Monir |حقاني

[صادق غزنوي @GhznwySadq67531]

د حسیب قوای مرکز تر مرګ وروسته طالبانو دوه نور مخالف قوماندانان ووژل!
طالبان نور پر خپلو مخالفینو زړه نه سوځي!

[Second Post @SecondPost1]

د جنوبي #وزیرستان په #مکین تحصیل کې د یوه بازار دننه د موټرسایکل پورې تړل شوو چاودېدونکو توکو د چاودنې له امله څو کسان ټپیان شوي او یو شمېر دوکانونه زیانمن شوي دي.

د ټپیانو په منځ کې د حکومت پلوه سولې کمېټې درې غړي هم شامل دي.

[وصيف احمد ریان @WasifRayan2]

هندوکش غږ ته رسېدلي معلومات ښيي، چې د حسيب قوای مرکز د وژل کېدو د پېښې په اړه د تش په نوم مقاومت جبهې ترمنځ راپورته شوي اختلافات دوام لري او تازه دا موضوع د دې جبهې د ايران په دفتر کې هم مطرح شوې ده او ويل کېږي چې حسيب له وژل کېدو شاوخوا يوه اوونۍ وړاندې له احمد مسعود سره اختلاف او لفظي شخړه ترسره کړې وه.

د ايران د مشهد ښار په یوه غونډه کې، چې د حسیب قوای مرکز د فاتحې مراسمو د تنظیم په موخه جوړه شوې وه، د هغه د وروستیو فعالیتونو، د جبهې له رهبرۍ سره د اختلافاتو او د نوموړي د وژل کېدو د پېښې د څرنګوالي په اړه خبرې شوې دي.

د غونډې د حاضرینو د روایت له مخې، د حسیب له وژل کېدو وړاندې د جبهې دننه د نوموړي او د رهبرۍ ترمنځ اختلافات موجود وو او هغه د جبهې د مدیریت، نظامي چارو او په تېره د احمد مسعود د رهبرۍ په اړه جدي نیوکې لرلې.

د غونډې په جريان کې د جبهې يوه قوماندان «منیب امیري» ويلي چې د حسیب له وژل کېدو شاوخوا یوه اوونۍ وړاندې نوموړي د احمد مسعود پر کړنو سختې نیوکې کړې وې او د رهبرۍ پر څرنګوالي یې اعتراض کړی و.

په غونډه کې ویل شوي چې د حسیب له وژل کېدو وروسته د پېښې د څرنګوالي او د هغې د مخکینیو شرایطو په اړه بېلابېل روایتونه مطرح شوي، چې له امله یې د هغه یو شمېر ملګري او نږدې کسان د پېښې د روښانه وضاحت غوښتونکي دي.

ګډونوالو ټینګار کړی چې د قوماندان حسیب د وروستیو فعالیتونو، داخلي اختلافاتو او د هغه د وژل کېدو د پېښې په اړه باید روښانه او قانع کوونکی وضاحت وړاندې شي.
#هندوکش‌غږ

[ذاهـــد غزنوي | 𝐆𝐇𝐚𝐳𝐧𝐚𝐯𝐢🌺 @zelham264]

په بلوچستان کې د بلوڅو د ازادۍ مبارزین لیدل کېږي چې د پاکستان بیرغ راښکته کوي.
هلته د ټولنیزو رسنیو فعالان وايي، په دغه سیمه کې د قانون حاکمیت کمزوری دی او ډېری بلوڅان د پاکستان له بیرغ سره مخالفت لري.

[Second Post @SecondPost1]

په بلوچستان کې د بلوڅو د ازادۍ مبارزین لیدل کېږي چې د پاکستان بیرغ راښکته کوي.
هلته د ټولنیزو رسنیو فعالان وايي، په دغه سیمه کې د قانون حاکمیت کمزوری دی او ډېری بلوڅان د پاکستان له بیرغ سره مخالفت لري.

[وصيف احمد ریان @WasifRayan2]

د نظام پر وړاندې د بغاوت ناکامي هڅې؛ او د امنیتي ځواکونو پر وخت اقدام!

سپېس ته ښه راغلاست
کوربه: عابد يون (@A_Yoon_500)
https://t.co/wbFk0mo2iD

[Second Post @SecondPost1]

مولانا فضل الرحمن ویلي، اوس مهال په خیبر پښتونخوا او بلوچستان کې جګړې روانې دي او په کشمیر کې هم خلک له شاوخوا درېیو میاشتو راهیسې د خپلو غوښتنو لپاره احتجاج کوي؛ خو د نوموړي په وینا، د پاکستان پوځ او حکومت له معترضو خلکو سره د خبرو اترو لپاره چمتووالی نه ښيي.

نوموړي د بنګال د جلا کېدو تاریخ ته په اشارې ویلي، هغه مهال هم د اختلافاتو د حل لپاره د خبرو پر ځای د زور کارولو خبرې کېدې، خو د دې تګلارې پایله د پاکستان له تجزیې او د بنګله‌دېش له رامنځته کېدو سره پای ته ورسېده.

د جمعیت علمای اسلام مشر ټینګار کړی چې د تېر تاریخ له تجربې باید زده کړه وشي او د اوسنیو ستونزو د حل لپاره د زور پر ځای له سیاست او خبرو اترو څخه کار واخیستل شي.

د هغه په وینا، که په خیبر پښتونخوا، بلوچستان او کشمیر کې روانې ستونزې په سوله‌ییزه توګه حل نه شي، نو د هېواد د لا زیاتې بې‌ثباتۍ او تجزیې خطر به زیات شي.

فضل الرحمن دا څرګندونې داسې مهال کوي چې په پاکستان کې امنيتي او سياسي وضعيت تر بل هر وخت ډېر کړکېچن دی.

[Second Post @SecondPost1]

🔴 د پاکستان پوځي رژيم ستره بې‌غوري؛ ۱۴ نوي‌زېږېدلي ماشومان مړه شول

د اسلام‌اباد په پمز روغتون کې د ماشومانو په څانګه کې د اورلګېدنې له امله لږ تر لږه ۱۴ نوي‌زېږېدلي ماشومان مړه شوي دي.

د پېښې له امله د پاکستان د روغتیايي نظام د خوندیتوب او بیړنیو خدمتونو پر وړتیاوو جدي پوښتنې راپورته شوې دي. د پاکستان لومړي وزیر د پېښې د څېړنې امر کړی او د مسؤولینو د حساب ورکولو ژمنه یې کړې ده.

د ۱۴ بې‌ګناه ماشومانو مرګ د یوې عادي پېښې په توګه نه شي تېرېدلی؛ د هر ډول غفلت مسؤولین باید حساب ورکړي.

[Second Post @SecondPost1]

مهم خبر
په جنوبي وزیرستان کې پر پاکستاني پوځ کمین؛ پنځو سرتېرو ته مرګ‌ژوبله اوښتې

نن سهار شاوخوا اته نیمې بجې د جنوبي وزیرستان د لدې ولسوالۍ اړوند د سلطونه په سیمه کې د تحریک طالبان پاکستان (TTP) وسله‌والو د پاکستاني پوځ پر یوې ګزمې کمیني برید کړی دی.

په برید کې د پاکستاني پوځ دوه سرتېري وژل شوي او درې نور ټپیان شوي دي.

په دغه برید کې د پاکستاني پوځ د مرګ‌ژوبلې شمېر پنځو تنو ته رسېږي.

د تحریک طالبان پاکستان (TTP) وسله‌والې ډلې د یوې اعلامیې په خپرولو سره د برید مسؤلیت منلی دی.

[قاري محمد صدام قدردان @QBadghysy46417]

فقیر محمد درويش ٣٥ کاله مخکي

[وصيف احمد ریان @WasifRayan2]

په دې وروستیو کې د ځینو مغرضو رسنیو لخوا د کابل پوهنتون د یو شمېر استادانو د منفکۍ په اړه ناسم او بې اساسه خبرونه خپريږي، کابل پوهنتون دا افواهات په کلکه ردوي او د دا ډول مغرضو خبرونو خپرول د خلکو، بالخصوص د درانه علمي کهول، د اذهانو د مغشوشولو او د تشويش رامنځته کولو يوه ناکامه هڅه بولي. کابل پوهنتون ټولو درنو هېوادوالو ته ډاډ ورکوي چې علمي، څېړنيزې او اداري چارې په عادي او منظم ډول روانې دي او د پوهنتون په چارو کې هېڅ ډول د اندېښنې وړ وضعیت نشته.

د نشراتو او عامه اړيکو آمريت

[Second Post @SecondPost1]

مولانا فضل الرحمن په نړیواله کچه د لومړي وزیر شهباز شریف حیثیت تر پوښتنې لاندې راوړی.
نوموړي ویلي، بېچاره شهباز شریف لومړی وزیر دی خو که عاصم منیر ورسره نه وي حتی څوک به ورسره د لاس روغبړ هم ونه کړي.

[وصيف احمد ریان @WasifRayan2]

د مقاومت جبهې غړي د حسيب قوای مرکز د وژل کېدو پر سر د اختلافاتو له امله تر لفظي شخړو او اخطار ورکولو ورسېدل

هندوکش غږ له دې وړاندې يو غږيز پيغام نشر کړ، چې د «جان اقا مجيدي» په نوم د مقاومت جبهې يوه غړي د دې جبهې بل غړی «حافظ الله جعفري» په خيانت تورن کړی او له ګروپونو ايستلی و؛ خو اوس تازه مو د جعفري غږيز پيغام ترلاسه کړ چې نوموړی پکې خپل مقابل‌ لوري ته اخطار ورکوي.

جعفري وايي، چې د جان اقا مجيدي نومي کس پروا نه لري او ټينګار کوي، چې له ګروپونو څخه د ايستلو پر سر به یې ايران کې خپلو مېشتو کسانو ته په ګوتو ورکړي څو د دې چارې حساب ورسره وکړي.

جعفري همدا راز خبرداری ورکړی، چې ممکن د ايران حکومت ته هم په دې اړه معلومات ورکړي څو مجیدي ونيسي او افغانستان ته یې ولېږي.

د مقاومت جبهې دا غړی، چې د فراه ولايت دی زياتوي، چې د حسيب قوای مرکز په کيسه کې هم نه و او هېچا ته تن نه ورکوي.

ياده دې وي، چې هندوکش غږ د تش په نوم مقاومت جبهې د لوړې او ټيټې کچې د يو شمېر غړو غږيز کليپونه ترلاسه کړي او ښکاري داسې چې د حسيب قوای مرکز وژل کېدو د دې جبهې ترمنځ پراخ اختلافات او نوي کشمکشونه راپیدا کړي.
#هندوکش‌غږ

[وصيف احمد ریان @WasifRayan2]

چترال کې د پاکستاني استخباراتو تر کنټرول لاندې د شر او فساد ډلو مېشت ځايونه د فحشا پر مرکزونو بدل شوي

هندوکش غږ داسې غږيز کليپ ترلاسه کړی، چې د شر او فساد ډلې يو غړی پکې، د پاکستان تر کنټرول لاندې چترال کې د دې ډلې د مېشتو غړو ترمنځ د بې لاریو او فحش اعمالو له ترسره کولو څخه پرده پورته کړې.

په دې کليپ کې د شر او فساد ډلې غړی، د يوه کس د نوم په يادولو سره په خپلو مرکزونو کې د بد‌ وضعيت څخه سر ټکوي او د دوی ترمنځ د رامنځته شوې بې باورۍ يادؤنه کوي.
#هندوکش‌غږ

[وصيف احمد ریان @WasifRayan2]

د حسيب قوای مرکز پر وژل کېدو د مقاومت جبهې فرياد واقعي او که يواځې د تېر ايستنې هڅه ده؟

هندوکش غږ، د حسيب قوای مرکز له وژل کېدو وړاندې د نوموړي يو غږيز کليپ ترلاسه کړی، چې هغه پکې له مقاومت جبهې سخت سر ټکوي او خپل مشران او رهبران په بې کفایتۍ او د جبهې د غړو پر سر په سوداګرۍ تورنوي.

له دې غږيز کليپ څخه څرګندېږي، چې د مقاومت جبهې او حسيب قوای مرکز ترمنځ اړيکې ترينګلې وې او هغه احتمالات نور هم قوي کېږي چې ګواکې حسيب د جبهې د خپل‌منځي اختلافاتو په پايله کې له منځه ولاړ.

نوموړي ويلي و، چې که د جبهې مشران توهین کړي او فساد یې ښکاره کړي نو په وينا یې «خپل مخ ته لاړې توف کول دي».

هغه ويلي «په خدای کوم تجارت چې اوس په مقاومت جبهه کې دی، ولاکه‌ هېڅ ځای وي، د پاکستان د لاهور په فاحشه‌ خانو کې ولاکه‌ داسې حال وي.»

هغه همدا راز خبرداری ورکړی و، چې که د جبهې مشران په پنجشېر کې په لاس ورشي نو حساب به ورسره کوي.

د حسيب قوای مرکز دا څرګندونې داسې مهال هندوکش‌غږ ته رسېږي، چې د مقاومت جبهې مشران د حسيب پر وژل کېدو درواغجنې اوښکې تويوي او د جبهې د مارشال او اتل لقب ورکوي.
#هندوکش‌غږ

[Second Post @SecondPost1]

پاکستان کې سیاسي کړکېچ؛ د عمران خان د روغتون لانجه د پوځي رژیم لپاره نوی سرخوږی

د مسلم لیګ (ن) مشر نواز شریف له خپل ورور او لومړي وزیر شهباز شریف سره په لیدنه کې د روان سیاسي وضعیت په اړه اندېښنه ښودلې او ویلي یې دي چې پاکستان نور د اساسي قانون د بحران او ژور سیاسي کړکېچ د دوام توان نه لري.

د عمران خان د روغتیا موضوع هم د روان کړکېچ یوه مهمه برخه ګرځېدلې ده. د سترې محکمې له حکم سره ـ سره عمران خان د شفاء نړیوال روغتون پر ځای پېمز روغتون ته د طبي معاینې لپاره وړل شوی، چې له امله یې د محکمې د حکم د عملي کېدو په اړه نوې پوښتنې راپورته شوې دي.

د عمران خان د روغتون، د سترې محکمې د حکم د نه عملي کېدو، د تحریک انصاف د احتمالي سیاسي ائتلاف او د روان سیاسي وضعیت په اړه د مسلم لیګ (ن) دننه هم بحثونه شوي دي.

د عمران خان د روغتیا پر سر تازه لانجه د پاکستان پوځي رژیم لپاره د سیاسي او حقوقي فشارونو یوه بله نښه بلل کېږي؛ ځکه د محکمې حکم، د حکومت دریځ او د اپوزیسیون اعتراضونه یو ځل بیا د واک د وېش او قانون د حاکمیت پوښتنه د سیاسي بحثونو سر ته را وستې ده.

[وصيف احمد ریان @WasifRayan2]

د جمعه‌خان فاتح هغه غیرقانوني ښارګوټی چې خپلوانو او دوستانو ته یې ډالۍ کړی و

د حریت راډيو خبریال په راستول شوې ویډيو کې ښکارېدونکی لوی ښارګوټی د جمعه‌خان فاتح دی، چې خپلو دوستانو او خپلوانو ته یې وېشلی و.

مسوولین وايي چې دا ښارګوټی نوموړي په غیرقانوني او خپلسري ډول جوړ کړی و.

د سیمې خلکو حریت راډيو ته وویل چې دا ښارګوټی په دولتي او د خلکو نه په زور نیول شویو ځمکو جوړ شوی دی.

[وصيف احمد ریان @WasifRayan2]

د حسیب قوای مرکز په وژل کېدو سره، د مقاومت جبهې ترمنځ اختلافات او بې باورۍ اوج ته رسېدلي

د تش په نوم مقاومت جبهې د منځنۍ کچې غړی مخدوم اسدپور ادعا کوي چې د حسیب قوای مرکز په نښه کېدل، په داسې حال کې چې د هغه نور ملګري ژوندي پاتې دي، پوښتنې راولاړوي.

هغه له همدې وضعیت څخه په استناد ادعا کوي چې ښايي حسیب د مقاومت جبهې له لوري د خپلو داخلي اختلافاتو له امله «خرڅ» شوی وي.

د اسدپور په وینا، حسیب به د فعالیتونو پر مهال له درېیو او څلورو ګروپونو سره یو ځای ګرځېده، خو په وروستۍ پېښه کې یوازې حسیب وژل شوی او د هغه د ملګرو له لوري د پام وړ غبرګون نه دی لیدل شوی.

اسدپور پوښتنه کوي چې که حسیب له خپلو ملګرو سره یو ځای و، نو ولې یوازې نوموړی په نښه شو او نور کسان یې څنګه له پېښې روغ ووتل؟

د حسیب قوای مرکز وژل کېدو دغه ادعاوې په داسې مهال مطرح کېږي چې د مقاومت جبهې د غړو ترمنځ د اختلافاتو او بې‌باورۍ په اړه بحثونه هم زیات شوي دي.
#هندوکش‌غږ

[Second Post @SecondPost1]

اسلام‌اباد سرحد پوهنتون کې دا مهال وضعیت ترینګلی دی؛ محصلین د اعتراض لپاره راوتلي وو، خو پولیسو ساحې ته ځانونه رسولي او محصلین په لرګیو وهي او دغه راز پرې د تفنګچو ډزې کوي.

[وصيف احمد ریان @WasifRayan2]

حافظ بدرالدین په لومړیو کې د یوه عادي مجاهد په صفت د پکتیا، پکتیکا او خوست په جنګي محاذونو کې د دښمن په خلاف جهادي فعالیت ته دوام ورکړ، لکه څرنګه چې ستر مجاهد مولوي جلال الدین حقاني د تیر جهاد د هغو قومندانانو او مشرانو له جملې ګڼل کیږي چې خپله یې د جګړې په ډګر کې ونډه درلوده، نو د بدرالدین په شمول د نوموړي زامن هم په خپله د نورو مجاهدینو سره یوځای د امریکایي یرغلګرو مقابلې ته وړاندې شول او په دښمن یې بریدونه پیل کړل.