@Lamohat sager

بدايات مبتدئ

[معكاز | شعر @M3kkaz]

اللي على كسب الجميل يسارع
لكن جميله .. يلحقه بالمنّه

جمايله كنها نخيل الشارع
لو كان يثمر ما درينا عنّه .

[@Lamohat sager @loshn96]

@_idh2i غديت مثل اللي بالاعدام محكوم
مامات لكنه من العمر عايف

[قروب اشعار @aShi3ar]

عامل الرجال حسب اللي تشوفه
خل ابوه وخل جده والمناصب

الفحول اللي مع البدو معروفه
اكثر اللي تنتجه عند المقاصب .

[@Lamohat sager @loshn96]

@M3kkaz دنياك لوتضحك لك بوجهٍ بشوش
لابد من تكشيرةٍ بانيابها

[أبوسطام @ara470]

@M3kkaz الطيب ﻻتستغربه من هل الطيب
اللي لهم في منهج الطيب خبره

أوسع على الأجواد من فيضة شعيب
وأضوق على الأنذال من خرم الإبره

محمد بن سياف الأكلبي

[قروب اشعار @aShi3ar]

يالله برزقٍ يذهل موظف البنك
يطلب من الصدمه رجال المباحث .

[@Lamohat sager @loshn96]

@a_ah110 دقات قلب المرء قائلةًًله
ان الحياة دقائقٌ وثواني

[معكاز | شعر @M3kkaz]

جاملت لي غالي على شان ابرضيه
واثري ارتكبت اكبر خطايا حياتي

لبست لي ثـوبً ولا ني براعـيـه
وضيـعت ذاتي كلها بوسط ذاتي

كبوة حصانً ليت مانيب واليه
طاح وطرحني من على الطايلاتي

غلطة عمر ساقت علي المشاريه
وسجدة سهو تاجب علي بصلاتي .

[قروب اشعار @aShi3ar]

عين الردي يقصر نظرها من الطيب
لو كان شوفه شوف زرقاء اليمامه

يغويه شور قريّبين المحاضيب
ويعميه من كسب الجميل الرخامه .

[معكاز | شعر @M3kkaz]

لا تزعج الناس في كثر انتقاداتك
ويضيع عمرك ما غير اتدور الزله

ان شفت لك شي وفر رايك لـ ذاتك
ان جاز لك خذه وان ما جاز لك خله .

[معكاز | شعر @M3kkaz]

كن المراجل لك ( فناجيل وإدلال )
وكن الزمن من هيبتك جا يقهويك

لو المناصب توخذ بـ طيب الأفعال
ترى ( المناصب ) كلها ما تكفيك .

[معكاز | شعر @M3kkaz]

الكلمة اللي تضايقنا نعديها
وإن جاتنا من سفيه العقل طنشنا

مادام نقدر نمشيها نمشيها
من خوف نبلش مع الجاهل ويبلشنا

لوكل عوجا تجينا نلتفت فيها
ماكان نمشي مع العالم ولا عشنا .

[قروب اشعار @aShi3ar]

يقطعك يا اللي من عناله ما لقاه
منافعه ,, على حسب .. نفسيّته .

[مطلق العنزي @mtlq_alanze_KSA]

شدّ حيل الخطاوي فالطريق الطويل..
لين الأيام تضحك لك و تضحك لها..

لشاعرها

#بوح_آخر_الليل

[معكاز | شعر @M3kkaz]

احدٍ يشب النار لجل التعاليل
من شان يجمع عزوته كل ليله

واحدٍ يشب النار بين الرياجيل
حتى يفرّق عزوته والقبيله .

[عايض الرشيدي @ayedhalrshidi]

#تعال_لي_كلك

تعال لي  كلك  وأنا  أجيك  كلّي
ننفض غبار الوقت والعمر  ملحوق

اقلط وتعرف واجبك في محلّي
بين الثرياء  والثرى   هامتك  فوق

عيني ترحب  بك  وقلبي  يهلّي
أهلا و سهلا فيك  من خافق الشوق

قلّي وش اللي خاطرك فيه قلّي
واسوق لك فنجال عذب الهوى سوق

يامن خيالك صار لي مثل  ظلّي
لو إن مال أهل  الهوى سلم وحقوق

لاغبت عني   يابعد   كل من لّي
اعيش  أنا والهم   والحزن والعوق

من كثر شوقي ياسبب ماحصلّي
ناديت لك صوتي من الضيق مخنوق

منك العذاب اللي حصل جايزٍلّي
انت  اعتبرك  العين  وأنا لها  الموق

وإلا  الهزو   والمهزله  والتبلّي
ماهي طبايع قلب  خالي من البوق

حبك   بقلبي   عقدةٍ  ماتحلّي
وسط  الخلايا  دونها  دم  وعروق

#عايض_الرشيدي

[لمّاح الشمري @Mmsdd2]

مـاثـار دمّـي فـي عـروقي ولـو ثار
عـمـرالـنـدم مـاحاف سـيفه قـراري

حـيـاي فــي وجـهي حـمامٍ ولا طـار
وإن طـــار والله مـاتـجاوز مــداري

لـو لا العزيمه مـانولد فيني إصرار
والـذيب ماهو ذيب لولا المساري

ولـوما الحقايق تنفض غبارالأسرار
والله لتصرخ طنْيةٍ باالصحاري.

[لمّاح الشمري @Mmsdd2]

خلها بالقلب لاتسأل كثير
لاتكلف والمشاعر في غياب

المحبه شي مفهومه كبير
نبض روح ٍ يلزم بحكم احتظاب

المحبه ظل في حر الهجير
ساع يصغر ضل جنحان الغراب

المحبه علمت حتى الحقير
كيف يتعامل مع ازمات الصعاب

كان ماني وانت جوفين النظير
والله اني وانت طرّادة سراب
لمّاح

[معكاز | شعر @M3kkaz]

لـ الرفاقه عندنا معنى ، وقيمه
حشمه وتقدير غالي عند غالي

خوةٍ ما هي على عرس وعزيمه
خوةٍ ننطح بها . . سود الليالي

#شعر_الخوه #شعر_قوي

[اوتار 🎶 @mx20220]

لا تعلق فالمحبة طيع شوري
المحبه من طرف واحد ظليمه

التناسب والنسب شيٍ ضروري
تجعل الانسان له قدرٍ وقيمه

#اوتار