.

[. @vronxt]

@taqdeer_sa سويت تقدير امس ولا جتني الرساله حقت الانتهاء من التقدير

[. @vronxt]

اشعر بقربك يوم ربي تمّه
والد له واثره مغير ظلالي

انثر شتاتي فـ العرى والمّه
ماعندي الا غترتي وعقالي

اصبح على الاطلال ضايع يمّه
وامسي تحت جنح الظلام لحالي

[. @vronxt]

يكفيني عن الدنيا و أهلها .. غالي لا زال
حبيبي جعلني ما أعتاض حتى في غرابيله

أحبه والله أنه عندي أغلى من بنون ومال
لكن الحظ ما ساعد ويادنيا من أنتي له

[. @vronxt]

تحلمت فيك البارحه كان .. ماتدرين
وكنتي مثل منتي جميله على العاده

[. @vronxt]

@otb665 يوم انه ف الطايف عندكم قريب فاز ويوم جيتو في ديارنا فاز قعودنا

[. @vronxt]

يا غايبه سمحت بـ غيابك و أحسبك تمزحين
انشهد أني من بعدك أدور الضحك دوره

الله يسامح من جعلني في موادعك أستهين
اللي يقول الوقت ما ياقف على فرقا مره

[. @vronxt]

على ما بيني وبينك من الأحباط والأفلاس
أشوفك في محطات السفر ترحالي وحلي

عساني فدوتك لا تاخذك مني يدين الياس
وأنا أدنى عارض يروح ابعضك يروح بي كلي

[معكاز شعر @M3kkaz]

راحت بنا سود الليالي مدابير
نبدي سعادتنا ونخفي وجعنا

بعنا هقاوينا بسوق المخاسير
والمدح في سوقه شرينا وبعنا

نصارع الايام ورد ومصادير
وفي مسرح الدنيا عصينا وطعنا

ياما تقبلنا هزال المعاذير
وياما تحملنا نكد واستطعنا .

[م ' @2wsiii]

لايغّرك حجب دمعي عن ظْهوره
لاتقول أنّي سليتك ! ماسليتك

دايم أستر دمع عيني ستر عوره
ولا أنا ياما تضايقت وبكيتك

أوله يوم الغلا فـ أربع شهوره
وآخره في يوم جيت ولا لقيّتك

وأنت تاخذني على عميا مشوره
مسرفٍ بي لارحِم حيك وميتك

عذرك إني ناسيٍ حبك و دوره
لو نسيت أبوي وأمي ما نسيتك

[جنيّح @jnuii7]

عذابي من الدنيا خذيت اوله عربون
وعذاب القبر والآخره ما بعد جاني

[الغناه @gsrm77]

سلامات وطهور وعافيه وأجر وعسى ما باس
تماثلك الشفا والشر عنك يروح ويولي

صحيح أن المرض ما يستحي وأنه عديم إحساس
ماعين في الأوادم من يجيه الا أنت ياخلي

ولكن جيته عندك على قدر من النوماس
لأن السيف في وجه الشجاع يحد ويسلي

ثلاث شهور وأنا أفضل العزله عن الجلاس
ماغير أمشي على طاريك وأسولف على ظلي

أقوم هناك كن الليل يبغاني بكلمة راس
بنفس الموعد اللي قلت فيه الدمعتي هلي

كرهت الناس عقبك وأقتنعت أني عدو الناس
أشوف قلوبها تدعي علي وقلبك يهلي

على ما بيني وبينك من الأحباط والأفلاس
أشوفك في محطات السفر ترحالي وحلي

أحبك وأعشقك وأموت فيك لـ آخر الأنفاس
الا يابري حالي من غلاك ويا وجود اللي

يجامل في التعامل مع شعور الكائن الحساس
وهو من زحمة الأشواق وش ياخذ وش يخلي

عساني فدوتك لا تاخذك مني يدين الياس
وأنا أدنى عارض يروح ابعضك يروح بي كلي

تعود بالسلامه يلعب بخصلاتك النسناس
وأشوف عيونك اتقيم الصلاه ورمشك يصلي

[. @vronxt]

وجودي وانا من بين شويه وجراره
على واحدن مافيه بعده ولا قبله
ㅤ
ذكرته وانا ابادل يديني على الطاره
بدارٍ خلا والخاطر اضيق من الدبله

وجودي لوني بين يمناه ويساره
وجود بدويً حالوا القوم دون ابله

على الوجه الابيض والنقا لعنبو الباره
الاواهني من لف حبله على حبله
ㅤ ㅤ

[. @vronxt]

أنت ممرضني وأعرف المرض فيكم وفي
الهبوب البارده منك هبت في حشاي

والله ان كبدي عليكم عراويها أضمي
والمشارب غير هرجتك ماتقطع ضماي

وأنت سبة كل شي ولا داويت شي
ليش ياقادر على داي ماتقدر دواي

بعد ما شتتو الفكر وأخليتو يدي
كثرت أعلوم الشماميت وأفرحتو عداي

[. @vronxt]

كل ما جا الليل جاني من الديره بلا
كن ماهي ديرةٍ لي ولا فيها هلي

لين إسج الرجل وأعطي مع جو خلا
ثم أعود عقب لجلأج مشيٍ بمهلي

يالطيف الروح لاتحسب ان قلبي سلا
لا ومن خلا فؤادي لحبك مدهلي

معطي الدنيا واهلها على شانك جلا
وادري انه من هبالي ومن زود جهلي

[. @vronxt]

سلام الله على ضلم الفراق وقسوةالايام
عسى ربي يسهل لك طريقك وتحياوتدوم

رح وجهك بياضه من بياض الصبح مايلام
ونا من مدة إيدين البخت يرضيني المقسوم

وش بيّدي وقف حظ الفقير وماتت الاحلام
على حبٍ من اول يوم ، وفراقٍ من اول يوم

[. @vronxt]

اتصّبر عقب طول الجفا حتى غديت
غصنٍ اومت به سموم الدهر لين انبرا

ليتني ماجيت ضميان و لا يوم جيت
ماطلبت من الهوى شرب وظلال وذرا

[. @vronxt]

@aimar2114 @kooora يا اخي إلى تقنعك ٣ تشامبيونز متتالية