زياد عبدالله بن زويبن

[فهد عبدالله بن زويبن @faz_fahhad3265]

بعض الرجال يحيّر القلب اللبيب
متقلب يمشي على بطن و ظهــر

سوالفه مثل السراب مع الجذيب
يملا لك القيـعـه ميـاه بلا مــطـر

وقت الرخا قدام وجهك ما يغيب
و وقت القسى ما عنه رداد الخبر

#عبدالله_بن_زويبن رحمه الله

[فهد عبدالله بن زويبن @faz_fahhad3265]

الــمرجله بنت طـويـلة معنق
ماكل رجل تـاخـذه لو عـشقها

طـبايـعه وطبـوعـها ما تـوافـق
وشخبوط طش لثامها واعتنقها

والعود مـحد يعرفه ليـن يحرق
والحصن بالميدان يكشف سبقها

#عبدالله_بن_زويبن رحمه الله

[عمر بن عليان الطهيمي @omar_olayan]

رحم الله والدي عليان بن راشد الطهيمي
وغفرالله للشاعر عبدالله بن زويبن

[فهد عبدالله بن زويبن @faz_fahhad3265]

بعض الرجال مرافقه صعب وتعيب
مثل السـلاح اللي يـعامـل في حـذر

ندرى شعوره مثل ماندرى الغريب
ودري الـقـزاز اللي ليا طـاح انكسر

#عبدالله_بن_زويبن رحمه الله

[فهد عبدالله بن زويبن @faz_fahhad3265]

بسرارهم باحوا خبيثين الاسرار
مابه محرر صـفحةً ما نشرهـا

ترسل لنا موج من الصحف تيار
كل العدا قامت تنابح جعرها

وتخالفوا بين اعت��افات وانكار
نوب تقر .. ونوب تنفي خبرها

حنا تسمينا للارهاب مصدار
وعن مصدر الارهاب تصرف نظرها !

#عبدالله_بن_زويبن رحمه الله
#السعودي��_خط_احمر

[فهد عبدالله بن زويبن @faz_fahhad3265]

ما ذاق شي من الترف والتدلاع
على التعب والهم يرقد وياعي

وضعه مع الدنيا معاناه وصراع
قسوه،ماهو بحوار عشب ورضاعي

نـومه .. ليا منه نوى له بمرمـاع
غفوات شاويٍ تحـوفه سباعـي

#عبدالله_بن_زويبن رحمه الله

[فهد عبدالله بن زويبن @faz_fahhad3265]

��رتاح والقى متعة الطير بـ الحـوم
يوم الهوى ينفض شماغي وتومي

يا علي انا قبلك عن الشعر بـصوم
زينه وشينه ... مبعد عنه حـومـي

وش عاد ابي بالشعر والشعر مظلوم؟
وليا سمعت الناس قلت عـزومي

اللي ليا سمـعوا شريط ام كلثـوم
من الـطرب كل يـطق الـبهومي

#عبدالله_بن_زويبن رحمه الله

[فهد عبدالله بن زويبن @faz_fahhad3265]

#ذكرى_وفاه_عبدالله_بن_زويبن

يا الله يا اللي في يديك التدابير
لا تطلب الفزعه ولا تستشيري

واللي تبيه بـلا تقدم و تأخـير
يصير و اللي ما تبي ما يصيري

تحط لي في يوم كشف التقارير
حجاب من بيني وبين السعيري

لاتنسون #عبدالله_بن_زويبن من دعائكم.

[فهد عبدالله بن زويبن @faz_fahhad3265]

@tenbaak @lafihmud الله يجعله ضاحكاً مستبشرًا في جنات النعيم

[فهد عبدالله بن زويبن @faz_fahhad3265]

#ذكرى_وفاة_عبدالله_بن_زويبن

صدرك ... على خافـي سـرايـرك زرّه
لاتصير سطح كل ما جاء المطر خر

ولسانك أصحاب الفتن .. لاتجره
في كلمة عوجـا ... يجي ردها مر !

لاتنسون #عبدالله_بن_زويبن من دعائكم.

[لـ الآمير عبدالعزيز بن فهد آل سعود @f_es]

لقاء الشاعر ناصر بن طريس في قناة رام الفضائية وحديثه عن الامير #عبدالعزيز_بن_فهد حفظه الله ورعاه وأجمل ماقاله الشعراء بسموه

[فهد عبدالله بن زويبن @faz_fahhad3265]

الأمير #عبدالعزيز_بن_فهد
هو أهل للثناء
ففي كل لمسة جود نجمه لامع.

[ناصر بن طريس @1pooet]

صح لسانك يابو عبدالله ابداع غير مستغرب
ويستاهل #سيد_الجود سيدي الأمير #عبدالعزيز_بن_فهد

نوره سطع واسمه مخلد بالاذهان
عبدالعزيز اللي زهــاه اسم جده

اجمل صفاتً حطها الله بالأنسان
خلقت معه بأعدادها المستبده

[فهد عبدالله بن زويبن @faz_fahhad3265]

قصيدة جديدة إهداء إلى
#سيد_الجود
الأمير #عبدالعزيز_بن_فهد

[ريّان العياضي @ry2n_h]

انتقائات لإبيات مدح وثناء للشاعر :

عبدالله ابن زويبن المعمري رحمه الله

والمدح هو ذكر للخصال والمزايا الكريمه في الرجال وإظهار للتقدير العظيم اللذي يحمله الشاعر

ولايوجد من يضاهي ابن زويبن في تمجيد من يستحقون المدح والثناء حيث انه مدحهم بسلاسة ابياته وقوة وصفه المعروفه

[فهد عبدالله بن زويبن @faz_fahhad3265]

اللهم أنر قبره كما كان ينير المكان بضحكاته
❤️❤️
#عبدالله_بن_زويبن

[فهد عبدالله بن زويبن @faz_fahhad3265]

كثرت التساؤلات حول الابيات :

حظي ولا مره يذوقني الفوز
دايم يذوقني غبينه وحره

الابيات ليست كما ورد بأنها لوالدي #عبدالله_بن_زويبن رحمة الله عليه.

[فهد عبدالله بن زويبن @faz_fahhad3265]

انتقل الى جوار ربه الشاعر : #مسلط_بن_شعيفان_ابوثنين رحمه الله

صاحب البيت المشهور :

قالوا هبيل وجايز لي هبالي
هبال طيب ولا صحاوة رخامه

عزائنا لأهله وذويه ..

كان صديق لوالدي رحمهم الله جميعاً
ومما قال فيه بالثناء :

" مسلط ابو اثنين عزوت جمالينه
في نهار تيبس الكبد ما ساته"

[فهد عبدالله بن زويبن @faz_fahhad3265]

يغور ويبور من لا يقبل الباره
يخشى فعوله لـيا قـام يتذكرها
.
كم شيخ قوم يصب الماء على ناره
اللي من اول هبوب العز تسعرها

#عبدالله_بن_زويبن رحمه الله

[فهد عبدالله بن زويبن @faz_fahhad3265]

يا بنت يا اللي جو لهلك الخطاطيب
كلً مـعلـق بك ... رجـاه ونصيبه

تعطري بـ أجمل عطور الخراعيب
وأرمي بمنسوع الجعد والفحيبه

#عبدالله_بن_زويبن رحمه الله