هـوآجـيــس

[21 @Nii1_q]

لولا الشيّمه اللي قيدتنا وحنّا احرار
خذينا مطالبنا من الوقت بـ الراحه :)

عقاب بن فالح

[معّرب @marb1_]

أنا ماكنت أخاف من الليالي السّود يادكتور
ولاكان الكلام اللي على قلبي .. على لساني

نسانيس الفجر كنها ترجعني ثلاث شهور
دواك اللي صرفته مابرى جرحي ونساني

تموت الأمنيات ويجبر الله خاطر المكسور
مثل ما مت في ليله فراقه .. والله أحياني!

[مرهِي @_M2rrhi]

ترى النفوس العزاز إلى استضاقت تشوم
لو تخسر من العباد أعز ما تملكه

وين أنت ياللي عليك أحلام عمري تحوم
الوصل لا ترمي إيدينه على التهلكه

تعال ! عندي لك من علوم قلبي علوم
مشاعري فيك ملهوفه ومتمسكه

متعود أكلمك وأواصلك كل يوم
واللي تعود على له شي ما يتركه

[᷂دسمآن @2u_i8]

هذي مفالي الضلوع وذي مراتعها
ومنزالك القلب جعله منزل مبارك

[ثنيان⚖️. @p4r_ii]

ياشينها غلطة الغالي على الغالي
ما عاد ينفع دواها لو يداويها

يا ليتها من عدوي يمكن أشوا لي
ولا إني أقدر على الغلطه واعديها

[᷂دسمآن @2u_i8]

دوروا لـي عندها لامن فقدتو زولي
واتركوني في گـنف حيرانها والفطر

[ِ @ajm1ii_]

عسى الله يمنعنا من الضعف والمنقود
وخطايا الذنوب الي على العبد منحسبه

وصدوف الزمان وحاجه ما وراها فـود
ورفيقٍ على الشدات مانيب محتسبه

[فزاع @fza5111]

صباح الخير،أمّا بعد :

"عن مناوي غاية النفس تقنعك السنين
ما صفت عوج الليالي و لا دامت لـ أحد"

[اجــوّدي |♛ @ajodii_]

'

أنا الحاجة اليا جاتني عقب دبلة كبد
عمى عيني أهون لي من الدّها فيها.

[A @_2ilie]

"لو فرقتنا بالغلط سود الأيام
للموت تبقى يا حبيبي حبيبي"
- سليمان المانع .

[شطر/صورة @2lji7]

«عن مقامات الثقـل والتغلّي .. والغرور
ودّي اجلس معْكَ فوق البساط الاحمدي»
— نواف بن سعد

[مـعـتاد @NS__80]

تموت الاحلام دايم في يدين الظروف
وتعيش الآمال ,, وتواصل مشاويرها

[ِ @5ilQ__]

ترفعنا عن الدون و تسامينا عن المنقود 
و تعلينا لأجل تبقى على العـزّة أسامينا .

[سبّيع . @subiie7]

مدري وش الحاجة اللي ضيّقت صدري
طغت على الإبتسامة وأغرت الدمعة

تصدّق إني . . من الضيقه ما عاد أدري
هي ليلة السبت . . والّا ليلة الجمعة ؟

[سبّيع . @subiie7]

تغير علينا الوقت مدري وش الاسباب !
وأنا صار يتعبني . . الذي كان يسعدني

لو أحط لي بيتين . . ذلحين فالاصحاب
طلع لي كذا صاحب يقول أنت تقصدني ؟

[َ @b6ukm]

مالله كتب لي فيك حظ ولا نصيب
الواقع أصدق .. من يا ليت ، وربما

حتى لو إن إحساس قلبي ما يخيب
سفك الشعور أشدّ من سفك الدما

والغيمة اللي تاخذ شوي .. وتغيب
ما تغري ألا .. الميّتين ، من الضما

أحيان .. حتى اللي تحس إنه قريب
يمكن يكون أبعد عليك من السما

[سعود @o1iiss]

عسى فدانا من الاحلام مافاتنا
لاهان ما الوجه بالانسان كله يهون

حنا ذبحنا الحيا من دون حاجاتنا
وانتم ذبحتوا الحيا واخذتوا اللي تبون !

[مجرد قصيد @mub_898]

أشهد أن الوقت غير مباديك
يا واحد كنت أحسبك عون وظلال

أمحق حصاد السنين مابينت فيك
وأمحق وصال دمر القلب والحال .