ماني بقايل ويش غيّرك وش جاك
ماجاك غير أبشر و سمعٍ و طاعه
غرّك غلاك و كثر لبيه خلّاك
تحسب قلوب الناس عندك بضاعه
تذكرني أتذكرك ، تنساني أنساك
للوصل وصل و للقطاعه قطاعه
صباح الخير 🌞 اما بعد :.
هي شيخه الزين والاخلاق والعفه
سبحان من زيّن الخلقه وسواها
هـي بكفه وخلق ربي كله بكفه
تفرق عن العالم بمجمل مزاياها
الوجه والخد والعينين والشفه
تبطي بطون الحريم تجيب شرواها
🤍🤍
مهما بلغ الرجل من قوة وهيبة الا ان قلبه يضعف ويفيض حناناً أمام من يحب:
يقول محمد العويضة :
" اعاتبها ويلمع دمعها واغير الموضوع
أنا الغلطان دام السالفه تاصل مدامعها "
ويقول محمد المقحم :
" لا تبكين والا علميني قبل تبكين
دموعك ترى المفروض تنحط في تولة "
🧡🧡
ازعل وترضيك الليالي والايام
ماجاك منا شي يزعلك منّا
يغرك التفكير في بعض الاوهام
وتشوفنا مخطين وتصد عنّا
لا تحسب إنّا للمقفين خدام
من يتبع المقفين ماهوب حنّا
مالك علينا حق في وصل الارحام
عشان نمشي لك على ما تمنّا
الروح تظهر والجسد جلد وعظام
والنفس من يتبع هواها معنّا .
💎💎
حنيه مساعد الرشيدي في أبيات:
لاتشتكين اللوم وأنا هنيا
أنا هنيا لأجل ما يلحقك لوم
أن كان ما جاتني عليك حميا
معاد لي في باقي الامور ملزوم
نامي وخلي كل هماً عليا
ماله خلق هالجفن لسهاد وهموم
لا تندهيلي واصل لك بليا
لو نكسر قلوب ونزعل خشوم
💎💎