عــازف

ربما شاعر 🎶

[عــازف @fs305fs]

كيف أجابه ناقلين الهنادي و الزناد
و أنهزم من طرفٍ أحوّر وشعرٍ خامري

رغم كل الكبريا و الأنافه و العناد
لا طلبتي حاجةٍ في يدي قلت آمري

حالفٍ لا أغامر لـ حبنا صبح و هجاد
وأنتي أيضاً لـ أجل تبقى المحبه غامري

والله لو عشنا سوا قبل توحيد البلاد
ما أشتهر قيس الملوّح و ليلى العامري

[A @_2ilie]

غروٍ نحرها القمر في ليل خمسة عشر
والموت من رسمة الشفه ليا عينها

الفاتنة اللي ملامحها تسر النظر
احبها من تغنجها ومن لينها

محبوبتي يوم اميز في بنات البشر
في جنبها الغيد لا برقت يا شينها

الشيخة اللي تقول الخد مثل الجمر
ما ودك انه تنوش القاع رجلينها .

[A @_2ilie]

خودٍ خدها فيه الشفق ملفوف
وصدرٍ ناعم كنّه حرير الشام

وخصرٍ نحيل و ردفٍ منصوف
وعينها عين الحر ليا منه حام

تحب القصيد اللي لها موصوف
رعبوبةٍ هدب عينها أشد السهام

سيدة الغنادير ضامرة السرجوف
ماهيب حاجة قوافي وكثرة كلام

مايوصفها القصيد ولا الحروف
أجمل وأرق الغيد رهيفة القوام .

[ALMUTiRi @MA__305_]

غنيه حسن فيني الحسن باسمه ومعناه
اتوّه سديد الراي من وجهي المملوح

عريبة نسب يهنى بي العزّ في مرباه
لي من جليل العز نود وحماد وضوح

بنت الكبار اللي لهم صيت وجه وجاه
تسامت فعايلهم يوم إن الدمي تفوح

ينافس جمالي سلطنة جدي وشلفاه
إذا إنه يرد القوم وجهي يرد الــروح

صباح الغطرسه♥️'

[🦌 @R__amm]

عصفورةٍ يركع عقب زينها الزين
يسرق نظرها غفلتي و إنتباهي

جميلةٍ ما جملتها الفساتين
من زينها ملبوسها دوم زاهي

رمشه مثل حدب السيوف المسانين
من صابته راحت ضلوعه ملاهي

لا يا بعد زولي هاك الزول و العين
زولٍ على عرش الجمال متباهي

[:) @useer5ll]

اليا مشى كنه من الغنج مشلول
أنغام خطواته مثل حافر الخيل

و اليا حكى حكیه رزینٍ و معسول
الصوت كنه من شفاته تراتيل

عمهوجةٍ تقول خلقت من اللول
والا إنها ناتج قراح الشهاليل

تنسف جديلٍ فوق الامتان مسدول
وتغض خدري العيون الفناجيل :)

[🦌 @R__amm]

مابين عنقٍ طويل ومبسمٍ فيه توت
ومجدّلٍ لا انتثر زاد الظلام حلكه

الموت لادبّرت واليا أقبلت موت موت
حوريةٍ "مسلمه" وأوصافها "مشركه"

مشاعري صوبها ماهيب حاجة ثُبوت
مشاعر ما دخلها كذب وفبركه

غنيت فيها اللحون وقلت فيها بيوت
ولعيونها كل بيتٍ فارقٍ بـ أحبكه

[عنفوان رجل @Kln333]

بين العنق والخد والخشم المستقام
وبين الخصر والردوف شين هوييـّب

من زينها كاسيها الجمال لحد القوام
ذكر الله عليها ان مرت من كل منهو يعيب

[🦌 @R__amm]

كن وسط عيونها عزوة شليويح العطاوي
وأن خذاني رمشها عرفت ضعفي غير قوي

الحلا ماتستوي معه السكاكر والحلاوي
فارقه عن قطعة السِّكر وسبحان المسوي

زينها ماتشتريه بمال وأفكار وهقاوي
وعقلها مال العبث في حروته ذيبٍ يعوي

نايفه عن كل عيب وتنحشم عن كل غاوي
نجمةٍ تسمو وتسمو بس ياصلها سموي

[عــازف @fs305fs]

لاسولفت بعيونها اللي دونها مت وحييت
اكذب لسان البشر واخذ كلام عيونها

اعذب من لسان الشعر ومعلقاته بيت بيت
واطهر من اللي في السماء دايم تهل مزونها

[🦌 @R__amm]

هنوف البدو يلعب في شعرها بارد الانسام
لابعثر كل خصله ناعمه يرجع يمشطها

تقول انها فرس ما فوقها سرج وبدون الجام
نتقها عجميً ينقى من الترك ومرابطها

تمشى فوق الارض وكنها تمشي بحقل الغام
هذي خطوة توخرها وذي خطوة تقلطها

[َ @UsernameHaa]

شفّ بالي من بنات البدو غيدا فروع
تعب أبوها أول حياته على دورت أمها

منتقيها مثل ماينتقي شيخ الجموع
الغزيزه من قلايع عدوٍ لمها

جادلٍ تخجل اليا فرعت منها الشموع
تدخل الزينات من زينها في كمها

جمعت زين التواصيف مع زين الطبوع
والحيا يجري مع عروقها في دمها

لافي الغيداني

[A @_2ilie]

ياكل العوض فاليوم والجاي واللي فات
ياصدفه حقيقية وهي مثل الاسطوره

طراة العلاقة لا تمادت ، على الشرهات
وجاك الولد منعور .. والبنت غندوره

وصالك . . يرجّع نبض قلبي وهو موّات
بس الزين يلعب في غروري يامغروره

ماآعرْف آتحكم في شعوري مع الحلوات
أنا نفسي " آمّارة " على البنت الاموره :)

[ِ @rh_em98]

بنتٍ تحب القصيد الجزل والراهي
تجمّل الشعر قبل الشعر يجمّلها

[برقاوي @m_ls89]

جادلٍ ..لعيونها راع .الهوى ساق ..البشاير
افرشوا لاجتكم السجاد الاحمر من تحتها

لأقبلت فيها العيون من الفرح قامت تطاير
تبتسم .لعيونها النّجل الوساع ..وعانقتها

تمتلك خمر العقول اللي تضيع به البصاير
بين ممشوق القوام الفارع وطول رقبتها

[برقاوي @m_ls89]

غنّاك عود القصب يالجادل الطرقا
ورتّبت عودك وغنيتك على طرقي

وعزفت عود الوصال وغنّت الورقا
وغنيت لك ياحمامه حوّلي و ارقي

وانا لاحن ..الرعد للغيمه ..الزرقا
تدرين عن باقي العشاق وش فرقي

ادلّه الجادل ..الطرقا من .الفرقا
واليا انثنى .عودها غنا ..لها ورقي

[عنفوان رجل @Kln333]

كتبت فيك الشعر لين الشعر فيك قال
انا حديث السنه وانتي حديث العصر

الليل ماهو طويل وشاف شعرك وطال
يغار من طول شعرك ليين مات وقصر

والخاتم اللي بـ يدك اكيد ماهو محال
لـو ينلبس بـ اليدين وينلبس بـ الخصر

وجهك وش اقول ولا وش اخلي خيال
وجـه البنات الهزيمه وانتي وجهك نصر .

[:) @useer5ll]

طلي الليله مثل طلتك ذاك . الزمان
يوم كان الوصل متبوع والعاشق تبع

يوم كنا يدٍ في يد . . طيش . وعنفوان
ما علينا خوف من سلم ولا من طبع

جددي ذكرى المحبين في نفس المكان
وغيري وقت اللقا من ثمان الى سبع

وش يصبرني على الشوق للساعة ثمان
انا اخاف أموت . . لا جت ثمان إلا ربع :)

[برقاوي @m_ls89]

بنتٍ عطاها الله حلو الوصايف
تفرق عن الزينات باللي وهبها

يوم اقبلت كن الصبايا وصايف
برقٍ ..تلالا والدجى في ..هدبها

ريميةٍ. تجفل من الزول .خايف
أبدت .لها كل .الخلايق .عجبها

بنتٍ.. لها قدرٍ عن الغير ..نايف
في حسّنها في وصفهَا في نسبها

[🦌 @R__amm]

لجل ذيك الثنايا تقبل مهار القصيد وفود
جعل قلبٍ يوريك القسى ما يقبل إحسانه

ملك دنياه من يملك هواك وحلمه المنشود
يا كم سلطان رحتي من يديه، و زال سلطانه

أعرف أنك بحر واللي نجا من غبته مولود
من يخاف البحر ما يستحق يفوز بـ الدانه

[🦌 @R__amm]

قبل أشوفك كنت تايه فـ الحياة وغادي
لين مرتني على غفله !سنين الغفله

جيتي من الغنج مغروره و أنا متمادي
كن حولك موكب أمير و مراسم حفله

في غرامك ذقت لذة فرحتي و أعيادي
من يقول إللي يطيح من الهوى يؤسف له

غايتي في طلتك ياموتي و ميلادي
آمتلكتيني وأنا رجال وأنتي طفله

- تركي بن جويعد