Mwenyekiti wa Chama cha Waendeshaji wa Utalii Tanzania (TATO), Wilbard Chambulo, amesema Tanzania inaweza kuongeza ushindani wake katika sekta ya utalii kwa kuondoa vikwazo vinavyochelewesha safari za watalii, hususan kupitia uwekezaji katika miundombinu na kurahisisha huduma za uhamiaji.
Akizungumza katika uzinduzi wa nyenzo za utekelezaji wa Dira ya Taifa ya Maendeleo 2050, Chambulo alisema sekta ya utalii inategemea zaidi urahisi wa safari na uzoefu wa mgeni kuliko taratibu ndefu zinazoweza kumkatisha tamaa kabla hajafika katika vivutio vya utalii.
Alitolea mfano watalii wanaotembelea Maasai Mara nchini Kenya na baadaye kutaka kuingia Hifadhi ya Taifa ya Serengeti, akisema wengi wao hulazimika kupitia Nairobi, kisha Kilimanjaro na Arusha kwaajili ya taratibu za uhamiaji kabla ya kufika Serengeti. Alisema mlolongo huo huongeza gharama na muda wa safari, hali inayoweza kuwafanya baadhi ya wageni kuahirisha au kuacha kabisa safari yao ya Tanzania.
Kwa maoni yake, kujengwa kwa Kiwanja cha ndege katika eneo la Mugumu, Mkoani Mara pamoja na kuweka huduma huduma za uhamiaji kutawezesha watalii hao kuingia moja kwa moja Serengeti kutoka Maasai Mara, hatua ambayo itapunguza usumbufu na kuongeza ushindani wa Tanzania katika soko la utalii la Afrika Mashariki.
Akihitimisha, Chambulo alisema Tanzania tayari ina vivutio vinavyotambulika kimataifa, ikiwemo Serengeti na Zanzibar, na kwamba kuboresha miundombinu pamoja na kurahisisha taratibu za kuingia nchini kutasaidia kuongeza idadi ya Watalii na mapato yatokanayo na sekta hiyo.
"Messi has 10 more World Cup goals than Ronaldo"
The 10 goals:
🇩🇿 Algeria ⚽️⚽️⚽️
🇦🇹 Austria ⚽️⚽️
🇯🇴 Jordan ⚽️
🇨🇻 Cape Verde ⚽️
🇪🇬 Egypt ⚽️
🇸🇦 Saudi Arabia ⚽️
🇦🇺 Australia ⚽️
“Ronaldo fans aren’t intelligent “, okay now tell us which fanbase invented
Pre-assist
Eye test
Watch football with your eyes
Scoring goals without winning d cup is useless