💤 .

[الحاكم @_alhakm]

طبخةٍ ما عبث فيها بخلطات القصيم
طعّمت بالجوز والقرف قدهو زادها

زلّها في اللي لها عنق كنه عنق ريم
دلةٍ بالهيل والزنجبيل قنادها

[وهّاج @_3jim]

يسابقني لحذف البطاقه على الكاشير
يعيّي وانا اطلّق و الا طلّق اعيّي

الى جملة الاصحاب مع كامل التقدير
ماعيّنت احد زيّه ولا شاف احد زيّي

- هود

[:) @useer5ll]

شالعٍ قلبي غزالٍ وسط نجد مرفّه
مترفٍ يلعب بعرشه في وطن محبوبه

الحياء والوصف الأعظم والستر والعفّه
و الجمال الباذخ النادر و حسن أسلوبه

قوةٍ كنها جيوشٍ فالوغا مصطفّه
من طلايعها الجحافل تنثني مغلوبه

جاعله ربـي بكفّه و البنات بـكفّـه
ومايضاهي حسنه الطاغي ولا رعبوبه :)

[— @a_mohra_]

ي لبيه ي وجه الرضا والجناب السمح
يا عذب الوصوف و شفّ بالي وترويقه

مضارب رموشك في خفوقي مضارب رمح
عليك الله ارفق فالخفوق ومعاليقه

معك للقريحة لهفة و للمشاعر جمح
تهادى ولك عذب القصيد و طواريقه

أنا أقول عاتبني يامجمول وأكتب وامّح
علي الحرام إني معك ما أعرف الضيقة

— عمر الوهيطي

[طخيّم .. @3iiixq8]

قصيدة للمتذوقين من الدرجة الاولى

-
جابك اللّٰه من بعد طول انتظاري
مثل ما كنت اتخيّل واتمنى

ابتسمتي لي وجيتك انتحاري
لين مدري ويش صار ووين كنا

عن هوى داري معك مانيب داري
كل دارٍ نجتمع فيها .. وطنا

حددي مستقبلي واخذي قراري
وطوقيني بالغلا .. منا ومنا

القصيد العذب في زينك يماري
ينكتب بك ويتلحّن ويتغنى

وكل ماغنوا و هزتك الطواري
لوّحي للحب بالكف المحنا

وانثني على اللحن و الليل ساري
من يلوم الخيزران اليا تثنى ؟

وان بدا للشوق في وجهك مواري
وافطنوا بك من دروا فينا و عنا

كان قالوا للهوى بايع وشاري
قولي اصلاً وش على العذال منا ؟

وكان قالوا مابقى للعشق طاري
قولي ادري آخر العشاق حنا :)

محمد جارالله السهلي

[غـرورك @ghoroork_]

تدللي وتدلعي يالفاتنه يالأميره
وانثري شعرك الحرير واتركيه يتمايل

من مفرق القذله لين الخصال الأخيره
للحسن آيه وانتي أكبر مثال ودلايل

وتبسمّي ضحكةٍ تذهل جميع النظيره
نسحر قلوب البشر بين الرجاء والوسايل

وان مرّ طيفك تهلل وجه حتى العشيره
كأنك صبحٍ جديدٍ لاح عقب عايل

[ٌ @ajm7i]

عطاك الله قوام ما عطاه الله بنات الرّيح
و وجهٍ تنسجم فيه الملامح ملح و عذوبه "

[E @Ehs_27]

في مرحله يوصلها الإنسان
مثل : الإكتفاء بالنفس، والسلامة الداخلية

طرّاه اللي يقول:
"وش لزومي في مفاهيم البشر مخطي
وصايب العقول مقسمة .. والعاقل بعقله تقدا"

"أستميل لعزلتي وأبعد والا عندي سبايب
غير حبي للهدوء إللي عن اللجّة مبدا "

[🇶🇦 A H F || علي بن حمد @Qatar_Son20]

واستجلبت من الأشعار بكراً:
.
من ترفها مشيها ماهوب من مشي الأوادم
زينها في عينها والموت في طول رقبتها 💞

صورة القهوة بيدها تجعل عيونك تصادم
من بقايا روجها في كوبها يوم شربتها

والله اني في هواها لا خسر ماني بنادم
المشاعر كلبوها نظرةٍ منها سلبتها
@Qatar_Son20

[صـقـر @__n81]

يزيح الشعر عن غرةً كنها مصباح
وصدرٍ تقول الشمس تشرق تحت جوفه

" ولا من نطحك بلبةً عطرها فواح
تقول ان اياديّه من خلاف مكتوفه "

وتحس انه ليا من وقف ماهو بمرتاح
وانا اعرف وش يتعبه لا طول وقوفه

ثقيلً نحيلً هينً لينً مزاح
يعرّض لك بزينه ويحرمك من شوفه

[الحاكم @_alhakm]

صباح الخير لكِ ثم للجميع،

أمّا بعد:

"صبحيني بالرماح اللي تحت حجانك
والبرد والجمر والسيف الحدب والجوري"

من أجل ان اقول:

هذا الصباح اللي تشفق له العين
يا سالبه من كل وصف إكتماله

من الغمامة مشي ومن الغصن لين
ومن الذهب لون ومن الفجر هالة

[سبّيع . @subiie7]

مساء عصرية الجمعة . . اما بعد :

أذكر أني قبل أعرفك . . داعي الله عصر جمعة
وجابك الله والله أعلم وافقت وقت استجابة :)

[َ @2NN9_]

« يا جعلكم فالوجود وجعلكم فالمراد
يا العزوة .. اللّي بساط الأرض ما شالها »
❤️

[ً ً @mgaytir]

انا اراهن على مطلع هذي القصيدة وقفلتها لن اسمع مثلها ابداً ومتأكد ان لن ياتي مثلها لو يمر قرن كامل

" اللّٰه اكبر يالجبال اللي على البيدا منيفه
والسحاب اللي غدا في نحورها مثل القلايد

سقتها بحمولها لين ابركت بي في النصيفه
ما على الخلق اتكال ولا على الخلاق كايد "

[شوية شعر @itr7al]

" مادريت ان الهوى له جاذبيه
لين سراني من اللهفه وعدها

ويوم جيت وجات والاشواق حيه
عرضتني خدها .. قدام يدها "

[َ @r3inn6]

والله لا أنسيك الزعل لين ترضّين
وأمهد لك الدنيا فجوجٍ فضيـة

وأحماك مثل حماية الجفن للعين
وكلش فدااك—إليا بغيتي شريّه

—المداراة إللي ترضيييني ❣️

[شاعر فقط ✍🏻 @YVV_1o]

كل ما طرو الخبر هاضت علي اشجوني
يا سقى الله ديرة الاحباب لا طروها

شاعر فقط ✍🏻

[ٌ @ajm7i]

تمرين واشوف الجمال الباذخ الجبّار
"وقالوا تغاضى بس ماني بـ متغاضي"

تعالي وفجّي صدري بـ رمشك البتار
"من يموت من سلهامتك قانع وراضي"

تعالي ترى ما أخترت غيرك ولا بختار
"انا واحدٍ ما عاد يغريني الماضي"

انا الصادق اللي جابتك صوبه الاقدار
"محبتك صدق وحب غيرك على الفاضي"

[َ @mn77___]

جادلً ذيك المودة مانستها
مرت الخافق وفز الها وريده

تكبر وتكبر بـ قلبـي منزلتها
درة احساس الغلا واغلى رصيده

من سلايل لابةً من سلطنتها
حيهم يذكر وميتهم فقيده

[أدعية وأذكار @da_nn1]

دعاء الرزق رددوه كثيراً .

اللهم وسع علينا في ارزاقنا حتى لا نمد ايدينا إلا اليك ،ولا نتوكل بقلوبنا إلا عليك ،اللهم وصل إلينا ارزاقنا بغير مهانه ،ولا مذله اللهم وسع علينا في رزقنا مع تمام الستر واللطف والعافيه🌱.

#يوم_الجمعة