ساج

[ساج @l7ooni]

سعد ابن جدلان رحمه الله :

ياوجودي وجد من لاعته فرقا الضحا
كل ما أذكر دمعة الحزن في عين الخجول

ما فلج قلبي يكود المحبه والسحا
والقلوب اللي تكلم وتخفي ماتقول

يالطيف الروح حبك بقلبي ما انمحا
لو يزيلن الجبال الرواسي مايزول

لا بغيت أسج قلبي بطاريك أنتحا
وكل ماجينا بننهي قضيتنا تطول

أدرك الموضوع حد الشعر فوق اللحا
لا يجي حملٍِ ينوخ ثقيلات الحمول

من دخل غيبوبة أحلام حبك ما صحا
كثر خيري كاني منك مارحت أمهبول

[ساج @l7ooni]

@Agreed22 ياسعود ياسعود كيف الحال ياسعود
بطيت ما جاك من صوبي منادي

مشغول بظروف فيها نقص وزود
اطيح واقوم وعلومي جدادي

[ساج @l7ooni]

@wj__4g خالد مبارك المشعلي

[وَضـاح @1lviil_]

حبيبتي و شلون أصبحك بالخير ؟
و أنتي صباح الخير و الخير كله

- مطلق بن شويه

[فهد قطنان @Fahad_Qatnan]

تستمتع الروح في لندن يبو ساره
وتسّج سجّة سنافيٍ يدير ابله

نفسية اخوك فيها تصير جباره
تقول نفسية ابن عون فالعبله

ابن ادم ان كثر همه كثرت اسفاره
يلقابها مهرب مْن الحزن يهرب له

والشاعر اللي يحس بغربه ف داره
تحسب عليه ان حظر وان غاب تحسب له

كنت اعشق الناس وآثر الناس غداره
يبيلهم صاحيٍ يمشي بقلب ابله

ياناس لا عاد احد يعطيني اسراره
ماعاد ابا احدٍ يطبطب لي واطبطب له

سرّي وهو سرّي ليا ثوّر غباره
صليت به شرق ما صليت به قبله

يا قوّ ما آعاني مْن النفس الامّاره
اللي تحب الخطا الواضح وتطرب له

أنا هواوي وعقلي عقل طياره
يسرح ويمرح مع المزيونه الخبله

قاتلت في وصلها وانقطعت اخباره
حطيت حبلي فحبله وانفلت حبله

منهار منها وهي ماهيب منهاره
يا قطع قلب الشبل لا طاح في شبله

يموت فيها قهر وتعيش قهّارة
لو ان قلبه حديد وقلبها ربله

عشق الرياجيل كله حرب واثارة
وموت المحبين مابعده ولا قبله

[ساج @l7ooni]

الإنسان يتالم بالوهم اكثر مما يتالم فالحقيقه

[وهّاج @_3jim]

سرى الليل وش غير الحماسه و أبو تمّام
نديم الورق و الحبر و القهوه الساده

كان بإمكان بندر الدويش أن يكتفي بهذي القصيدة

[محمد ظافر @ip1616_]

دور على اللي .. ما يجي منه زله
والناس لا اقفت منه ما يقتفيها

دمث الجناب .. مقابله ما تمله
ودك لو اللحظه معه .. تشتريها

اللي مجيه .. يجلب الشر كله
جعله فدا اللي جيته نحتريها !

خليلي .. اللي ما يجي منه خله
وشلون ابلهى منه .. والا اتليها

اللي خلعت القلب له من : محله
يستاهله : من نفس راضي عليها

احب .. سمحين الفعايل من الله
حتى الوجيه السمحه اموت فيها (:

[جَسـور @bn3jm_]

إتقِ شر وصل العطياني فـ ( النظم عامةً والمدح خاصةً )

والشاعر اللي نص نص .. وبين بين
تلقاه يركض من قناه إلى قناه

حرصه على دبلة كبود المسلمين ؟
أشد من حرصه على فرض الصلاه

- وصل العطياني

[دمــث @v80r_1]

وعن الإكتفاء والنضج يقول سفر الدغيلبي :

تعوضت عنك بطاعة الله وطيب الصيت
وكنزٍ من كنوز المخاليق يغنيني

[محماس @Al_ruwqi_511]

من ساعة الفرقى يازين الوصايف
حرمتني من صوتك ،، و صوتك ادمان

بعدك ماغير ارقد على صوت ( نايف )
جعل العوض ماهو ،، بـ صوت ابو حمدان

[دمــث @v80r_1]

كم لي وانا منـك . . لا داسم ولا ظافر
يا ويل قلبي عليك ومنك يا ويله

جيتك من اقصى الدروب وبكره مسافر
على مواويل ، يا دنيا من انتي له

عطني من الوصل . . لو بروس الاظافر
ان شفتك اليوم ، ولا شفتك الليله

مطلق بن شويه

[ساج @l7ooni]

@Banalmohayya صح لسانك يا دكتور 🙌🏻

[العود @Dosnmn]

«فَلا أحبَّ للمَرءِ مِن أنْ يَجدَ إلىٰ جانِبهِ جليسًا يستطِيعُ أنْ يَسكُبَ نفسَهُ فِي نفسِه… وَيُفضِي إليهِ بسَرِيرةِ قَلبِه.»

[الريّس @83jmi]

أعظم قصيدة عاطفية في عصرنا :

تفاهمنا على حسّم الأمور وكلّنا راضين
وتوادعنا ما كنّ قلوبنا خضر و هواويه !

_ ضيدان بن قضعان

[الحاكم @_alhakm]

جميع العادات الروتينيّه تُصيبك بالملل، إلّا عادة إعداد القهوة صباحًا

[الحاكم @_alhakm]

أعظم الرجال في التاريخ اشتهروا بالصمت والحياء،

فلا مرجلة لمن لا حياء له

[ساج @l7ooni]

@_alhakm لله درك

دوروا لي حلوول ودوروا لي طبيب
وجهة الصبر كل أبوابها مغلقه
.
.

[الحاكم @_alhakm]

كل ما دنّقت شمس العصر للمغيب
صار فالصدر من شوف الظلام غْلقة

"فاقدٍ لي رفيق وفاقدٍ لي حبيب
وهاجرٍ لي ديار وساكنٍ منطقة"

صار وجه الحزن تالَ الزمن وجه ذيب
جرح نابه مكينْ وشوفته مرهقة

دوروا لي حلوول ودوروا لي طبيب
وجهة الصبر كل أبوابها مغلقه

[لهَف @Nnge]

من عذاب الذكريات ؟ أحتاج لي صبر و عزيمه
ليت دون « الذكريات القاسيه » عازل حراري