✨

[✨ @mrefa_1]

هذا الوقت سيمضي.

[✨ @mrefa_1]

@sugarlollibomb @ros9n11 هو ممتاز بالانجليزي ويبونه يتعلم عربي فلازم حكومي يتعلم مع اقرانه.

[✨ @mrefa_1]

@zsm0500 بادارتنا الفصول من ثالث ابتدائي الى ثالث متوسط كلها مركزي.

[✨ @mrefa_1]

@Arch_Alzayd (عَسْوَج) الظاهر مستحيل تلقاه برا ديرتنا

[✨ @mrefa_1]

@1itmh انا فتحت حساب بالسناب من حوالي تسع سنوات لما دخل ولدي الاول الحضانة عشان اتابعه هناك وطالع لي 7,653 ولا ادري وش معناها. وكم مرة اسأل بس ما الاقي اجابة واضحة

[✨ @mrefa_1]

@94Nnb مجرد خوضك في هذه المياه يعرضك لأمكانية التعرض للبكتيريا أو الطفيليات.

[✨ @mrefa_1]

@94Nnb لا، هو مفيد للنظام البيئي ومسالم جدًا.

[✨ @mrefa_1]

@Eskelnotgeralt ملاحظاتي ويبي لي ادقق اكثر:
(بعد حي) -بفتح الحاء وسكون الياء- غالبًا للرجال وبعض السوالف العامة.
(بعد حيي) غالبًا يقولونها النساء او في السالفة اللي فيها عاطفة. وغالبًا يجي بعدها اضافة مثل (بعد حيي هالوجه او هالعيون) او (بعد حيي وميتي)

[✨ @mrefa_1]

@AL_ReeM ايه موجود، أمي كانت ما تنومنا إلا بقصة واذا رحنا عند جداتي بعد ننام بقصة. وأنا مستمرة مع أولادي على نفس النظام.

[✨ @mrefa_1]

@IBatool87 اهم شي ما نوقف ولا نحبط الطالب. عادي نشجعه انه يكمل ويجتهد وانه قد يتأخر ولكن سيصل بإذن الله.

[✨ @mrefa_1]

@IBatool87 اتخيل الضغط النفسي اللي مروا فيه الاطفال بالحصة💔 ترى والله ينضغطون ويشيلون هم وهالموضوع للأسف لا يمكن تفاديه حتى يتقن الطالب الحد الادنى من المهارة. زمان كنا اقل منهم ضغط وكنا نخاف ونشيل هم كيف عاد مع اختبارات فترية تحريرية وهم اول ابتدائي مع مناهجهم الحين!

[✨ @mrefa_1]

@dr_mask11 ولدي عمره ١١ سنة حولوه الطوارئ لعيادة جراحة بمستشفى الولادة والاطفال وتفاجأ لما سمعهم يتكلمون عنه بالانجليزي كطفل وزعل وطلع من العيادة وهو مصاب وقاموا يقولون مافيه غير هالمكان عنده جراحة تجميلية وانت رجال ومادري كيف اقنعوه وكمل😂 اتخيل لو كان بالثانوي ويراجع بعيادة اطفال😂😂😂

[✨ @mrefa_1]

@FlopCard مهما قالت الام وعملت دامك قريب من أطفالك ماراح يسمعون بك ولا يصدقون كلامها عليك.حتى بحالة الانفصال راح يختارونك عليها وشفنا عوائل كذا على كثر ما الامهات حاولوا يستميلون الاطفال لهم،اختاروا الاب لانه معهم ويهتم فيهم ويصبر عليهم ماقضى وقته بعيد عن البيت واذا جاء بدا ينتقد.

[✨ @mrefa_1]

@11hope111 اذا شفت فيديوز زي كذا اشتاق للطبخ بهالكميات والانجاز الكبير بس اتذكر كمية الكرف اليومي-لدرجة اني صرت أكره رمضان وتو بدأت اتعافى-أهون عنه.
الحين يوم او يومين برمضان اسوي زي كذا حلو. هذا غير انه كرف قبل الفطور وكرف بعده. نغسل المواعين ونكنس وننظف ونرتب😣

[✨ @mrefa_1]

@Abeer_juv @N100Ut @Askmuhami ايه بعضهم امتحان. قريبتي لما كبروا عيالها وتوظفوا طلعت في بيت لحالها تبي ترتاح من تعنيف زوجها لها وقام لحقها لبيتها.وطلبوها عيالها واشترطت انه يسكن بالملحق ما يدخل عليها البيت وانه اولاده يقومون فيه بدالها وفعلًا صار ومستمرين الى الحين تقول ارتحت وعيالي تطمنوا عليه.

[✨ @mrefa_1]

@nodxx22 @9wvwvw كان فيه خوات من الأب يعني متباعدات وبنفس المرحلة بس فصول مختلفة.يتشابهون مرررة.جتني هلا تناقشني وقالت اسمها وبعدين جتني غلا وناديتها باسم هلا وصححت لي وبعدها رجعت هلا وناديتها باسم غلا وصححت لي وولا وحدة فهمتني الموضوع الى ما صرت ادرسهم وعرفت انهم اختين🥲

[✨ @mrefa_1]

@iNa9eir البعض ماهم فاهمين الوضع لما يكون عندك طفل eloper. عندي طفلين من هالنوعية وصار تجيني نوبات هلع وأرق من كثر ما يهربون. ولولا الخيرين اللي مثلك بعد الله كان راحوا💔 بيتنا كأنه قلعة أو سجن والطلعات ممنوع أخاف يضيعون وإذا طلعت أكون بس أركض وراهم وهذا غير شرائح التتبع.

[✨ @mrefa_1]

@Ask__Education بنتك بأولى ابتدائي وش عرفها للهروب؟! انا معلمة وموجهة طلابية،مشكلة بنتك مدرستها اما يتركونهم بدون رقابة او يضغطونها.اول ابتدائي صعب شوي والطالبات يبي لهم تشجيع ومداراة وصبر على ما يتعلمون النظام. انتي اعكسيها عليهم وقولي بنتي تكره المدرسة وش مسوين لها وخليهم ينفذون خطة علاجية.

[✨ @mrefa_1]

@Sarah_Early_Ed من خلال تجربتي كأم ومعلمة، لغتي صعبة مادري كيف فهمناها ونجحنا فيها واحنا صغار. كل شيء يسهل ويتدبر وينذاكر وينفهم إلا لغتي. قاعدة أعاني منها مع عيالي، درجاتهم كاملة بكل المواد حتى مع المركزية منها ماعدا لغتي.