O84

(L♡)

[جابر النشيرا @jaber_nshera]

لو بينك وبين بعض الناس عشرة عمر
ماتسلم من الظنون اللي يظنونها

الشجرة الطيّبه لو هي قليلة ثمر
اخير من شجرةٍ ماتثمر غصونها

يـ اصحابنا كان فيكم من يهمّه لـ امر
لاتفتقون ( الجروح ) ولا تخيطونها

تجاوزو كل شي الا الخطوط الحمر
مهما تكون الميانه لاتعدّونها

[َ @veteranskyz]

الا يا سلوة الخاطر و يا نبض العروق و كلّ
مساحات الرضى و الشعر و الإلهام و حروفه

أشيّد لك صروح الود بأغصان النفل و الفُل
و أعزف من القصيد العذب للأسماع معزوفه

رسمتك في جدار الروح لـ الترحال قبل الحلّ
مداهيل الغلا لعيونك الثنتين .. معروفه ..

شجاع و طاري الفرقى يصيب العاشقين بـ ذل
و أنا من قومٍ أتروم العلا و المجد و أتطوفه

عليك أغار من شمس النهار و من حدود الظل
أنا اللي "عاشقك" من قلب و شايل ودك بـ جوفه

أتوه برحلة أيامي و لا من تهت كيف أدلّ؟
أشوف العمر شمسه لـ البعاد تلوح مكسوفه

يا أول خِل ما قبلك و لا بعدك حبيب و خِل
لا تنظر لي بنظرات الهجر ماهيب مألوفه

غيابك برّك أحلامي من الدنيا و صار أثقل
من جبال الحجاز اللي تضم الغيم و تحوفه

لا يعميك الزعل … لا ثار قلبي للكلام و زل
"أنا أكثر شخص روحك تعرفه و عيونك تشوفه"

"تعاال المشكله طالت ، تعاال و وجهك أنت الحل
محلك و أنت راعيّه و تأخذ حكمك ضيوفه"

تبي تزهر حياتي و الغلا في موقعه ما اختل
و بحضورك و بغيابك عليك النفس ملهوفه!

تبختر وسط ريضان الغرام و للعيون أقبل
ترى ليال المعاتب و الزعل لا جيت "مخلوفه"

[َ @veteranskyz]

حبيبي كيف أسولف وأتباهى بك وكيف أبداك
وكيف أشعل دجى ليلك أغاني وأرسم الصورة

وليل الشوق لا جابك على بالي بدون إدراك
أنا كيف أحتضن صبحك قبل لا تغني طيوره ؟

تفاصيلك سنا وجهك حبيبي ضحكة محياك
تفج ليلٍ معيشني تحت ظلمه ودیجوره

على مشهاك خذني وين ما ودّك على مشهاك
معك تحلى مشاوير العمر والروح مسرورة

أنا عمري بدا من ضحكتك هذي عسى ما أظماك
وكوني عقبها واقف و لا هو دار لو دورة

و أخاف إن لا سهى بالي يفوت العين ضحك شفاك
وأردد ليتني من قبل لا أسج ماخذ لها صورة

وتخاف إني تناسيتك ؟ أنا وشلون بس أنساك
وقلبي لا لمح عينك يشبّ صدري من شعوره

وقلبي يا حبيبي كيف يقوى يحتمل فرقاك
وهو لو ما تهب هبوب وصلك ماتت زهوره

عزاي إنك تمّر البال تتمايل يا عود الراك
وقبل إتصفّق كفوفي تطّلع قلب من طوره

وعزاك إني حبيبٍ قد طوى وجه الليال وجاك
وعدّك ضحكته فرحه وكل ناسه وجمهوره

عسى عمري فدا ضحكة عيونك لو نويت أجفاك
وعساني لو جرحتك ينفري ضلعي من كسوره

حبيبي ما معي إلا خفوقٍ ما يبي فرقاك
وقصيدة تفضح أشياءٍ عن عيون الناس مستوره

وأنا وش خانت أيامي حبيبي من قبل لـ ألقاك
عمر ضايع لياليّه على أيامه على شهوره

[زاهــد @_zaahd22]

انتي مدار الفلك وعيونك افاقي
وانا الذي عاش حبك باربع ارباعه

لبيه لبيه يافيي ومشراقي
ياغلا غلا في حياتي يا اثمن بضاعه

يالذ من فرحتي بك لحضة عناقي
قلب وهبته عيونك ترفض اوجاعه

مادامني لك مليك وترفض اعتاقي
من يكسب الكنز عاش ومات وماباعه

ضيدان بن قضعان

[- @Dll7n]

شرعت لك بيبان قلبي ورحبت
قلت الله الله بقلبٍ شافك أمانه

تركت كل الناس ما همني الا أنت
ضميتك لصدرٍ تباهى بحنانه

علي أنا بالذات وشلون ما لنت
هزمتني وقلبي ما يرضى الإهانه

غلطت اني بقلبك تعشمت
وأنا خسرت اليوم قلبي ورهانه

من قسوة أفعالك تراني تعلمت
كل الجروح تهون الا الخيانه

[الريّس @83jmi]

سلامي عليك إعجاب و إكبار و إستعظام
وسلامي لغيرك حق مسلم على مسلم ،

_ مزيد الوسمي

[مُسْتاء. @eii7h]

ساري واردد:
"لولاي اذب الخريمه واسري لحالي
يمكن من الضيق صدري يفتق زراره".

[الـدُوســري @G889l]

ودني لك أو تعال وجيبني لك ❣️

[زاهــد @_zaahd22]

اقلطي يا مرحبا والليل توه بادي
لا يروح الليل دام انتي وانا من دونه

باللسان وبالعيون وبالمشاعر نادي
اسمع مناداك قبل الناس لا يوحونه

من سمع صوتك ولا جاوبك هذا غادي
ودك الله يحرمه سمعه وضحك سنونه

هايمٍ في عينك وصوتك وضارب وادي
واديٍ من هام فيه الله يكون بعونه

[ارشيد عبدالله @ersheed7]

جتني تقول القصيد العذب من عنّه
توه يزين القصيد وزانت طروقه

قلت انتي روح القصيد ابداعه وفنّه
وانتي ملامح غزله وغطرسة ذوقه

انتي من الارض ولا من هل الجنّه
ولا من الغيم نسل البرق مخلوقه

وجهك يابعد الوجيه ابنّشدك عنّه
من جاب باقه ورود و صبها فوقه ؟

#ارشيد_عبدالله

[- @Dll7n]

أحبه ولو ان الزعل بيننا له باب
يسكر مزاليجه ليا من ضحك سنه

وأحبه وأنا راضي وأحبه وعليه عتاب
كثر ما يحب المؤمن الزاهد الجنه

ولا يحيي فؤادي ليا من محله غاب
سوى مواصلٍ يسقى يباسه ليا حنه

جعلني هواه ليا تنهت وهو مرتاب
أضيع بـ فؤاده كل تنفاسه وكنّه

[- @Dll7n]

ليه أنحرم من هواك الحب ماهو حرام
ما الله كتب للنفوس الا مقاديرها

أنت طمأنينة الروح وشعور السلام
في قربك النفس ما تاخذ تدابيرها

تمر الأيام في قربك على ما يرام
يا بهجة عيوني ويا أغلى مساييرها

أحبك اللي تجي فجأة ما بين الكلام
أكثر أحبك لها فـ القلب تأثيرها

[ِ @ajm1ii_]

و إن بانت حدّود الحِزن في ملامحك
سرقت لك من وجه الأيام .. ضحكة

-من ألطف مرَاتب الودّ و المواساة

[ِ @ajm1ii_]

شرعت بيبان صدري هبوب الذكريات
كل ماكني تشاليت منك تهبني

وكل ماقلت اتماسك واحاول فـ الثبات
مرني طيفك ودنق علي يحبني
- ناصر الحمادين

[ِ @ajm1ii_]

كلّ الصور .. ما تمرّ الذاكرة بعدك
كنّي على صورتك .. علّقت ذاكرتي

[َ @u544x]

أقصى مراحل الإشتياق يوم قال مزيد الوسمي :

«يبدو إن الشوق وصّاني عليك وصايه
لا اللقى يشفي غليل ولا المعانق كافي»

[O84 @lr_p06]

اسولف للقمر عنك ويتمادى ويتحداك
واقول انه ليا من بان بين الارض بيخشك

[شاء @4ix8il]

امانه يا حبيبي كل — ما تشعر بضيقة بال !
تعال و ضم حزنك في زوايا صدري الدافي .

[O84 @lr_p06]

فتحت لك صدري ياحبيبي زرار ، زرار
هذا بيتك وبيت امك وبيت ابوك العود

[O84 @lr_p06]

كيف نركع للمقفي فالحياة وحنّا
ما ركعنا للمقفي في صلاة الميت.