فارس البقمي

الخيل والليل والبيداء تعرفني ، والسيف والرمح والقرطاس والقلم

[مـشعي ہن مفَرح @ddwws12]

@majed_almhl على البسيطه تراء .. مافيه شئً يدوم
الا المكارم هل الامداح تفطن لها
.
مايدركون .. الهقاوي باردين العزوم
والا المناعير تدركها وتاصل لها
.
لأعظم خطب المواقف يظهرون القروم
كل ابلج .. سكة الامجاد .. يدلها
.
واللاش كنه عن فعول الجميل محزوم
تقصر يدينه عن الطالات ويغلها

مشعي بن مفرح

[محمد بن سلمان بن عبد العزيز (Informal) @HRHMBNSALMAAN]

اللهم وفقه لما تحبه وترضاه، واجعله مباركًا مسددًا وأيِّده بتأييدك وزده عزًا وتمكينًا وانصره على من عاداه وأدمه حصنًا منيعًا وارفع رايته واحفظه بحفظك

[ضيف الشيباني @Dafo511]

يجيك من ينشدك نشد التفاتيش
يبي يدور هرجةٍ يعتمدها
خله يروح مفلتن في يده ريش
يقوم منك وحاجته ماوجدها

صقر النصافي …

[سعد بن لويبه @sd280]

وين بلقى عند ظلمك فـ المحبه قاضي ؟
يا حبيبٍ ما بقى , لي في ظلاله فيّه !!

عن هواك العذب , لا ناسي ولا متغاضي
وعن هوى غيرك عيوف ولا طرا لي نيه !

ما رضى قلبي المفارق , ليه قلبك راضي ؟
وانت ما يصلح تعامل غير , بـ الحنيه !!

كيف بنسى الذكريات الماضيه والماضي
بعده ادور شعور , الراحه النفسيه !!

[عائض بن مهياع الشهراني @ayed060]

شخص تلاشت صـورته بعد فرقاه
وشخص تموت بصورته مانسـيته
وشخص تباشر بالمطـر يوم تلقاه
ولو في يدك تعطيه عمـرك عطيته..

[عبدالله الطلحي الهذلي @talhi_abdullah]

ٰ
وقتنا صارت احواله غريبة
خالط الناس لكن كون واعي

إحسن الظن لين تشوف ريبة
بعدها ما لحسن الظن داعي

كم مشينا .. على نية وطيبة
نجتهد في حميدات المساعي

واكتشفنا .. من ايامٍ .. قريبة
ان بعض البشر طيبه صناعي

#عبدالله_الطلحي

[عواض العميري @awwadh20]

اللي على راس عيطا الطيب متربع
مايلتفت في طمانٍ ماهدر سيله
مسراه مسرا سبع واليا زهم سبع
ان ماشعب لك ذلوله..مسرجن خيله

[فــــارس🇸🇦 @NL__FS]

وانا شمس لكن مالقت — بالوجيه سفوح
" فهقت الظلام ولا - تخاذلت بشراقي "

- حمد السعيد -

[عبدالله الطلحي الهذلي @talhi_abdullah]

عايش على قدي وراضي وممنون
....... جربت حظي .... من جميـع النواحي

العب طرب حتى يقولون مجنون
........ واصرف ذهب حتى يقولون صاحي

#عبدالله_الطلحي

[محمد ظافر @ip1616_]

..

يا ناعس الطرف بسم الله تعالى عليك
وجهك من الله حلو و الكحل زود حلاه

حبل الغلا لا تهده .. و الحبل في يديك
شده !.. على قد ما تقدر " تقصر مداه "

انا اكثر انسان احبك حتى من و اللديك
و انت اكثر انسان تيه من يحبك .. و تاه

اللي عجز لا يبيعك ؟.. لو عجز يشتريك
لا تتركه .. لـ اليالي لين " تبحث خفاه "

صدقني انه ماهوب يحبك يموت فيك
ما مر يومٍ عليه بـ دونك ؟.. و ما بكاه

لو عاش .. باقي ( حياته ) كلها يحتريك
راضي و مستسلم و صابر وش إللي وراه

أبيك .. ولا قدرت اقول وشلون ابيك ؟
اللي نحبه !.. عسى الله لا يبين ( غلاه )

احن حتى عليك من " القصيد الركيك "
ما يصلح البيت لو ما انت بـ على مستواه

يا كثر .. ما قلت لك خل الحركات ذيك
قبل لا يوصل معك حد الرجاء .. منتهاه

عطني من الود ما يرضي غروري و آجيك
مجي من يكره الموت ؟.. و يحب الحياه

[بدر العساكر Bader Al Asaker @Badermasaker]

رحم الله معالي الفريق الركن سلطان بن عادي المطيري، نائب رئيس هيئة الأركان العامة الأسبق، خدم وطنه لعقود عديدة فكان مثالا يُحتذى به، وترك أثرًا بالغًا بتفانيه في عمله وحسن قيادته.

خالص العزاء والمواساة لأهله وذويه، إنا لله وإنا إليه راجعون.

[سعيد بن راشد الشهراني @saeed127412]

يا مداحة ضعوف الروابع مدحتوا كم
ضعيف كذوب لا روابع ولا ناهة
ما يركب على كسابة الذم غير الذم
ولا ينفع المذموم لو كبروا جاهه
لكن امدحوا دهم الخشب والحيود الصم
ابرك من مديحة بارد الوجه وأشباهه

[فهد الحارثي @v20r30]

يوم شاف الدم ينزف من صوابه ...
قـال عمر الخـوف مـا رد المنيـّة ...

دام مـوتي تـفتـخر فيـه الذيـابـة
صـوروني يـوم أعض الـبـنـدقيـة

[مـشعي ہن مفَرح @ddwws12]

ياورق الحمام اللي على النايفه عديت
تنكس طرب في مدهلً زين وتحبه
.
تلاحا على غصن المواريق مامليت
وعلى كل مايشعا المواليف تلعب به
.
عسى الله يبيحك لو على المستريح
اخطيت
ولو انك على تنبيش جرح الهوى سبه
.
مير انك ترفق يالزرق الريش لا مريت
ولا شفتني عديت في مرقبً كبه
.

[ساج @l7ooni]

يقول #محمد_ظافر :

كل يومٍ يمر يزيد ( خوفي ) خوف
يالله بنفح جود يهبني نفحه

ليت الاحزان مثل الدفتر المكشوف
لا تضايقت قمت اغير الصفحه

[عائض بن مهياع الشهراني @ayed060]

مقتطع من قصيدة والدي في الملك فيصل رحمه الله والأسره الحاكمه حفظهم الله…