ღ ﮼أحمد ๛

أثق بأن الله يُحبنا كثيراً ، يُبعد عنا السيء ويأتِ بالجميل ..♡!

[ميّم . @m8iilll]

يا أغلى مقادير عمري وأصدق أماله
الله يديم الرضى .. ونعيش في ظله

أدور اللي يسرك و أتعنى له
وأقدم العمر لك وأقول يا قله

لي عمر محدٍ وقف قبلك على جاله
ولك قدر محدٍ قدر فالناس يوصل له

لا قالوا الماضي أجمل قلت من قاله
الاجمل أنت وعقبال العمر كله ❣️

[ღ ﮼أحمد ๛ @skoon_36]

@africangenes يا آدمي حنا مسلمين ما عندنا هالكلام
مجتمع محافظ على نفسه وارتباطة العائلي
الفرديات ما يدورها شخص حقود وما عندة قيمة
فطبيعي الاغلب يهاجم من كل حدب وصوب
يالله عادي هي جت كذا

[جزل @1Jazil]

سلام الله على ظلم الفراق وقسوة الايام . .

[بَ @az906i]

أسافر من محطات الخيال لـ وقفة التفكير
واغني باللحون اللي صداها يطرب أسماعي

جناحي ذكرياتي والسما فكرة وأحب أطيّر
كرهت الواقع اللي يحبس افكاري في قاعي

جفيت الليلة إللي تشغل الخاطر عن التعبير
وسكنت الليلة إللي في دجاها يظهر إبداعي

قريت الصفحة اللي كان في روحي لها تأثير
لقيت سطورها ماحرّكت قلبي من اضلاعي

كثر ما كنت أخاف المفارق صرت أشوفه خير
مثل ما كنت أخاف من البحر قبل اطلق شراعي

غديت أودّع المقفي ولا أحب أسمع التبرير
أشوف إن التفاصيل الكثيرة ما لها داعي

فـ أنا يا اللي تظن إني بدونك ما أحسن التدبير
هجرتك وأشتعل نور الحياة و زانت اوضاعي

فلا شكراً على وقتك ولا اعذرني على التقصير
أنا من يوم فارقتك تلاشت معظم أوجاعي

[جزاء الغيداني @j94iii]

اطيح من عين السهر كل ما اغفيت
واصحى ويعلى بعين الاحزان قدري

علام لحظات الفرح عود كبريت ؟
تالع وتطفي فرحة اليوم بدري !

مدري ومدري مالها "لو" او "ليت"
تساؤلاتي ماتت بـ فم .. مدري

ياما تهقويت وندمت وتهقويت
حتى استباحت هقوتي دم هدري

على كثر ما رحت بدروبي وجيت
كن الدروب تصارع خطاي حدري

انا سماء وهموم بقعاء عفاريت
تحجب عن عيوني توهاج بدري

[أحمد صالح البحّا @albaha_as]

خشير البال ، مشوارك عقيم وخاطرك مقرود
رسمتك حلم في صدر الجدار وظلّلـك سقفي

حبيبي كنت احبك في امان الواحد المعبود
وكنت اكتب وانا شاعر غريب وضايع ومنفي

مسير الوقت يفتحلك طريق اوجاعك المسدود
وتبدا قصة طيوفك على كرسيّك المجفي

هنيئاً للزمان اللي ملاه غيابك الموجود
هنيئاً للحنين اللي يجول ويامر ويضفي

تذكرّتك وانا خايف عليك وللغرام وْعود
على سلسالك الطاهر يموت وينولد حرفي

بقايا ضحكتك ، ميلة يدييك ، ودرّك المنضود
وصوتك لو ينادي ؟ ما خذاك وعلّمك تقفي

دعتْك الريح من سابع تعال وهجرها منقود
يمر الموت قدّامي واحبك وحدها خلفي

تقللْـك المسافه والحسافه قمت احبك زود
اروح لغيبتك واشرب جروحك وارتوي نزفي

تجرّعت الصبر يا غايـبي واثر الصبر محدود
طلع قلبي ارق مْن الحمول اللي على كتفي .

[نايف السراهيد @al_shamk111]

الشوق حط ايديه في جوف مخباه
ما عاد له فـ الحب رغبه لحوحه

مدري بقى فالصدر شيٍ ما قلناه !
والا العتب يكفيك شدة وضوحه

قلبي وانا من كثر ما جاني وجاه
قال السموحه منك قلت السموحه

عن المكابد والسهر والمعاناه
تبنا من اللي راح توبه نصوحه

[أحمد صالح البحّا @albaha_as]

انت الاغاني والدقايق والطريق
انت ازدحامي والشوارع تسمعك

كيف اذكرك في كل ضحك وكل ضيق
كيف ارحل لحالي والاقيني معك

انتي وانا مثل الجزيرة والغريق
متوّزعه ليت الاراضي تجمعك

شاعرك متماسك وفي صدره حريق
يستقبل اوجاعك عشان يودعك .

[ٌ @ajm7i]

ياسيّدة من يعيش الكبر و العنفوان
تستاهلين الغلا و التضحيه و الولا

راهنت فيك الجميع ولا خسرت الرهان
بغوا يقل الغلا ؟ عيّا يقل الغلا

مع كل بسمة شفاه وكل كلمة لسان
أضيع معها .. و أردد مرحبا يا هلا

لو أفقد العقل .. و أفقد ميزة الإتزان
ماهيب تثر على حبك يا ريم الفلا .

[َ @veteranskyz]

اودك الشعور المرتمي بين الرجا و الخوف
يا قلبٍ حط شرهات الغلا بـ أوجيه غيّابي

غريب إنك وصلت لـ مرحله تستغرب المألوف
و غريب إني أحنّ لـ غربتي و أشتاق لـ غيابي

سؤالي لـ الوجيه العابره في وجهي المخطوف
عقيم و لو مشيت يوقف الدنيا على أعصابي

أنا وشلون أواري عبرتي عن نشدة الملقوف
مع إن الدمع دمعي كانت الأشواق لـ ترابي

أدوّر ضحكة يدوي صداها من كنين الجوف
ما هي بـ الضحكه اللي ما تعدت لمعة أنيابي

مقادير الحياة اللي مواريها تعب و ظروف
خذت من قلبي عزوم الشجاع و خيرة أصحابي

أحث العمر في دربٍ من أنواع الخطر محفوف
مسيّر بـ المسير وبـ السراب أمنّي أركابي

قصرت الدرب بـ أول خطوتين و لا قصرت الشوف
و ما بين العقل و القلب الشقي مدري من أولابي

أنا يا صاحبي ماني ذليل و لا سليل ضعوف
لذا لا تستهين بـ رجعتي لك و أحسب أحسابي

أصد عن الوله يومه ينادي صدة الملهوف
و أرفرف لك غلا في هجرتي و أخالف أسرابي

أمد القلب لكنّك تمد ايدين دون كفوف
أفا يا هقوتي ليه الحبيب يحب و إيحابي

بقى لي من هواك أسمٍ مكوّن من ثلاث حروف
نفخ بـ الجرح روح و كفّن الدنيا على بابي

قريتك ما كتبتك و الهوا يلعب على المكشوف
ترى يمكن تعيش بـ داخلي و تموت بـ أكتابي

[جـَـوى @jwapoem]

يمر الجرح بمرور الحياة و دوره الأيام
مردك يا حبيس الـ ليه للنسيان والسلوى

ما دام الوصل فعيون المحبه ضعف واستسلام
تقوى بالبعاد و لو تضيع بسكة الجفوه

يغربني هوى قلبي ، و احس ان القلوب اصنام
و احس الحب كل الحب ما يستاهل العنوه

عجزت ارخص غلا الارواح و أغلي فتنه الاجسام
كبير الفرق بين أحساس يا حلوه / و يا غلوه

ترافقنا تفاصيل الوجوه الماضيه ، قدام
بلانا لا اختلت فينا سواليف الوله خلوه

نكابر ونتجاهل و نتعايش ، والحظوظ احكام
و يبكينا حكي عابر ، عطر , غيم و لحن غنوه

تلينا المشاعر والمشاعر بالاخير اوهام
و ترى هاللين هو ذبح هقوتنا قسوة

تنفرنا من الواقع شرايد لذه الاحلام
" أمَرّ الذكريات اللي تعلمنا الحزن حلوه "

عن اوزار الخطايا علّها تكفيره الآلام
و عسى كل الجروح تكون لذنوب العمر فدوه ..

[ღ ﮼أحمد ๛ @skoon_36]

@MyovSs وش دخل أهلك يا غرب اسياء دز امها انشغل بنفسك

[٥ @7eppro]

«صديقي ، صّاحبي ، غُربة شعوري ، موطني ، منفاي
حبيبي ، لوعتي ، جرحّي ، خفُوقي ، جنتي ، ناري

فخامة سيدي ، صاحب جلالة خافقي ، مولاي
أمير الشوق ، لا صاحب سموّه ، وأجمل أقداري

تراتيل الغلا ، سيّد جروحيّ ، مُختصر معناي
سيادة هاجسي ، منبر حروفي ، جرحي العارِي

شواطي غُربتي ، صمت إغترابي ، مُنتهى دنياي
موارِي بسمتيّ ، ضحكة حياتي ، موطن أسراري!

نهاياتي ، بداية منتهاي ، و مُنتهى مبّداي
مصيري ، حاضري ، قصة حياتي ، موجز أخبارِي

"أحبّك" يا كثر ماقلت "أحبّك" في حروف هجاي
"أحبّك" كثر ما ملّ القلم من دفتر أشعاري

"أحبّك" ثم "أحبّك" ثم "أحبّك" ، أبك أنا لولاي
أحبّك" ‌ما تغافلت الجروح وجيت لك سّاري!

"أحبّك" ، وأعترف لك أيه "أحبّك" وإن بدالك راي؟
أجي كلّي على حشمة غلاك أقدّم أعذاري

"أحبّك" وأسبّر أغوار المواجعّ ، وأنثرك بغناي
أترجم لك شعوري والمواجع تسّبر أغواري

"أحبّك" وألوي عِنان القصيد وينحني لرضاي
عسفت رضاه ، لكنّك لعبت بحسبة أفكاري!

أوقف للحروف إللي تلعثّم في جدار شفاي
وأرتّب لك صدى صمتي مشاعر وأشعل أنواري

(حبيبي) يا كثر صبري عليك ويا كبر بلّواي
نفذ صبري على جال أنتظارك وأنت بي داري!

تغيب وتسكنْ عروش الخفوّق ، ودفتري ، وأشيايّ
تنطّحت الدروب وكل شيء يجيب لك طاري

أنا ما أقوى فراقك كيف تقوى تحتمل فرقاي؟
حسافه ما توقعتك تبيع ، وصاحبك شاري!

تراك أوّل غلا يسكن حشاي ويستحلّ أقصاي!
معك تحلّى مشاوير الشقا لو طال مشّواري

فداك أيّام عمري والزمان إللي مضى والجاي
تصدق‌؟ كل مازدّت بجفاك يزيد مقداري!

معك مركب غرامي ماسأل عنْ منتهى مرساي
بكيفك خذّ مجاديف العمر يا غُربة أسفاري!

كتمتك و أنكسرّ صمت القصايد وأختصرت أخطاي
تعال أسمع معي نبض الخفوق وصوت قيثاري

تجهمَّت الطريق وما وصلت آخر حدود مناي؟
على صدر المسّافة كل خطوة تقصر أشباريّ

(حبيبي) أنت يا سبّة شقاي ، وعلّتي ، ودواي
"دخيلك لاتمادى في جفاك وتقتل أزهاري"!

دخيل الشِّعر ، وإحساس الشعور ، وعزوتك وأعداي
دخيلك وين أولّي عنْ عذابك وأهجر أسواري؟

أمانه لا غزتك الذكريات ومرّتك ذكراي
تذكّر منْ هدر دمع الفراق إن جاب لك طاري

كتبتك يلعن أسلاف القصيد وتنّكسر يمناي
إذا إنّي ما قدرت أرضي غرورك بـ أصدق أشعاري

سرى ليل المواجع وإلتحف صمتي صهيل الناي
على لحن الفراق أكتب حروفي وأعزف أوتاري

أفجّر للحّزن صمت المواجع وإن ضمنت بكاي
أغنّيها على لحن إنكساري .. وأسرّ يا ساري»

[َ @veteranskyz]

كل ما جيت أتخلص من علامات اضطرابي
ما قدرت أزيف الواقع و أصد من الحقيقة

ذبلت في كف لوعات الشقاء زهرة شبابي
بعد ما طالت ليالي الهجر و امتصت رحيقه

السراب اللي تبعته غيّ لين أهلك ركابي
كيف أوقف و الأمل ما أشوفه إلا في بريقه

من كثر ما أروح و أعود على ذيك المرابي
ما أتحرص للزوم إن ما خذاني عن طريقه

مستعد اسايف لقسوة حكي العذال بابي
لو مغير يتاح لي من فرصة اللقيا دقيقه

هات يدك الله يسود وجه من يرضى عذابي
لا تردد في علاج طعوني الخضر العميقه

ما معي لمقاومة سحر النجل تقوى صحابي
معي ولف وحر شوق ودمعٍ أدنى ما يريقه

[ُ @i2lf_]

يراودك الشعور المرتمي بين الرجا و الخوف
يا قلبٍ حط شرهات الغلا بـ أوجيه غيّابي

غريب إنك وصلت لـ مرحله تستغرب المألوف
و غريب إني أحنّ لـ غربتي و أشتاق لـ غيابي

سؤالي لـ الوجيه العابره في وجهي المخطوف
عقيم و لو مشيت يوقف الدنيا على أعصابي

أنا وشلون أواري عبرتي عن نشدة الملقوف
مع إن الدمع دمعي كانت الأشواق لـ ترابي

أدوّر ضحكة يدوي صداها من كنين الجوف
ما هي بـ الضحكه اللي ما تعدت لمعة أنيابي

مقادير الحياة اللي مواريها تعب و ظروف
خذت من قلبي عزوم الشجاع و خيرة أصحابي

أحث العمر في دربٍ من أنواع الخطر محفوف
مسيّر بـ المسير وبـ السراب أمنّي أركابي

قصرت الدرب بـ أول خطوتين و لا قصرت الشوف
و ما بين العقل و القلب الشقي مدري من أولابي

أنا يا صاحبي ماني ذليل و لا سليل ضعوف
لذا لا تستهين بـ رجعتي لك و أحسب أحسابي

أصد عن الوله يومه ينادي صدة الملهوف
و أرفرف لك غلا في هجرتي و أخالف أسرابي

أمد القلب لكنّك تمد ايدين دون كفوف
أفا يا هقوتي ليه الحبيب يحب و إيحابي

بقى لي من هواك أسمٍ مكوّن من ثلاث حروف
نفخ بـ الجرح روح و كفّن الدنيا على بابي

قريتك ما كتبتك و الهوا يلعب على المكشوف
ترى يمكن تعيش بـ داخلي و تموت بـ أكتابي

[أحمد صالح البحّا @albaha_as]

التجارب خضْتها بين اكتبك واقرالك
لين سال الليل حدر عيونك النعسانه

اسمعي صوت السنين المقبله تسعالك
تعتزي مثل الفقير المعتزي بـ اخوانه

الله اكبر ، كيف جيتي ! كَم عشقت وصالك
استبدّي فوق صدري لا خذتْك احضانه

خطوتينك ، حاجبك ، عنقك ، سمو ظلالك
بعثرة ، خوف ، ارتباك ايدينك الخجلانه

ضحكتك ، جمرة شفاتك ، لينك ، استرسالك
ابدعك رب الجمال وصوّرك سبحانه

سيّدة هذا المساء .. كل النجوم اطفالك
اروي عروق العطاشى لطفك وهتّانه

لململي حلمٍ تلاشى في طَرَف فنجالك
هكذا يلقى حبيبك مجمل استحسانه

الغريق اشقاه موجه وارتما في جالك
في عيونه دمعتيين وفي يديينه دانه

مدّي احلامك عليه وشالك وسلسالك
انقذيه من الغرَق وآماله الذبلانه

احْزَن الشعّار يضحك في زمن متهالك
ما يعيش الشاعر الا من عظيم احزانه .

[سعود الشهري @saud_alshehry_]

رح ينضبط سكرك التراكمي وتدعي لي باذن الله بس اسمع شويه

[ْ @iirrxu]

"أحبك و العمر صبره سجين وسطوته سجّان
مع غيرك ؟ حدودي ثابتات ومعك متمادي"

[شاعر حرف 🇰🇼 @Hrrf_1]

-
-
-

أذكـرني بخـير . . لامـريـت في بالك
وأحفظ لي الودّ وأعذرني وسامحني

لو طاح نجم الجدي ماطاح منزالك
حتى لو أنك بسـيف الغـدر ذابحـني

أهجـرني وبـلك حسـابي بـجـوالك
وإن كان مـديت كـفي لاتصـافحني

حاول تنـاسى خفوقٍ بالغـلا شـالك
لكن لاتنسى اعتذاري وانت جارحني