Top Tweets for #only_BJP

पोस्ट पूर्ण वाचा आणि मगच उत्तर द्या. मराठा बांधवांनो, आज बहुसंख्य मराठा समाजाची जी बिकट परिस्थिती आहे त्याला पूर्णपणे इतकी वर्षे समाजाचे फक्त मतदान घेऊन सत्ता उपभोगणारे मराठा नेते कारणीभूत आहेत हे मान्य आहे ना? उत्तर हो असे असेल तर फडणवीस सारखे मराठा नसलेले नेते मराठा समाजासाठी काही धडपड करू पहात आहेत,नवीन योजना आणल्या आहेत ,आरक्षण देण्याचा आटोकाट प्रयत्न केलाय ...त्यांच्यावरच फक्त त्यांची जात बघून टीका करणे तीही खालच्या पातळीवर जाऊन हे कुठल्या तत्वात बसते? मी अगदी मान्य करतो की सगळा मराठा समाज सरसकट फडणवीस विरोधक नाही. खुप मराठा मतदार फडणवीस समर्थक सुद्धा आहेत. पण फडणवीस विरोधकांचा आवाज सध्या मात्र मोठा दिसतोय हे सत्य नाकारून कसे चालेल? फडणवीस यांना मुद्द्याने विरोध करायचा असेल जरूर करा,अगदी टीकाही करा.. पण फक्त त्यांची जात खुपत असेल तर असल्या विरोधातून नक्की काय साध्य होणार आहे? यातील एक धोका लक्षात घ्या. जर कुठलाही समाज (किंवा त्यातील एक घटक म्हणुया) एखाद्या नेत्यावर त्याने केलेले सगळे कार्य विसरून,त्याची तळमळ विसरून फक्त तो आमच्या समाजाचा नाही या एकमेव कारणाने टीका करत सुटला तर होईल काय माहिती आहे? दुसऱ्या समाजाचा कुणीही नेता मराठा समाजाचे काही भले करण्याच्या भानगडीतच पडणार नाही. काय ते तुम्ही आणि तुमच्या समाजाचे नेते बघून घ्या अशी भूमिका घेऊन चार हात दूर राहील. आणि त्यात त्या नेत्याला दोष नक्कीच देता येणार नाही. यात नुकसान त्या नेत्याचे नाही, समाजाचे होईल हे लक्षात घ्या. मराठा आरक्षणाला माझा पूर्ण पाठिंबा आहे हे पुन्हा एकदा सांगतोय.