عبدالعزيز المطيري

غريب وتستثيره كلّ نسمه من وطنه تهب

[عبدالعزيز المطيري @q_26b]

اللهم أحسن رحيلي اذا حان وقتي وان قبضت روحي اجعل الشهادتين قولي
اللهم ايقظني على نور الجنه إن نامت عيني بأمرك و لم تستيقظ

[فهد قطنان @Fahad_Qatnan]

يا صاحبي ترا الطناخة جبّله
ماهيب سلعه لا بغوها خذوها

من لامني في عزة النفس قلّه
كرامتي ما خلقوا اللي شروها

مال الدراهم فايدة بالمذلّه
مفشّله حتى ولو جمّلوها

يا حلوها حلواه لا جت من الله
غصبٍ على خشوم البشر كلبوها

[سعود بن مبارك @Saud_almshly_]

أعتقـد والحيـاة بكبرهـا "معتقـدْ"
مُبتداهـا وصول، ومُنتهاهـا رحيـل

عش كمَا شئت لا مُكره ولا مُضطهدْ
وأيقنْ إن ما ورى غيب المنايا دليـل

من رضـى الهينة ما جابت أمه ولـدْ
لو تسامـى بمال وجاه يبقـى ذليـل

لا تـحـاول تكـون "المنتصـر للأبـدْ"
أصعب من الجميل إنك ترد الجميل

[عبدالعزيز المطيري @q_26b]

@zafr_frhan الله يرحمه ويغفر له اوجع له ناسٍ واااجد

[عبشق @daq48]

[ ظبي الحرم ]

أطوي الصحف ولا أسدل عليك الستاير
انطفت شمعتك والدرب ماعاد أدله

وين أوديك ياقلبي وأنا فيك حاير
لغزك أزريت لا أقوله وعييت أحله

اعتنقت الهوى واكثرت فيه الخساير
والهوى ماهو بمذهب ولا هو ب مله

غاب وجهٍ على شوفه تساق البشاير
ماتركته عياف ولا تركني ممله

كني أشاهده بين الطرق والعماير
وبالصحاري ومابين النجوم المطله

ودي أنطح هوى الغربي وأفك الزراير
لين تطرق ضلوعي نفحةٍ من محله

البدو يكرمون ويخلجن العشاير
ويجزع اللي من أسباب الهوى فيه خله

يادبيان أنا مثلك غليل الضماير
ما تعوضت عن بدر السماء بالأهله

أغيدٍ مانجبت مثله بطون الحراير
عيبه إن من طمع به كله أخطاه كله

إن زعل شب بالدنيا وأهلها سعاير
وإن رضى ساق عمره سوق فنجال دله

ياظبي الحرم لاجيتكم جيت زاير
مسلم شاف في صيدك حرامه وحله

راح عمري وأنا أرجي شي ماهو ب صاير
صار مره ولكن ما عرفت أستغله

أستحي من عباد اللّٰه وأجامل وأساير
وماستحي لاشتكي بثى وحزني على اللّٰه

كبدي اللي مذوقها الفراق ، العزاير
كنه مقطبٍ طرافها بالأخله

أعرف العبره اللي تقتفيها عباير
وأعرف الدمع لكن ما عرف كيف أهله

ليه أحبك ! مثل ليه الدواير دواير
وليه عنقك طويل وليه قذلتك هله

كان حبك قدر بس القدر كان جاير
وأنت عينك تشوف إن أكثره مثل أقله

ماتشوف العيون اللي تشوف البصاير
من متى والغلا الفضاح يحتاج أدله ؟!

واحد دون وجهك ماذخر له ذخاير
باذلٍ حاله وماله ودقه وجله

وش يسوي ودونك يكثرن العثاير
والجمل طيحته طيحه وعلته عله

كسرة الخاطر اللي مال كسره جباير
شي من دون قصد وعذر من دون زله

نفترق بالدروب ونلتقي بالمصاير
وراح تلقى هذاك اللي يظللك ظله

واقفٍ مثل الاحوص يوم تبلى السراير
وشايل لك مثل ماشال قلبه لخله

معه شعرٍ من أمس ولهفةٍ من يناير
مابغيته خذه واللي ماتبغاه خله

- بندر الدويش

[ناصر مناحي @Nmnaa7y]

الرياجيل ما تقبل محلّ الريب
في مخاسيرها والا غنايمها

وانت محتار ما بين الردا والطيب
لا المروءه تبيك ولا خوارمها

[سداح العتيبي @saddahalotaibi]

مطير وعتيبة سعوط المجانين
انحش قبل لا تسعطك يا الشيرازي

دواهي الدنيا و حمّاية الدين
في نجد والا في ربوع الحجازي

الله خلقهم يرجمون الشياطين
توحيدهم يصعب على الانتهازي

رسوا على سنّة ختام النبيين
مثل الجبال الشامخة ما تهازي

يا اللي تربيتوا بشرك الملاعين
ما عندنا للشرك مذهب موازي

[قرم العبادل @9iolh]

نشمي الظويفري :

جعله فدااك انتي عز وهو نقص .. 🔥

انا اشهد يابو فزاع الله يطول عمرك ياراعي النواميس

[سبّيع . @subiie7]

مساء الخير . رسالة . . اما بعد :

اضرب بي الوقت لامن شحّت سنينك
مانيب صاحب رخا ي الصاحب الغالي

__سيرة ذاتيه

[عمر الهيت @3alheet]

يابن مدوح وقوفك دون صفر مطير والميراث
( يجدد ذكريات امجادنا بالسيف ابو سلّه )

يا قوَك يوم اشوفك تدفن الاحياء بالاجداث
خصيم مطير بالصفرا يموت وما برد غلّه

يحسبونك سهل يومٍ بغوك تساير الاحداث
وحنا ما تغاربنا وقوفٍ منك في حلّه

تشيّم لا بدا للضعف حيله وانتصر عبّاث
ترفّع لا دخل شوط المنافس شيٍ يخلّه

#زعل_الديحاني
#مهرجان_الملك_عبدالعزيز_للإبل_10

[ماجد بن مهل @majed_almhl]

نصيحة اليوم:

إن كان ماعشت بالدنيا تصول وتجول
المرجلة ماتجي تمشي على رجولها"

[سلطان الوسمي @sn_alwasmi]

عند الحمايا يحضر العقل ويغيب
يا مطير خلوها حريق ان نزلنا

ما نارد الا صافيات المشاريب
سلمٍ مشيّد فالمعارك لـ اهلنا

حنا على الصفرا ملوك ومعازيب
يرغي جملهم عند هدرة جملنا

عقال في وقت الرخى والمواجيب
ومجننٍ تدرا الاوادم - ( زعلنا )

#مهرجان_الملك_عبدالعزيز_للإبل10
#زعل_الديحاني

[مسعود @ms3333od]

.
#نشمي_الظويفري شيخ شمل اهل النظر ..🥇🔥

[عبدالعزيز المطيري @q_26b]

من يجي في نحرنا لايشرّه علانا
يتحمل طويل العمر وطية قدمنا

[عبدالعزيز المطيري @q_26b]

صح لسانه ويستاهل ابو فزاع حي راسه

[عاشق الوضحا .. al Bader 🅱️ @tki_21]

يقول مسلط الميموني :

الصياهد ما تبي الا الكفو شيّال الثقايل
أبلجٍ يوعد ويوفي وان حمى الشوط احتمى له

نشمي اللي لاسمه الطيّب على فعله دلايل
أشهد انه نشمي اسم وفعل والتوفيق فاله

شيخ شمل أهل النظر والفعل في سبع القبايل
من رضى غصبً عليه ومن سكت ماله جماله

أن قنع ولا أقنعه فالشوط لاجات الصمايل
لا خذا (الأول) عليه وبالتصاريح استوى له☝🏻🏆

[مسعود @ms3333od]

.

مبروك الاول يـ #حمران_النواظر ..🤍

المال عند ،، الراجحي ،، والفرنسي
والشوط قفت به عن العالم #مطير ..🥇🔥

#قعيدالمجد #مهلكات_الحمر

[مزيد الوسمي @mzed_9]

يارب لا ترخي لنا في الزمن راس
وبوجهك من الغايبه والمخله

حنا الرصيد اللي ذخرناه نوماس
وجهادنا من دون ملّتك ، ملّه

اليا انجرح من كلمة الحق حسّاس
الحق حق ولازم يقال كله

ترى الغنى اللي نحسبه عكس الافلاس
يمكن يكون افلاس - في غير حلّه

من زان له في مقعد الذل مجلاس
صلوا عليه وكفنوه بـ محلّه

مهما يقوم الصبح ويجر الانفاس
ميّت .. لا صار يعيد تكرار ذلـه

الموت موت اللي تحت رحمة الناس
ماهوب موت اللي تحت رحمة الله

[عبدالعزيز المطيري @q_26b]

عط الراي قلبك شف هوى القلب وين وهاو
ترا الـسـعي في غير المـشـاهي هو التوهه

[الحاكم @_alhakm]

صباح الخير للمكافحين في الحياة،

أمّا بعد،

يقول بدر بن ذنبوح:

"جعل نصري بآخر المشوار يركز في الثريّا
لو ثلاث أرباع عمري الأوله راحت هزايم"

[مـخـباط . . @_Mb72]

تقافت سنين العمر كله ووقتي راح
ورى حلمي اللي لا نسيته ولا عشته

- جراح العتيبي

[‏ نِزَار بس مش قباني @__eu7]

— مساء الخير // ثم :
مناكب الوقت مسعى و الأمل نجمه
على ضياها قدم رجلي . . . مسيّرها

لا تعطي الهم من ضيقك سوى حجمه
ارباح الأيام ما غطت . . . خسايرها