يبو عونً طالت المده وحن نرقب جديدك
والجديد الله يجيبه في لقاء كلً يريده
فارقً فى الذايقه وخلاق جعل الله يزيدك
وتسمع البيت القوي وتقولله ياخوي عيده
صباح الخير اسطورتي ابو عون 🤍🏃♂️
@khalid_oun
قليل تلقى لك رفاقه وصدقان
اغلب علاقات الأوادم مصالح
قد قالواإن الوقت يجذب لك اخوان
ياكثرهم مابين صالح وطالح
هم في الرخا صدقان وللدهرعواّن
القلوب عفنه لو تزين الملامح
وبعض الوجيه اللي يسمّون شيخان
حتّيش ياشيوخ الصحن والمشالح
محمدالعتيبي
ياغايبه غاب القمر ليل الاثنين
وانا على اطلال الغلا والمرابي
كم دعوة راحت على ذمة امين
وكم هقوة خابت على باب هابي
الوجه ماه اغلا من الي تقولين
والجاه يفرض هيبتي وانتسابي
قلطت مقلاط الرجال الحشيمين
وقرعّت عن حياض التقارب اركابي
جيته بسلم وروس قوم وعزيزين
وجدد سبايب وجعتي واغترابي
عيا عليك ورحت وانا لا ذالحين
ينشي على روض امنياتي سحابي
اقفيت كن في مطلع الحلق سكين
وكن الضلوع تجّر فيها الجنابي
بين الالم والصده وبعدك وبين
ذكرى بداياتك وزهرة شبابي
جيتي وطيرتي فروخ الشياهين
من الحمى الي في مداين رحابي
لك في حرم سور الضلوع اربع سنين
بعد العشر الاولى على سور بابي
تدري وكل الناس ماهم بـ دارين
عن ماضي حاضر وبين وغابي
انتي عفيفه عرض وانا حمر عين
من نزوة الهفوات بيض ثيابي ):
: محسن بن مترك
@aprvip
قد قلتلك والمشاعر مثل صبّ القراح
شرواي فرصه وتندم كان ضيعتها
الحين مافيه حاجة تستحق السماح
تجردتك المشاعر بعد ما أرخصتها
ما أتبع خطاوي المقفي كان ودّع وراح
ما دام نفسي بـ درب العزّ عـودتهــا
والله ما أطلب موده للكفوف الشحاح
و أنـا .. الكرامـه .. ولا مره .. تهاونتها
عن رد صاع بصاع ما أفواهنا بلم
وأسلوب صرف علاجها ما يخفانا
لكن نعّصب الروّس بالصبر والحلم
من طيب مذهبنا وشيمة لحانا
اي والله إنه ظلم وأظلم من الظلم
إنه يثور سلاحنا في خبانا
تدنيق والتدنيق ماهو لنا سلم
ما دنّقوا جداننا هم وآبائنا .
امشّي السالفه من طيب نيّاتي
لو هي على وجهها و لا مقفّاها
مدامني صح ، لا أفكّر ولا احاتي
واللي نوا لي بـ نيّـة سوء يلقاها
أشوف ناسٍ تضاعفني من سكاتي
ما تدري النفس عدّتها من رضاها
وأشوف ناسٍ تبي تكسر طموحاتي
و الحمدلله أجيها و أتعدّاها
ما ورى صبحٍ يجيبك غير خير وعافيه
أنت يا شمس الحياة ويا تباشير الغلا
كل ساعة في حضورك .. بالمسّرة وافيه
وكل ساعة في غيابك مالها طعم وحلا
— عبدالله السرحاني
هلا مرحبا تشتاق عين وتطيب قلوب
على دربي المهجور ، وشلون مريتي
انا كنت شاعر ما لقى بالهوى محبوب
غريبً يعيش بغربته .. لين ما جيتي
يا ظبي الفلا دوبك تراني جسد في ثوب
الآ يا بعد حيي .. والآ يا بعد ميتي
انا هايمً ماني بمذنب وليه اتوب
ولا عندي اسرارً .. تغيّر علانيتي
قريتك وانا عابر وشفت الغلا مكتوب
تساويت لك وانتي رميتي ولا اخطيتي
انا ما دريت اني بعوّد وانا مغلووب
الين الهوى صار يتحكم بشخصيتي
ماهوب عشان الشعر كله عشانك
يا كمّ ليلً مدلهم قد سريته
ياذا الغزال اللي مكانك مكانك
عرضت عمري لـ الحياه وشريته
سوالف عيونك وضحكه ثمانك
اعظم وأجمل منظرً قد رأيـته
كلام واجد خان صدرك وخانك
كنت احتريه وليتني ما احتريته
صحيح ما قلته بعظمة لسانك
لكنّي من نظرة عيونك قريته
-
ان ذبحتي سليل أشهر بيوت الشجاعه
قولي انك ذبحتيه بسمار وجديله
لا تقولين مات من الجفا والقطاعه
وتنحسب موتته منك على أهون وسيله
انثري دمع لو مرّه بليلة وداعه
ويكفي إن النهايات الجميلة جميلة
أولوياته اللي عن يقين وقناعه
كانت " الدين وانتي والوطن والقبيله "
"منك ياللي للمحبة لي وديد
أنت شرّ القلب وأنت لي دواه
يامليح الوصف ياعنق الفريد
كل جل الصيد مع دقّه تلاه
شاف له قناص بالشوف الوكيد
وذيره من كان بالبندق رماه
عود موزٍ غض من لينه غريد
يتغريف كل ماهبت هواه".