𝙹𝙰 🇰🇼

ㅤ ㅤ ㅤ ㅤ⠀ - في حنايا خافقي له ود ومحبّـه . ㅤ ㅤㅤ

[ٌ @ajm7i]

عن البال ماراحت طواريك لاجل تعود
مثل كل ليلة طيش مرت على تايب (:

[𝙹𝙰 🇰🇼 @marri_i2]

﴿رَبِّ اجْعَلْ هَذَا الْبَلَدَ آمِنًا﴾ 🇰🇼

[الحاكم @_alhakm]

على متني من الشوق حملٍ ماهو حملي
ومشاعر محبّه ما تناصفتها وياك

حبيبي ليا ضاع الرجا فيك من يملي
عيوني ومن ياخذ مكانك عقب فرقاك

من الجانب المعمور للجانب الرملي
سريت وزهابي شالك وعطرك وذكراك

لا مريت في بالك تبسّم وسلم لي
على قلبك اللي كان قلبي قبل لا القاك

[𝙹𝙰 🇰🇼 @marri_i2]

تسامحت مع نفسي وهوّن علي دعاي
خصوصًا دعاي اللي دعيته وأنا ساجد

غمرني شعور من الرضا للزمان الجاي
ولا صار عندي خوف من عضة الناجد

اثر من عطاه الله نزاهة ضمير ورأي
يغيب الغياب اللي يخلّيه متواجد

[𝙹𝙰 🇰🇼 @marri_i2]

ابسـط أمَـــاني الليل ؟
حكيك المفقود

[𝙹𝙰 🇰🇼 @marri_i2]

والله ان كني على صالي النار الشبوب
من لهبها يفهقون الغواري والدلال

عقلي اللي كان يبغى من الواقع هروب
تالي الايام يبغى الهروب من الخيال

[عبدالله آل لزيوح @87_a_]

يوم انا في مطاوي ريف قلبك لحالي
صعبها في سبيل رضاك يشبه سهلها

يا مجمل تفاصيل السنين الخوالي
لانطيع النفوس الجاهله في جهلها

عن الاشواق .. ما نقدر نعن الليالي
الليالي على الفرقا تهاذب بـ اهلها


[𝙹𝙰 🇰🇼 @marri_i2]

سبحان اللي يزرع بذور المحبه ف القلوب
واليا عطى عبده قبول الناس جاته مقبله

بعض الاوادم تقبله لو فيه شي من العيوب
وبعض الاوادم لو تحاول تقبله ماتقبله .

[جرّاح العتيبي @AL___9999]

كان وضعي قبل مدّه على احسن مايرام
و احسبني طبت واللي مضى لي سدّني

انشغل و اسج واليا بغيت انام انام
واكثر هروج المحبّه ماعاد تشدّني

لين عرّض ناعس الطرف وأرخى فاللثام
ورحت انا و القلب ما بين أخذني ودنّي

كيف أقاوم جسم طاغي تفاصيل و قوام ؟
وقـدٍ اطرق قادني لــ الغرام و قدّني

ولا قبله كنت قانع من دروب الغرام
و كنت مقفّي بس مدري وش اللي ردّني

ياحبيبي دام ركب الغلاء جاتك حيام
مدها بـ الوصل بعد الغياب و مدّني

لا تعرضني دروب الحسايف والملام
عدّني من ضمن الأحباب ولا عَـدّني

عاد مايحتاج أوصيك وأزيد الكلام
ان نوييييت تحب و لا تهاووي بدّني

الوصل بـ حدود ماهو بـ ذنب ولا حرام
وان تمادى ابليس بـ النفس يمك قَـدّني

أنا طبعي فالهواء ما يقيدني نظام
اتسرّع بس لا جيت مسرع هدّني

العلاقه بين الأحباب يجرحها الصيام
عشنّي ياناعـس الطرف و لا غـدّني :)

[𝙹𝙰 🇰🇼 @marri_i2]

كل لحضةٍ كانت بقـربك عظيمه
عيا يكررهـا الزمن بعد ممشاك

ماعاد لـ التاريخ معنئ وقيمه
عدا علئ قلـبٍ عجز ماتعداك

مشاعري بيـن إنتصار وهزيمه
من ليلـةٍ فيها عرفتك لـ فرقاك

ممنـونه لكل الليالـي القديمه
اللي بها صوتك ووجهـك وملقاك.

[𝙹𝙰 🇰🇼 @marri_i2]

يا ونيسة قلبي العفو قدر المستطاع
والعذر فـ الحب قسّم الطليق مْن الأسير

الوساع اللي مضاريبها فيني وساع
من رضى بدموعها الغالية مافيه خير

حبك اللي كف نفسي عن دروب الضياع
لايوردني على الموت فـ الفصل الأخير

كِثر خيرك في فقيرٍ لقى الدنيا متاع
و اغتنى من بعد حبك وصار أغنى فقير

[𝙹𝙰 🇰🇼 @marri_i2]

عاد عيدك يارفيقي وأنت بأحسن حال
عاد عيدك كل عام بعافية وبخير

لو تطول الخطوة وتبعد منا الاميال
مالحق بعد المسافه بـ الغلا تأثير

الرسايل تنبعث شاشة جوال
والمحبة في الضماير مالها تفسير

عاد عيدك يارفيقي و الغلا لازال
و السموحه لأحصل مني خطا و تقصير

#عيد_الفطر

[𝙹𝙰 🇰🇼 @marri_i2]

يرضيك ؟ حتى العيد باقيله ايام
لاجابك الواجب ولا جابك الشوق .

[𝙹𝙰 🇰🇼 @marri_i2]

معتري روحي طواري وضيقه وانزعاج
ليت نفحات الحرم كل فجر .. تهبها

لاغدى فـ النفس وحشه وف الصدر التعاج
ما يهدي روعها الا تودد .. ربها

صارلي فتره وانا ابني من العزله سياج
اريح لـ بير المشاعر .. " غيابة جبها "

اجتماعي رغم كره العزا وكره الزواج
واجبات احب اهلها وهي .. ماحبها

لو وجودي عند بعض البشر مثل العلاج
بعض الامراض الاطبا ما تعرف طبها

ودي احافظ على اللي بقى لي من مزاج
تطحن الايام .. روس ما يطحن حبها

ما وقفت لـ سود الايام وقفات احتجاج
ادري ان الثوره تشب فـ اللي .. شبها

والعقول الفارغه ما يجي منها نتاج
تنتظر فكره جديده .. عشان تسبها

التغاضي والتعايش وقل الاحتياج :
الله اللي في قلوب العباد .. يصبها

سامح من الرزق لا صار فـ اطراف العجاج
حاجة ما جات من طيب خاطر .. كبها :)

[𝙹𝙰 🇰🇼 @marri_i2]

رعى الله صدرٍ محدٍ داري بـ خافيه
يكن الحكي و اقفاله سنين مانعته

على شيمته باقي ولو كان فيه و فيه
على كثر مالدنيا مع الحكي موجعته

[𝙹𝙰 🇰🇼 @marri_i2]

من قبل شهر الخير يأتيني بخير
مافيه ليل بغيبتك ماسهرته

اذكرك لين يغرد بصبحي الطير
والحزن لابين بوجهي .. سترته

احن لك لو فرقتنا المقادير
ليت الحنين اللي قهرني قهرته

واليوم انا في وضع يحتاج تبرير
اليوم اخاف ان جيت بالي وزرته

يامسلمين احتاج فتوى وتفسير
هو يجرح صيامي لا من ذكرته!

[خَيال @q1iiu1]

ود الانسان لامنها تقافـت رحالـه
سمعةٍ بالتقى مثل الشذا بالمباخر

جعل مافاتني والشهر بادٍ هلاله
اكسب اضعافها بليـال عشر الاواخر

[خَيال @q1iiu1]

يالله انـي بوجهك ياعظيـم الجلالـه
الخطايـا بحر وحمول ذنبـي بواخـر

نجنـي يوم عبدك ماينجـيه حـاله
تغرقـه فتـنة الدنيا وحب المفاخر

عادة السو لو الشيـطان تربط حباله
تامـر النفس وتحط المقادم مواخر

يمشي الوقت وايامه تسابق ليالـه
والله اعلم زهـابي للفنــا ويش ذاخر

[𝙹𝙰 🇰🇼 @marri_i2]

أذكر شعور مسامرك بالتفاصيل
وتغريبتي بين أسود الكحل والطرف

شبّ السهر ضوّه تحت محجر الليل
وهملول هجس منادم الليل ما خف

بين المصير وبين هم المقابيل
يديّ على قلبي وقلبي على جرف

[𝙹𝙰 🇰🇼 @marri_i2]

رغم الظروف اللي تمرنا عايشين
والوقت يمشي ما يطالع فايته

ممتع شعور الصبر بكل الحالتين
يعلمك كل شي بيوصل غايته

نتصنع الضحكه و حنا ساكتين
وفـ الساكتين أشياء ماهي ساكته