Zubair Mughal

‏‏سانوں مِل جاون یار دیاں گلیاں
اساں ساری خدائی کی کرنی

[Samreen Tahir @sam__sayss]

اک عمر زمانے کے اصولوں سے لڑے ہیں
تب ہی تو تهكن اوڑھ کے اک سمت پڑے ہیں

ہم گردش ِ حالات کو مٹھی میں اٹھائے
پھرتے ہیں کہ دنیا سے کئی سال بڑے ہیں

[🇵🇰 عین @faqar78]

تیرے نا ہونے کا ملال ایک طرف
تو میرا کیوں نا ہوا یہ سوال ایک طرف

یقین مان میں خوش ہوں مگر جب تو سنگ تھا
وہ پل وہ دن وہ مہینہ وہ سال ایک طرف

ہزار شکوے شکایت ہیں مجھے تجھ سے
مگر وہ کچھ دنوں کی تیری دیکھ بھال ایک طرف

@faqar78

[iLmeLahooti (علم لا ہوتی) @iLmeLahooti]

@myself573 مقبرے بنتے ہیں زندوں کے مکانوں سے بلند
کس قدر اوج پہ تکریم ہے انسانوں کی

— احمد ندیم قاسمی

[اردو ورثہ @UrduVirsa]

حامی بھی نہ تھے منکرِ غالب بھی نہیں تھے
ہم اہلِ تذبذب کسی جانب بھی نہیں تھے

اس بار بھی دنیا نے ہدف ہم کو بنایا
اس بار تو ہم شہ کے مصاحب بھی نہیں تھے

بیچ آئے سرِ قریۂ زر جوہرِ پندار
جو دام ملے ایسے مناسب بھی نہیں تھے

مٹی کی محبت میں ہم آشفتہ سروں نے
وہ قرض اُتارے ہیں جو واجب بھی نہیں تھے

لو دیتی ہوئی رات سخن کرتا ہوا دن
سب اس کےلئے جس سے مخاطب بھی نہیں تھے

افتخار عارف

[اردو ورثہ @UrduVirssa]

داغ دہلوی کی بہت ہی عمدہ غزل

عجب اپنا حال ہوتا جو وصال یار ہوتا
کبھی جان صدقے ہوتی کبھی دل نثار ہوتا

کوئی فتنہ تا قیامت نہ پھر آشکار ہوتا
ترے دل پہ کاش ظالم مجھے اختیار ہوتا

جو تمہاری طرح تم سے کوئی جھوٹے وعدے کرتا
تمہیں منصفی سے کہہ دو تمہیں اعتبار ہوتا

غم عشق میں مزا تھا جو اسے سمجھ کے کھاتے
یہ وہ زہر ہے کہ آخر مے خوش گوار ہوتا

یہ مزہ تھا دل لگی کا کہ برابر آگ لگتی
نہ تجھے قرار ہوتا نہ مجھے قرار ہوتا

نہ مزا ہے دشمنی میں نہ ہے لطف دوستی میں
کوئی غیر غیر ہوتا کوئی یار یار ہوتا

ترے وعدے پر ستم گر ابھی اور صبر کرتے
اگر اپنی زندگی کا ہمیں اعتبار ہوتا

یہ وہ درد دل نہیں ہے کہ ہو چارہ ساز کوئی
اگر ایک بار مٹتا تو ہزار بار ہوتا

گئے ہوش تیرے زاہد جو وہ چشم مست دیکھی
مجھے کیا الٹ نہ دیتے جو نہ بادہ خوار ہوتا

مجھے مانتے سب ایسا کہ عدو بھی سجدے کرتے
در یار کعبہ بنتا جو مرا مزار ہوتا

تمہیں ناز ہو نہ کیونکر کہ لیا ہے داغؔ کا دل
یہ رقم نہ ہاتھ لگتی نہ یہ افتخار ہوتا

[اردو ورثہ @UrduVirsa]

نہ رکھنا واسطہ تم مجھ سے لیکن
مری ہجرت کا منظر دیکھ لینا

کفیل آزر امروہوی

[اردو ورثہ @UrduVirssa]

قسم لے لو
تمہارے بعد کوئی خواب دیکھا ہو
کسی کو ہم نے چاہا ہو
کسی کو ہم نے سوچا ہو
کسی کی آرزو کی ہو
کسی کی جستجو کی ہو
کسی سے گفتگو کی ہو
کسی کا قُرب مانگا ہو
کسی بھی موڑ پر ہم نے کبھی رُک کر بھی دیکھا ہو
کسی بھی شخص کو ہم نے کبھی تھک کر پُکارا ہو
کوئی بھی شام پھر ہم نے کبھی ہنس کر بِتائی ہو
تمہارے بعد پھر ہم نے خوشی کوئی منائی ہو
کبھی جگنو کبھی تارا کبھی مہتاب دیکھا ��و
قسم لے لو
تمہارے بعد کوئی خواب دیکھا ہو
قسم لے لو
تمہارے بعد پھر ٹیرس پہ آئے ہوں
کسی کی راہ دیکھی ہو
کسی کا ہجر جھیلا ہو
کسی سے دل لگی کی ہو
کسی پہ شاعری کی ہو
قسم لے لو
تمہارے بعد ہم نے زندگی کی ہو
کسی بھی طور سے ہم نے نیا کوئی باب دیکھا ہو
قسم لے لو تمہارے بعد کوئی خواب دیکھا ہو
قسم لے لو
تمہارے بعد کوئی خواب دیکھا ہو.....

میثم علی آغا

[Tariq Zaman Malik @TZM_Zamzama]

زندگی کیوں نہ تجھے وجد میں لاؤں واپس

چاک پر کوزہ رکھوں، خاک بناؤں واپس

دل میں اک غیر مناسب سی تمنا جاگی

تجھ کو ناراض کروں ، روز مناؤں واپس

وہ مرا نام نہ لے صرف پکارے تو سہی

کچھ بہانہ تو ملے دوڑ کے آؤں واپس

وقت کا ہاتھ پکڑنے کی شرارت کر کے

اپنے ماضی کی طرف بھاگتا جاؤں واپس

دیکھ میں گردشِ ایام اٹھا لایا ہوں

اب بتا، کون سے لمحے کو بلاؤں واپس؟

یہ زمیں گھومتی رہتی ہے فقط ایک ہی سمت

تُو جو کہہ دے تو اسے آج گھماؤں واپس

تھا ترا حکم سو جنت سے زمیں پر آیا

ہو چکا تیرا تماشا، تو میں جاؤں واپس

نذر حسین ناز

[اردو شاعری @UrduShairi]

ہم نے وحشت کدۂ بزمِ جہاں میں جوں شمع
شعلۂ عشق کو اپنا سر و ساماں سمجھا

― غالب

[اردو ورثہ @UrduVirssa]

تو بھی سادہ ہے کبھی چال بدلتا ہی نہیں
ہم بھی سادہ ہیں اسی چال میں آ جاتے ہیں

افضل خان

[⚘️قَالَ رَسُولُ اللَّهِ ﷺ⚘️ @QalaRasulullah]

ق��لَ النبی ﷺ:
بدگمانی سے بچو، بدگمانی بہت زیادہ جھوٹی بات ہے،
کسی میں عیب تلاش نہ کرو،
کسی کی جاسوسی نہ کرو،
(دولت، نمائش میں) مقابلہ بازی نہ کرو،
باہم حسد نہ کرو،
بغض (نفرت) نہ رکھو،
ایک دوسرے سے منہ نہ پھیرو، اور
الله کے ایسے بندے بن جاؤ جو آپس میں بھائی بھائی ہیں.
مسلم 6536

[Minerva @Minerva_kan]

کس طرف کو چلتی ہے اب ہوا، نہیں معلوم
ہاتھ اٹھا لیے سب نے اور دعا نہیں معلوم

موسموں کے چہروں سے زردیاں نہیں جاتیں
پھول کیوں نہیں لگتے خوشنما، نہیں معلوم

رہبروں کے تیور بھی، رہزنوں سے لگتے ہیں
کب کہاں پہ لٹ جاۓ قافلہ نہیں معلوم

- احمد فراز

[اردو شاعری @UrduShairi]

عشق جب زمزمہ پیرا ہوگا
حسن خود محوِ تماشا ہوگا

سُن کے آوازۂ زنجیرِ صبا
قفسِ غنچہ کا در وا ہوگا

جرسِ شوق اگر ساتھ رہی
ہر نفس شہپرِ عنقا ہوگا

دائم آباد رہے گی دنیا
ہم نہ ہوں گے کوئی ہم سا ہوگا

کون دیکھے گا طلوعِ خورشید
ذرّہ جب دیدۂ بینا ہوگا

ہم تجھے بھول کے خوش بیٹھے ہیں
ہم سا بے درد کوئی کیا ہوگا

پھر سلگنے لگا صحراۓ حیات
ابر گھِر کر کہیں برسا ہوگا

پھر کسی دھیان کے صد راہے ہر
دلِ حیرت زدہ تنہا ہوگا

پھر کسی صبحِ طرب کا جادو
پردۂ شب سے ہویدا ہوگا

گل زمینوں کے خُنُک رمنوں میں
جشنِ رامش گری برپا ہوگا

پھر نئ رُت کا اشارہ پا کر
وہ سمن بو چمن آرا ہوگا

گُلِ شب تاب کی خوشبو لے کر
ابلقِ صبح روانہ ہوگا

پھر سرِ شاخِ شعاعِ خورشید
نکہتِ گُل کا بسیرا ہوگا

اک صدا سنگ میں تڑپی ہوگی
اک شرر پھول میں لرزا ہوگا

دیکھ کر آئینۂ آبِ رواں
پتّہ پتّہ لبِ گویا ہوگا

شام سے سوچ رہا ہوں ناصر
چاند کس شہر میں اترا ہوگا

― ناصر کاظمی

[صحِیح حدیثِ نَبوی ﷺ @HadeesNabawi]

رسول الله ﷺ نے فرمایا:
مؤمن شخص:
(1) نہ طعنہ دینے والا ہوتا ہے،
(2) نہ لعنت کرنے والا ہوتا ہے،
(3) نہ فحش گو (بیہودہ باتیں کرنے والا) ہوتا ہے، اور
(4) نہ بد زبانی (زبان درازی) کرنے والا ہوتا ہے.

ترمذی 1977
(مسند ��حمد 3839، 3948؛ ترمذی 2019؛ حبان 192؛ مشکوٰۃ 4847)

[Fayyaz Shah @RebelByThought]

ہزار تسلیاں اور دلاسے وہ کام نہیں کر سکتے جو قرآن کریم کی ایک آیت کر دیتی ہے
"لَا تَخَافَآ‌ اِنَّنِىۡ مَعَكُمَاۤ اَسۡمَعُ وَاَرٰى"
ڈرو نہی�� بیشک میں تمہارے ساتھ ہوں میں سن رہا ہوں اور دیکھ بھی رہا ہوں۔
القرآن:سو��ۃ طٰہ:46

[اردو ورثہ @UrduVirssa]

ہمیں قبیلے سے کچھ مختلف بنایا گیا
ہمارے سِینے میں پتّھر نہیں لگایا گیا

یہ کِس کو ڈُھونڈنے دشتِ وَفا میں آئے ہو
یہاں تو کوئی نہیں مُدّتوں سے آیا گیا

ہمارے شہْر میں اِک حُجرۂ سُخن ہے جہاں!
دِیا بجھایا ہَوا نے تو دِل جلایا گیا

گھٹائیں گزریں وہاں سے گُریز کرتے ہُوئے
جہاں پہ سایوں کو دِیوار سے لگایا گیا

مِرے حَرِیف کے کہنے پہ فیصلہ میرا
مجھے سُنانے سے پہلے اُسے پڑھایا گیا

اب اُس کی سنگ زَنی توڑتی ہے اندر سے
وہ ایک عہد، جو ہم سے نہیں نِبھایا گیا

یہ اور بات، مُوافِق رُتَیں نہیں آئیں !
اِک آرزُو کو سَرِ شاخِ دِل تو لایا گیا

نقوشِ سارے بگاڑے گئے مِرے، پہلے !
پِھر اُس کے بعد مجھے آئینہ دِکھایا گیا

ہمارے جان ِنثاروں کی خَیر ہو اظؔہر !
ہماری گھات میں دشمن نہیں بِٹھایا گیا

اظؔہر ادیب

[اردو ورثہ @UrduVirssa]

کوئی تو ہے جو نظامِ ہستی چلا رہا ہے ، وہی خدا ہے،
مظفر وارثی کا لکھا ہوا خوبصورت حمدیہ کلام ❤️

کوئی تو ہے جو نظامِ ہستی چلا رہا ہے ، وہی خدا ہے
دکھائی بھی جو نہ دے ، نظر بھی جو آرہا ہے وہی خدا ہے

تلاش اُس کو نہ کر بتوں میں ، وہ ہے بدلتی ہوئی رُتوں میں
جو دن کو رات اور رات کو دن بنا رہا ہے ، وہی خدا ہے

وہی ہے مشرق وہی ہے مغرب ، سفر کریں سب اُسی کی جانب
ہر آئینے میں جو عکس اپنا دکھا رہا ہے ، وہی خدا ہے

کسی کو سوچوں نے کب سراہا ، وہی ہوا جو خدا نے چاہا
جو اختیارِ بشر پہ پہرے بٹھا رہا ہے ، وہی خدا ہے

نظر بھی رکھے ،سماعتیں بھی ، وہ جان لیتا ہے نیتیں بھی
جو خانہء لاشعور میں جگمگا رہا ہے ، وہی خدا ہے

کسی کو تاجِ وقار بخشے ، کسی کو ذلت کے غار بخشے
جو سب کے ماتھے پہ مہرِ قدرت لگا رہا ہے ، وہی خدا ہے

سفید اُس کا سیاہ اُس کا ، نفس نفس ہے گواہ اُس کا
جو شعلہء جاں جلا رہا ہے ، بُجھا رہا ہے ، وہی خدا ہے
۔۔۔۔۔۔۔۔۔

[B̷u̷ŤŤƐ尺FŁү @Be_4fly]

مئے کشی ، لازم نہــــیں ہے ، بزم ساقی میـــں نصیر
کام جب آنکـــھوں سے چل جائے تو پیــمانے سے کیا
🖤🥀

#قومی_زبان

[اردو ورثہ @UrduVirsa]

خصُوصِیت نہیں کُچھ اِس میں اے کلیم تِری
شَجَر حَجَر بھی خُدا سے کلام کرتے ہیں

علامہ محمد اقبالؒ

[اہلِ وفا @Ahlay_Wafa]

کچھ امیدیں ہیں جو جینے کی وجہ دیتی ہیں
کچھ سفر ہے جو تصور میں ہی طے ہوتے ہیں!!