاخذ ألا الشور والراي الوجيه
من التجارب لو ماهي متداوله

وكان البخت عيا يجيب اللي تبيه
وضاعت حلولك فوق رف الطاوله

حاول واذا حلمك تلاشى ما عليه
اقلها تكسب شرف المحاوله

خالد بن حمود

[الأخطل @502A__]

يارب انا اخطي بعض الاحيان واتوب
وااذكر ذنووبي وااتقلب على جنب :؛

خلقتني عبدك .. ولا عندي ذنوب
ودي ااموت ... ولا عليه ولا ذنب .

- سلمان النصيف ، جعل مثواه الجنة .

[خالد بن حمود @khaled1hamud]

يا راسي اللي فعله يغيض السفيه
وجهك مع وجيه العرب متطاوله

لا تاخذ ألا الشور والراي الوجيه
من التجارب لو ماهي متداوله

وكان البخت عيا يجيب اللي تبيه
وضاعت حلولك فوق رف الطاوله

حاول واذا حلمك تلاشى ما عليه
اقلها تكسب شرف المحاوله

خالد بن حمود

[خالد بن حمود @khaled1hamud]

ياكثر الطواري والمشاريع يا لليل امس
بعد ما تجرّا حبل الافكار من خطفي

على ظهر موتر مختلف من لهيب الشمس
اليا من درج قلت الله يعين لا يطفي

قصرت الاغاني فيه مرّه وبالي عمس
لا ميحد حمد يشعى ولا صوت ابو لطفي

عسى الله يعوضني بفكسار ولا جمس
حديث الموديل ولونه الاسود المطفي

[خالد بن حمود @khaled1hamud]

ياكثر الطواري والمشاريع يا لليل امس
بعد ما تجرّا حبل الافكار من خطفي

على ظهر موتر مختلف من لهيب الشمس
اليا من درج قلت الله يعين لا يطفي

قصرت الاغاني فيه مرّه وبالي عمس
لا ميحد حمد يشعى ولا صوت ابو لطفي

عسى الله يعوضني بفكسار ولا جمس
حديث الموديل ولونه الاسود المطفي

[محمد آل شواي @mohamd__mobarik]

اصرف الهم ابيه ايحس ويروح
الظاهر الهم ماعنده كرامه
.
.

[خالد بن حمود @khaled1hamud]

@mohamd__mobarik افضل شاعر يكتب غزل فالفتره الحاليه
والله على ما اقولُ شهيد 👏🏼

[خالد بن حمود @khaled1hamud]

يشرب فناجيل النساء دون تحديد
على المنصه بعد ولا حضوري

-

وشفاهه الحمراء يوقف بها الغيد
مثل الأشاره فالنظام المروري 🚦

[خالد بن حمود @khaled1hamud]

رشيد الزلامي

الظفر فيكم ظفر لكن لجتكم كثيره
مير ضرب القمبله ماهو بمثل الطرطعاني

فلاح القرقاح

والله ان تونس على كبدك ياهاروقي سعيره
لا تحاول تزعل القرقاح وانته ماتداني

[خالد بن حمود @khaled1hamud]

@_alhakm كان ذنبك عزة النفس تكفى لا تتوب
جعل ربي ما يذل العزيز من الرجال

جابر النشيرا

[خالد بن حمود @khaled1hamud]

من الناس لا ترجين منهم غناه وفود
وكلً معَ همه ولو كثرت غبونك

تنوحين وتقولين ذنب الليال السود
وانا اقول مابه شيءٍ اسود من عيونك

[خالد بن حمود @khaled1hamud]

القلب ما هزّه البعد وتأثر بك
عندي خبر والهوى عارف مجاريحه

المشكله رحت والهاجس عطى دربك
قابلني البارح وسلّم مفاتيحه

خالد بن حمود

[خالد بن حمود @khaled1hamud]

كحيلة الطرف لا منه طرى لك رجوع
مري عناوين داري بعد نور الفجر

تلقين باقات ورد أمغرقتها الدموع
و أغانيٍ نصفها عن البطى والهجر

حبك بلاني واشوفه في صميم الضلوع
متمثني القلب ويحذفه بقطعة حجر

قاسي وطبعه سواتك يالغزال الفروع
لا طامع بحب ولا طامعً بالاجر

خالد بن حمود

[خالد بن حمود @khaled1hamud]

@502A__ 😂😂 الله يكافيك شر الترندات

[خالد بن حمود @khaled1hamud]

تشرح عيوب القصيده وانته عيوبك دبلها
كلمة الناقد ترى ماهي بعيد من النقاده