Antony Jegan

[Antony Jegan @antonyjt77]

@AnithaAgam26 He has a very good future in TN politics, don’t spread such videos. People of TN Will like him more and vote for him

[குவிரன் @kuviran2]

தமிழையே கடவுளாக கொண்டவன் அண்ணன் சீமான்🔥🔥🔥

[💌Ƙ𝚊𝑣༏𝓉𝗵𝒂𝚙𝙧༏ᥡ𝒂ꪦ🦋 @kavitha_priyan]

திரையுலகில் இருந்து கொண்டு நாம் தமிழர் கட்சியை‌ ஆதரித்து பதிவிடும் அந்த துணிச்சலுக்கு கோடி நன்றிகள்!

[Antony Jegan @antonyjt77]

@_ITWingNTK தோல் இல்லை தோள், நாம் தமிழர் கட்சி இதில் அதிக கவனம் செலுத்த வேண்டும். தோல் என்றால் skin

[Antony Jegan @antonyjt77]

@vikatan NTK

[NKRaj/ந.கனகராசு @kanagugeeva]

வித்யா வீரப்பன் அவர்களின் இந்த குரல் தான் ஒட்டுமொத்த சீமானை தொடர்பவர்களின் குரல்

இவனைப் போல இன்னொருவன் களத்தில் வந்து நிற்க ஒரு யுகம் ஆகும் ...

திமுக நீங்கள் செய்யும் எச்சை அரசியல் அடுத்த தலைமுறைக்கு ஒரு கேவலமான உதாரணம்

[Antony Jegan @antonyjt77]

@AnithaDevar21 அழகு

[செந்தமிழன் சீமான் @Seeman4TN]

ஈரோடு கிழக்கு சட்டமன்ற இடைத்தேர்தல் – 2025
வேட்பாளர் அறிவிப்பு

வருகின்ற 05-02-2025 அன்று, தமிழ்நாட்டில் நடைபெறவிருக்கும் ஈரோடு கிழக்கு சட்டமன்றத் தொகுதிக்கான இடைத்தேர்தலில் நாம் தமிழர் கட்சி சார்பாக என் அன்புத்தங்கை மா.கி.சீதாலட்சுமி (முதுகலை ஆய்வியல் நிறைஞர் (M.A, M.Phil.,) அவர்கள் போட்டியிடவிருக்கிறார் என்பதைத் தெரிவித்துக்கொள்கிறேன்.

கட்சியின் மாநில, மண்டல, மாவட்ட, தொகுதி உள்ளிட்ட அனைத்துநிலைப் பொறுப்பாளர்களும், அனைத்துப் பாசறைகளின் அனைத்துநிலைப் பொறுப்பாளர்களும்,
நாம் தமிழர் உறவுகளும், ஈரோடு கிழக்கு சட்டமன்ற இடைத்தேர்தலில் நாம் தமிழர் கட்சியின் வெற்றிக்கு முழு ஒத்துழைப்பை நல்குமாறு அன்போடு கேட்டுக்கொள்ளப்படுகிறார்கள்.

- செந்தமிழன் சீமான்
தலைமை ஒருங்கிணைப்பாளர்
நாம் தமிழர் கட்சி

[செந்தமிழன் சீமான் @Seeman4TN]

முன்னந் தோன்றிய நிலத்தில் முகிழ்த்தவர்!
மூத்த தமிழ்மொழிக் குணர்வின் மூத்தவர்!
தென்னன் பாண்டியன் குமரிக் குடிமையர் :
திசையெ லாம்பரந் துலகை அளந்தவர்!
இன்னரும் இயலிசை நாடகம் யாத்தவர்:
இந்திய - நாவலந்தேயத்து இறைமையர் !

வான்முகில் மலையிடை வாழ்க்கை தொடங்கியர் !
வளந்தரு குறிஞ்சியில் காதலை உணர்ந்தவர்!
தேனுமிழ் முல்லையை மருதம் நெய்தலைத்
தீர ஆய்ந்துநல் இல்லறம் வகுத்தவர்!
கான்தரு பொருளையும் கழனியும் கண்டவர்!
கடலின் பரப்பையும் கடந்தயல் சென்றவர்!
ஏன், தம்பி தெரியுமா? - இவர்கள் தமிழர்கள்!

என்று 'பாவலரேறு' பெருஞ்சித்திரனார் பாடிய பாடலுக்கேற்ப முன்னைக்கும் முன்னந்தோன்றி
மூத்த தமிழ்த்தேசியப் பேரினத்தின்
பண்பாட்டுத்திருவிழாவான பொங்கல் பெருவிழா உலகெலாம் பரவி வாழும் தமிழர்த் திருநாளாக, தைத்திங்கள் முதல் நாள் மகத்தான இலட்சிய கனவுகளுடன் தொடங்குகிறது.

நாகரிகத்தின் தொட்டில்களாய் நதிக்கரைகள் விளங்கின என்று வரலாறு எழுதியோர் வியப்புடன் சுட்டிக்காட்டும் காலத்தில், நாடுகட்டி படை பெருக்கி பல்லுயிர் வாழ உயிர் நேயத்துடன் அறத்தின் வழி நின்று ஆட்சி செய்தவர்கள் தமிழர்கள்!

பேரறிவோடும், அளப்பரிய ஆற்றலோடும் விண்வெளி விந்தைகளைப் புரிந்து கொண்ட திறத்தோடு காலக்கணக்கை வகுத்து, இயற்கை வழி நின்று, மரபார்ந்த வாழ்க்கை ஒன்றை இம் மண்ணில் நிறுவினர் நம் முன்னோர்கள்!

பார்வியக்க ஏர் செலுத்தி பைந்தமிழ்த் தேனீயாய் உழவு பாட்டு இசைத்து உலகோர் பசி தீர்க்க..‌. நெற்றி வியர்வை நிலத்தில் சிந்தி, தன் உதிரத்தால் உலகை செழிக்க வைத்த இனம் தமிழினம்!

'ஏர் பின்னே நெடு வயல் நெடுக வளைய வரும் மாடு ஐந்தறிவு உயிரி தானே என்று எண்ணாமல் தன் குடும்பத்தில் ஒருவனாய் , தன் மண்ணின் பெருமையாய்.. கால் நடைகளைப் போற்ற மாட்டு பொங்கல் கண்டு தன் உயிர் நேயத்தை உலகிற்கு அறிவித்தவன் தமிழன்!

வீரத்திலும், அறத்திலும், கொடையிலும், மாறாப் பற்றுறுதி கொண்டு தாய் மொழியாம் தமிழைத் தனது உயிராய் நினைத்து உலகு சிறக்க வாழ்ந்த இனம் தமிழினம்!

ஆனால் வரலாற்றின் போக்கில் இடையில் வந்தோர் சாதி, மதத் தடைகளைத் தமிழர் மண்ணில் நிறுவியதால், உயிரெனப் போற்ற வேண்டிய இனமான ஓர்மை உணர்வை இழந்து நிற்கிறது. 'இட்டார் பெரியோர், இடாதோர் இழிகுலத்தோர்' என அறம் பாடி நின்ற இனம் பிறப்பின் வழி உயர்வு தாழ்வு கற்பித்துத் தனக்குள்ளே பூசலிட்டு வேரை மறந்து விவேகத்தைத் தொலைத்து திக்கற்று நிற்கின்றது..!

வரலாற்றில் எப்போதும் இல்லாத அளவிற்குத் தமிழர் நிலம் ஒரு பக்கம் எதிரிகளால் இனப்படுகொலைக்கு உள்ளாகி நீதியற்று நிற்கிறது. இன்னொரு பக்கம் இயற்கை வளங்களைக் கொள்ளை கொடுக்கிற நிலமாய், பெரும் செல்வமெனப் போற்றிப் பாதுகாக்க வேண்டிய ஆற்று மணலை அள்ளி, மலையை மணலாய் நொறுக்கி அயலானுக்கு விற்கிற கூட்டமாய் மாறி, அறியாமையால்
பணத்திற்காக இனத்தின் வளங்களை விற்கிற அதிகாரத்தை நிறுவி அல்லற்பட்டு நிற்கிறது. அதனால், தரணி சிறக்க செழித்த நிலம் இன்று தரிசு காடாய் மாறியிருக்கிறது. தன் இலக்கண இலக்கியச் செழுமையால் உலகில் மானுட குலத்திற்கே ஆகச்சிறந்த வாழ்வியல் நன்னெறியை கூறும் திருக்குறளை தந்த தாய்த்தமிழை இன்று நாம் சிதைய கொடுத்து நிற்கிறோம்..!

முப்படை கட்டி எட்டு திசையும் படையெடுத்து மனிதன் காலடி பட்ட மண்ணெல்லாம் புலிக் கொடி நட்டு உலகை ஆண்ட உன்னதத் தமிழினம்தான் இன்று ஆற்றலை இழந்து, அதிகாரத்தை இழந்து, மானத்தை இழந்து இந்த இழிநிலையை மாற்ற மாற்றான் எவனாவது வருவானா என்று மண்டியிட்டு கிடக்கிற இழிநிலை கண்டு, உணர்வும் அழிவும் ஒருங்கே பெற்ற தமிழின இளையோர் விழி சிவந்து முளைக்கிற பெரும் கோபத்தைத் தன் இதயத்திலே தேக்கி தனக்கென அரசியல் அதிகாரம் நிறுவ நாம்தமிழர் என்கிற பெரும் படை கட்டி இனம் வாழ தன்னைக் கொடுத்து நிற்கின்றனர்.

அரசியல் அதிகாரத்தை மட்டும் இல்லாமல்.. கலை, பண்பாடு, வேளாண்மை, தமிழரின் அறிவு சார்ந்த இறை நம்பிக்கைகள் ஆகியவற்றை மீளெழுப்பிக் கட்டமைக்கிற பெரும் வரலாற்று பணியையும் இணைத்தே இந்த மண்ணில் மகத்தான புரட்சி எழுந்திட.. நாம் தமிழராய்த் திரளத் தொடங்கியிருக்கும் காலத்தில்தான் தைத்திருமகள் வளம் திரண்ட நம்பிக்கைகளோடு களம் பற்றிய கனவுகளோடு தைத்திருமகள் கம்பீரமாக வருகிறாள்.

புதிதாய் மலர்ந்திருக்கும் தமிழர்ப் புத்தாண்டில் நாட்டு மக்கள் அனைவருக்கும் நன்மைகள் விளையட்டும்!

கடந்த அரை நூற்றாண்டிற்கும் மேலாக நம்மை ஆண்டு வரும் ஆட்சியாளர்களால் அன்னை தமிழ் நிலம் பாழ்படுத்தப்பட்டு, தாழ்ந்து வீழ்ந்து கிடக்கும் தமிழினம் இப்புத்தாண்டில் மீட்சிப்பெற்று எழுச்சியுறட்டும். அதற்கான சிந்தனை மாற்றம் ஒவ்வொரு தமிழர் உள்ளத்திலும் உருவாகட்டும்!

வையம்போற்றும் ‘தை' திருநாளில் தமிழர் வாழ்வு சிறக்கட்டும்!

கொலை, கொள்ளை, சாதிய இழிவு, தீண்டாமை, அடக்குமுறை, ஒடுக்குமுறை, மது - மத போதை, நிலவளச் சுரண்டல், கனிமவள கொள்ளை, பாலியல் வன்கொடுமை, பெண்ணடிமைத்தனம் இவைகளுக்கு எதிரான மாபெரும் அரசியல் புரட்சி இம்மண்ணில் பூக்கட்டும்!

தமிழ்மொழி மீட்க,
தமிழர் நலன் காக்க,
தமிழ்நாட்டின் வளங்கள் காத்திட,
தமிழ் முன்னோர்களின் ஈகம் போற்றிட,
தமிழர்தம் கலை, இலக்கிய பண்பாடு, வரலாறு காத்திட,
தமிழர் உள்ளங்களிலும் இல்லங்களிலும் பொங்கட்டும் தமிழ்த்தேசியப் புரட்சிப் பொங்கல்!

உலகெங்கும் பரவி வாழும் எம்முயிர்ச்சொந்தங்கள் அனைவருக்கும், நெஞ்சம் நிறைந்த தமிழ்ப்புத்தாண்டு பொங்கல் நல்வாழ்த்துகள்!

அன்பின்
வாழ்த்துகளுடன்...

செந்தமிழன் சீமான்
தலைமை ஒருங்கிணைப்பாளர்
நாம்தமிழர் கட்சி

[Antony Jegan @antonyjt77]

@shafeeqkwt Your father

[Adv. Abubacker ⚖️ @Adv_Abubacker]

வரதட்சணை குமார் காண்டு ஆகும் வரை Share செய்யவும்!

#வரதட்சணை_குமார்

[Antony Jegan @antonyjt77]

@elonmuskADO கரி கட்டை in Tamil (Kari kaddai)

[Caroline MahendraSingh 🐅 @CarolineMsingh]

27ஆம் தேதி தான மாநாடு... இப்ப மாவட்ட கூட்டம் தானே...

[பிரபாகரன் ! @Xexs_]

விஜயை குறித்து சீமான் தும்மினாலே பறந்து பறந்து செய்தியாக்கும் பல ஊடகங்கள் ஏன் நேற்று நடந்த மாபெரும் கூட்டத்தையும், அதில் தமிழர்கள் எப்படியெல்லாம் வேலைவாய்ப்பில் வஞ்சிக்கப்படுகின்றனர் என ஆதாரய்தோடு பேசியத்தையும்
செய்தியாக்கவில்லை... ஏன் ?

[king 10 @king1004524318]

வாய்க்கூலி @nanjilsampath12 @NanjilSampath எங்கள் அண்ணன் சீமானை விமர்சிக்கும் போது கும்மாளம் அடித்த கொத்தடிமைக் கூட்டமே "
இதோ கருணாநிதி மற்றும் வீரமணி குறித்த இந்த வாய்க் கூலியின் பார்வை..!

இப்போ கும்மாளம் அடியுங்கள் பார்ப்போம் 😆

[சுதன் NTK @SuthanNayagam]

Logo நிறத்தை மாற்றிய பிறகும் இந்த வதந்தி டிவியின் புத்தி மாறல.

அண்ணன் சீமான் புகைப்படம் எங்கே!? @ThanthiTV

[செந்தமிழன் சீமான் @Seeman4TN]

சென்னை, மெரீனா கடற்கரையில் நடைபெற்ற வான்படை வீர தீர நிகழ்ச்சியில் ஐந்துபேர் உயிரிழந்திருப்பது அரசின் அலட்சியத்தால் விளைந்த படுகொலை!

@CMOTamilnadu @mkstalin

இந்திய வான்படையின் 92வது தொடக்க நாள் நிகழ்வையொட்டி, சென்னை, மெரீனா கடற்கரையில் நடைபெற்ற வான்படையின் வீர தீர செயல் நிகழ்ச்சியின்போது கூட்டநெரிசலில் சிக்கி, உடல்நலக்குறைபாடு ஏற்பட்டு ஐந்துபேர் உயிரிழந்திருக்கிற செய்தி பேரதிர்ச்சி தருகிறது. இன்னும் பலர் மருத்துவமனையில் சிகிச்சையிலிருப்பதும், வீர தீர நிகழ்ச்சி ஐந்து உயிர்களின் பேரிழப்போடு நிறைவுபெற்றிருப்பதும் பெரும் வேதனையைத் தருகிறது. கூட்ட நெரிசலில் சிக்கி உயிரிழந்தோரின் குடும்பத்தினருக்கு என்னுடைய ஆறுதலைத் தெரிவித்து, அவர்களது துயரில் பங்கெடுக்கிறேன்.

15 இலட்சம் பார்வையாளர்களை வரவழைத்து, அதிகப்படியாகப் பார்க்கப்பட்ட வான்படை வீர தீர நிகழ்ச்சியாக லிம்கா சாதனைப் புத்தகத்தில் இடம்பெறுவதை இலக்காகக் கொண்டு நடத்தப்பட்ட இந்நிகழ்வில், அவ்வளவு இலட்சம் பேருக்கான முன்னேற்பாட்டை செய்யாத மாநிலத்தை ஆளும் திமுக அரசின் நிர்வாகத்தோல்வியே ஐந்து பேரின் உயிரிழப்புகளுக்கும் காரணமாக அமைந்திருக்கிறது. ஓரிடத்திலே இத்தனை இலட்சத்துக்கும் மேலான மக்கள் கூடினால், அங்கு ஏற்பாடு செய்ய வேண்டிய இலவசக் குடிநீர், கழிவறை வசதிகள், முதியோர்-பெண்கள்-குழந்தைகளுக்கான குடில்கள், போக்குவரத்து ஒழுங்கு, மருத்துவ ஏற்பாடுகள், போதிய மீட்புக்குழுக்கள், காவல்துறையினர் உள்ளிட்ட எல்லா ஏற்பாடுகளும் சரிவர அமைக்கப்பட்டு, நிர்வகிக்கப்படாததே மக்களைப் பெரும் இன்னலுக்கு ஆளாக்கி, ஐந்து உயிர்களைப் போக்கியிருக்கிறது.

ஒரு அரசியல் கட்சியின் மாநாட்டுக்கும், பொதுக்கூட்டத்துக்கும் ஏகப்பட்ட நிபந்தனைகளையும், கட்டுப்பாடுகளையும் விதித்து, கெடுபிடி செய்யும் ஆட்சியாளர் பெருந்தகைகள், கடற்கரையில் 15 இலட்சம் பேரை எந்த அடிப்படையில் கூடவிட்டார்கள் எனும் அடிப்படைக்கேள்விக்கு என்னப் பதிலுண்டு? ஒக்கி புயலில் சிக்குண்டு எங்கள் மீனவச் சொந்தங்கள் நடுக்கடலில் தத்தளித்தபோது வராத வான்படை, குரங்கணி காட்டுத் தீவிபத்தில் மாட்டிக்கொண்ட எங்கள் பிள்ளைகளை மீட்க வராத உலங்கு ஊர்திகள், இப்போது கடற்கரையில் வேடிக்கைக் காட்டுவதன் மூலம் தமிழினத்திற்கு கிடைக்கப்போகும் நன்மை என்ன? கடந்த 29ஆம் தேதி அன்று வான்படை துணைத் தளபதி ஊடகத்தினரிடம் 15 இலட்சம் மக்களை எதிர்பார்க்கிறோம் என்றும் அதற்கான ஏற்பாடுகளை அரசுடன் இணைந்து செய்யவிருக்கிறோம் என்று தெரிவித்திருக்கிற நிலையில் எதிர்பார்த்ததை விட கூட்டம் அதிகமாக வந்துவிட்டது என்று இன்று திசை திருப்புவதன் காரணம் என்ன?

‘திராவிட மாடல்’ என தற்பெருமை பேசும் திமுகவின் ஆட்சியில் கொலைகள், கொள்ளைகள், வன்முறைத்தாக்குதல்கள், போதைப்பொருட்களின் மிதமிஞ்சியப் புழக்கம், வரைமுறையற்ற மது, கள்ளச்சாராயம் என சட்டம்-ஒழுங்கு ஒருபக்கம் சந்தி சிரிக்கையில், மறுபக்கம், மக்கள் ஒன்றுகூடும் ஒரு பொழுதுபோக்கு நிகழ்வைக்கூட உயிரிழப்பு இல்லாது நடத்த வக்கற்று அரசின் நிர்வாகம் தறிகெட்டு நிற்கிறது. விடுமுறை நாளில் மனமகிழ்வடைய கேளிக்கைக்காக கடற்கரைக்குச் சென்ற பொதுமக்கள் பிணமாய் வீடுதிரும்புவதென்பது ஏற்கவே முடியாதப் பேரவலம்; சகிக்கவே முடியாத பெருங்கொடுமை. மொத்தத்தில், ஐந்துபேரின் மரணமென்பது ஆளும் திமுக அரசின் அலட்சியத்தில் விளைந்த படுகொலையாகும். நாடு தழுவிய அளவில் கவனம்பெறும் முக்கியத்துவம் வாய்ந்த நிகழ்வைக்கூட சரிவர ஒருங்கிணைத்து நடத்தத் தவறிய ஆளும் திமுக அரசுக்கு என்னுடைய வன்மையானக் கண்டனத்தைத் தெரிவித்துக் கொள்கிறேன்.

- செந்தமிழன் சீமான்
தலைமை ஒருங்கிணைப்பாளர்
நாம் தமிழர் கட்சி

[🪔பாலா🪔 @bala1422578]

நாம் தமிழர் கட்சியின் அரசியல் தான் தமிழ்நாட்டிற்கு தேவை வரலாற்று ஆய்வாளர் #ஐயா_ஒரிசா_பாலு🙏