𝚜𝚎𝚎ఌ

ربِّ اجعل هذا البلد آمناً 🇸🇦

[Cat. @CATW0MEN_]

وش هالكلام ؟ كيف يعني يحطون خدمه العملاء عن بعد بالقرى والهجر السعودية ويفتحون باب للبنات بالعمل من بيوتهم ويحلون مشكله تكلفه المشوار والحضانه الي تاكل الراتب؟
تبي المصارية يموتون جوع؟ لا طبعا ننقل خدمه العملاء عندهم.

[𝚜𝚎𝚎ఌ @see_e92]

امي قبل ٣٠ سنة كان عندها ارض بأسمها ملك .. و جدتي رحمه الله عليها كان عندها ارض و بيتها و محلات كلها بأسمها لأان زوجها متوفي وهي اللي اسستها بنفسها ..
ماكان ممنوع بس كانو يشوفون ان الحرمة عيييب يصير عندها مال مستقل عن زوجها ..

[beauty 🧸 البتول @IBatool87]

كيف كذا وامي بيتها عمره اكثر من ٤٠ سنه
والأرض والعقار باسمها من يوم شرتها وبنتها ؟
ما اعتقد صحيح هذا الكلام ما كان فيه نظام يمنع تملك السيدات للأرض او العقار

[أ. عبدالله فيصل @A_AlFai9al]

لا تخاف الا من الشخص اللي يستحل اموال الناس بالباطل

[𝚜𝚎𝚎ఌ @see_e92]

سميت بناتي اسماء عربية فصحى و لا سلمت من ردود فعل الناس في كل مرة .. لازم اسميها اسم يعرفونه عشان ارضيهم !..
الاسم جميل ومعناه جميل و هي سمتها وعارفه ردة فعل المجتمع.. الافضل تقفل النت وتريح راسها هي في مرحلة تحتاج طاقتها النفسية ترتفع وهذولا يأثرون عليها بالعكس..

[Reem 💞 @ladytwitty]

انفلات المهبولات جيل اللطافة على الانفلوسر عشان اسم بنتها يناقض كل لطافتهن وامنساء للأمنسااااء. اعتبروها سمتها "مديرة المنزل = نفسها دانات كثيرات تركض بالمنزل" واشكرنها على لطافتها بدال ما تقعدن تحارشن نفاس جروحها بتتفتق وصدرها متحجر وتلعبن في نفسيتها وتخلنها تطلع بهالصورة.
اعوذ بالله حتى الحمدلله عالسلامة وطالعة من الشر ما فيه بس تنظير من ريتاج وميتاج وعجاج.

[𝙹𝚒𝚑𝚊𝚍 💽 @jiid95]

أول منشن يجيك لما تشتكي من ارتفاع سعر شيء ضروري بالحياة :

[Rise @Rise5115]

بعدين يقولون ليش الشعب عازف عن الزواج
و يحطونها بالمهور الي هي مره بالعمر للبنت و يتركون غلاء المعيشة وقلة الرواتب

كيف تبيهم يتزوجون وانت ما تقدر تأمن للمواطن مستقبل واضح
كل شي يزيد الا الراتب وزيادة مهولة مو بسيطة

عزوف الشباب عن الزواج بسبب الغلاء و شح الوظايف فقط لاغير

[🐈‍⬛ @rclx0]

سعر الغاز ارتفع 10 ريال اليوم هل فيه سبب؟ ولا شركة الغاز حابين يرفعون ميزانيتهم على حس المواطنين المساكين؟

[مريم @awmnt86]

المثال اللي طرحه خلى اخوه يفهم لانه انحط بنفس الموقف والمعاناة مع انها مؤقته وبتنحل اذا وصلت له أمواله الا انه ماقدر يقول إن نفسة تقبله
وليت كل ذكر قبل يستهين بمطالبة انثى انه يحط نفسه مكانها مع اني اشك ان عندهم احساس

وضع النساء عندنا مقيدات بالزواج منعدمات الخيارات مب كل وحدة تقدر تقوم وتمشي وقت ما تبي عشان كذا غاضبات ، ماتتحمل العيشه معه وماتقدر تعيش بدونه
اعتمادها كامل على شخص يملك عليها سلطة مطلقة وهذا مب شيء سهل ولا مستصاغ خصوصاً في الوقت الحالي الدنيا تغيرت وانفتحت قدامي ومااقدر اعيشها الا برضى شخص يختلف عني في الرغبه والافكار وقياس الأمور بإفتراض انه شخص صالح ، أما عاد المعاتيه وهم كثير فهذا اقىَل نفسي ارحم من اني اعيش معه

[معضالة @Be_____ing]

من وحنا صغار وامي حريصة على الاكل اللي ناكله، ما كانت تسمح بالغازيات ولا الحلويات حتى الشيبس ما تسمح يدخل البيت، والاندومي عدوها.. كانت معتمدة لنا وجبة مفتوحة مرة وحدة بالاسبوع. غير حرصها على النوم من ٧ الليل كنا ندخل الغرف.. انا كبرت وفيني امتنان كبير تجاهها لان العادة هذه استمرت معي ومع اخواني كبرنا بصحة وبعافية مقارنة باللي كانو بأعمارنا عانوا من ضعف بالنمو، وبعضهم سمنة وضعف تركيز، بعضهم جاهم سكر، حتى ادائهم بالمدرسة كان نازل. فصدقيني ما عندك سالفة والعيال امانة وبالذمة، جزء كبير من استقرارهم النفسي والجسدي لين يكبرون يعتمد على المغذيات النظيفة.. اقلها اذا ما تقدرين تشيلين الامانة صح، ما يحتاج تشجعين على الردى

[عبدالله العبدلي @T5yll_]

كنت طالع من مطعم وجاتني امرأة كبيرة في السن وقالت لي أنا أم أيتام ومحتاجة، قلت سمي أطلب لك أكل أو تبون مواد غذائية؟ قالت أبي تسدد فاتورة الكهرباء قيمتها 2900. ويوم دخلت رقم الفاتورة طلع لي استهلاك آخر 4 أيام بـ 400 ريال! قلت لها وين ساكنة؟ قالت أنا ما أكذب عليك.
انتبهوا يا جماعة، كثير من الحالات تستغل العاطفة بأرقام فواتير غير منطقية، والحل دائماً هو التوجه للجمعيات الرسمية الموثوقة أو منصة احسان.

[SAUDI POPULAR @saudipopular]

الجنتل مان ... اللي يهوى حماية الغزلان 🤎

[سلمان بن عبدالعزيز @KingSalman]

نشكر المولى عز وجل أن شرّفنا بخدمة الحرمين الشريفين، ورعاية حجاج بيته الحرام، سائلين الله أن يتقبل من الحجاج حجهم ونسكهم وطاعاتهم.
ومع حلول عيد الأضحى المبارك، نهنئ شعبنا في هذا الوطن المبارك وأمتنا الإسلامية بهذه المناسبة، وندعوه سبحانه أن يجعله عيد خير وسلام واستقرار على أمتنا والعالم أجمع.
وكل عام وأنتم بخير.

[𝚜𝚎𝚎ఌ @see_e92]

انا كذا تمر علي مواقف واحس مو مهمه ماله داعي اتكلم فيها .. مو عشاني مملة بس من وجهة نظري احس مافيها اي فايده عشان تنحكى 😬

[F9 @fzzsuv]

فيه ناس مملين بشكل جنوني كيف يعني حياتك روتينيه ما تصير لك مواقف ولا سوالف غريبه مافيه اكشن بحياتك ولا خوازيق ولا مشاكل حاول تصنع لك حياة محد يحب شخص سادة

[مـولي 🌿 @Mooli09]

ليه مصدومه ؟ اش الشي الصادم في الموضوع؟ يعني هي ماتدري ان العيد شعيرة وفرحة وحتى ديننا حثّ على إظهار السرور والتجمل فيه ؟
بالله إذا مو بالعيد نفرح ونلبس الجديد ونجتمع ونحتفل، أجل متى؟ قولي مابي اشتري للعيد وهذا شي من حقك وعادي جدا ولا هو شرط اصلا لكن تنصدمين اننا نشتري للعيد؟ هذا والله الشي الغريب صراحه😂

[قصيمي @Qassim_republic]

بما ان فيصل المطيري اشعل فتيل الواقع لازم نلتفت للحسابات هذي للمدعين بـ

عبدالمجيد ، مزون

الي يسونه لشباب وللجيل الحالي هو كارثة فكرية وعقلية وانتهاك لكرامتهم وابسط حقوقهم .

يروجون لافكار وجود وظايف ( كثيرة ) برواتب مجزية ولو التفت للواقع كل الوظايف الي يطرحونها اقصى راتب 6500-7000 ومتطلبيات ماجستير و8 سنوات خبرة واتقان 4 لغات .

ولكن سبحان الله كل الي يجونهم خاص رواتبهم فرش وحديث تخرج فوق 17 و 20 الف وجتهم فرص ب 40 و 50 الف !! لكن يوووه متحيرين ولازم يسالون مزون وعبدالمجيد عن وجهه نظرهم ورأيهم 😂😂 !!

اذا كذبتهم يحاولون يدلسون في الكلام انك مغيب وان الغلط فيك ما تعرف تبحث ولا الوظايف والمناصب موجودة لكن اخخخخ مشكلتك بس ما زبطت الينكد ان وما اخذت 86 شهادة مهنية ، بس هذي مشكلتك وراح تتوظف على طول براتب 60 الف .

ويمشون ينشرون افكار برسايل مبطنة ان السوق متطلب ومليان وظايف لكن انت يالقارئ والباحث عن العمل كسول وما تعرف كيف تدور عن وظيفة وراضي ان القطار يتعداك لانك مهمل !

والله ثم والله ندري من 50 سنة ان فيه رواتب عالية ولا هو سر او حالة استنفار تحصلنا اذا عرفنا . لكن كفاية ترجون ان اوووه هذا الطبيعي لكن انت المغفل الي ما حصلت الا 4000 او 5000 .

الوظايف الي رواتبها هي السقف ما تتعدا 1-2% من السوق في كل تخصص وتروجون ان هذا الطبيعي ؟ ليه ؟ وش مغزاكم ؟ ليه تحطمون همة وطموح وامل الجيل الحالي عشان تقنعونهم ان الغلط فيهم والتقصير منهم ماهو في سوق العمل ؟

سوق العمل عندنا كارثي ومتجهه لهاوية شنيعة ومهما انضغط الشباب للجيل الحالي مرده بتجي لحظة وبينفجرون ف انتم وشاكلتكم قاعدين تشحنونهم اكثر وتجهزون قنبلة موقوتة محد عارف متى بتنفجر .

والمصيبة الاعظم و المرجح اكثر ان هالحسابات وراها مسؤولين كبار يحاولون يغطون على سوء قراراتهم بنشر السم بعقول الشباب ولومهم على عدم تقدمهم وقلة حيلتهم من الاساس !

لان الافكار الي يروجون لها مستحيل تجي من شخص منفرد ومستقل في قرارة .

وفوق هذا كله فيه برامج حكومية زي :

تمهير
حافز
طاقات
جدارات
وصول
هدف
وفوق هذا كله مطلوب منك لينكد ان

مافي اي دولة العالم كله عندها هذا الكم من البرامج للتوظيف الا في السعودية وهذا اكبر دليل على خلل المنظومة عندنا ، يغرقونك بكثرة المتطلبات والاجراءات عشان بس تمارس حقك في دولتك وهو بس انك تتوظف وظيفة تعيشك كريم انت وأسرتك .

اخذت تمهير ولا توظفت بعدها ؟ اوو معليش اهم شي استفادوا منك الشركات ببلاش وخلاص الحين لازم تسجل في طاقات وتجرب اووه لك سنة ما توظفت ؟ وشرايك طيب هالمرة تجرب جدارات ، اووووه عديت سنتين هنا وما توظفت !!! ياااخي انت حمار المفروض تسوي لينكد ان من اول وتضبط حسابك وترتبة عشان تتوظف ! اوووه لك ٤ سنوات ما توظفت ؟؟ اكيد لانك الحمار وما عندك القدرة المالية انك تسافر بريطانيا تاخذ ماجستير ولا اخذت شهادات مهنية ( تدريب بفلوس واختبار بفلوس ) مهو من الاول ي قليل العقل لو عندهم المادة ما قعدوا يدورون وظايف من الاساس !!

هذا بخلاف طريقة عرض الوظايف والطلب من الشباب انهم يسلعون انفسهم في التعليقات بارسال سيراتهم الذاتية !! من عينك انت انك تطلع على بيانات الناس ؟ وليه عندك الحق انك تطلب من الناس يحطون معلوماتهم السرية زي الاسم ورقم الجوال والايميل على العام ؟ وكل من هب ودب بيعرف بياناتهم وكثير منهم ( بنات ) وش عرفك بناويا اي قارئ بيمر على المنشور ؟ وكيف ممكن يستغل هالمعلومات !!!؟؟

ولو انك صادق تقدر تسوي شيت قوقل درايف والناس يدخلون يبعبون بياناتهم وترسل هالشيت او النطاق التخصيي لشركات طالبين توظيف في هالتخصص وهم يختارون ويقابلون وتنتهي الازمة وتقدر تحدث عليه باستمرار .

ولكن ابيت انت والصخله الثانية تبون تورونا انكم قاعدين تشتغلون ولكن النتيجة الفعلية 0 .

اهم شي اظهر بمظهر المنقذ للبطالة .

الي يحصل لشباب هالجيل قلة حياء ومساس لكرامتهم واستصغار وانتهاك لعقولهم وسلب لابسط حقوقهم

[ليزا🌺 @xiaogu8v]

لااا وامس زعلانين على اليابان ويقولون عنهم عنصرين عشان مايبون اجانب يعني أنا كمواطن سعودي وخليجي ايش دخلني في مشاكل اليابان الداخليه وخطابه مو موجه لك حتى حنا نعاني مثلهم من تكدس العماله والاجانب والتغير الديموغرافي اللي بيصير بسبب ذا الشي وفوقها ماخذين وظايفنا و يسبونا وماخذين هويتك حتى لهجتك زرفوها وانتحلو هويتك في السوشيال ميديا صارو قوة ناعمة داخل بلدك تعنصر القبايل وانتشارها حرب الجنسين و و أشياء كثيره كل ذي الأمور ايش مصدرها !!!

[𝚜𝚎𝚎ఌ @see_e92]

@SehhatyApp فضلا الرد على الخاص

[رَوائِعُ القَصِيدْ @raway_alqasid]

"وحسبتُها مِن فَرطِ ما أحببتُها..
جَنّاتِ عدنٍ في ديارِ فَناءِ! "🤍

[قس بن ساعدة @SF_SKD]

﴿ فَبَشَّرْنَاهُ ﴾ ، ﴿ وَبَشَّرْنَاهُ ﴾ ، ﴿ فَبَشَّرْنَاهَا ﴾ ، ﴿ لَهُمُ الْبُشْرَىٰ ﴾ ، ﴿ وَجَاءَتْهُ الْبُشْرَىٰ ﴾ اللهم البشارات التي نحب، والأيام التي تسر، والرحمات التي تتوالى، والعافية التي ننعم بها، واليقين الذي يريح القلوبᅠ.