حَارثي.

الحيَاة عبارة عن لحظات، لاتنتظرها ،إصنّعها .

[حَارثي. @l_KCG]

واذا مررتم من هنا ،
لي أب قد رحل اذكروه بدعوة💛.

[حَارثي. @l_KCG]

"صبحٍ على طلتك تضحك ذعاذيعه يا تاج"

[فهد بن بجاد @ifhd4]

عيدك مبارك يا داري واغترابي
لا حياة إلَّا معك .. لو هي بدونك

كانك من إخطائي .. أجمل من صوابي
الخطأ محبتي ولا جنونك؟

راضي أعيشك أمل واطرد سرابي
لو دياري مجدبة برقب مْزونك

زهرةٍ أرق ؛ من زهرة شبابي
ولا أرق من الزهور : إلّا جفونك

عانقيني ؛ قبل عطري في ثيابي
وأسمحي لعيوني تعانق عيونك

[ماجد بن مهل @majed_almhl]

"صدري مثل قاعة لتزويج الأيتام
يغتال فرحتهم .. فراغ الكراسي"

وصف عجيب

[نَجْلاء @njlaa37]

صوتين تسرف بالشعور وربّك
تاخذني من الارض لين الغيمه

صوتك اذا عبرت لي عن حبّك
وصوت المطر على شراع الخيمه

- ناصر مناحي

[العديم @_3deem]

رساله الى صديق :

انا خابرك ماهيب لحية علوم الناس
لا تجّل مواعيد الحكومه ولا تلغي

عليّ الحرام انك مجمّل وطيّب راس
لكن الليالي ما مشت مثل ما تبغي

واذا ماتسهّل سيلها من يدك لا باس
يكفّيني انها من يدك وقّفت ترغي

[محمد مناور النفيعي @mhmd_mnawr]

يارب فزعتَك لا ضاقت وساع الرحاب
عبدك من الهم والتفكير عظمه نحَل

لو كانت عزومه منوّل تدفّ السحاب
ياقف لدنياه وقفة صاملٍ ما بحَل

ماهوب مسّاح جوخ مطوّلين الثياب
ولاّ ضعيفٍ يوطّي هامته في وحَل

تفتقده الناس وتحسّ بغيابه لا غاب
وبكل طاري نعم له ماقف وله محَل

ان شاف ما يفرِحه فالارض حطّ الركاب
وان شاف ما يزعجه شدّ الركاب ورحَل

[حَارثي. @l_KCG]

فيه ناس تبرّهم [ بالميم والتّا ]
ودك ان الموت ياخذهم هدّيه

حتى لو هروجهم فالطيب شتّى
فـ اللزوم تصيبهم ( ذيبه قويّه )

مالقيت علاجهم موجود حتى :
عند مجموعة سلام البيطريه !!

[سعود بن مبارك @Saud_almshly_]

أرحبـي ( يامليكة ) قلبي المسجون
السجين أبتسم من شوف سجّانه

أنتي الصـح لو كل البشر يخطون
مستحيل إنك تكونيـن غلطانه

حد رمشك مثل حد الشبا المسنون
راقصٍ في محيط العين شيطانه

الجمادات مبصرتك بدون عيون
والعطورات منك و فيك سكرانه

لاتردين لهفـة قلـبي المجنـون
كان ماهو على شاني على شانه

ودي ألمس حقيقة وجهك المزيون
وافهق الليل وأشرب خمرة الحانه

كل لونٍ من الألوان ماله لون
لين أشوفه عليك وينطق لسانه

[مدغم @md8ml]

الجو اليوم غير صالح للدوام لذلك حاب اقولكم :

مرهق من التفكير ومواصل من امس
اقدر اقاوم ! بس مابي اقاوم

شوف السحاب شلون غطّى على الشمس
( اللي يحس انه بطل لاااااا يداوم )

- ناصر فهيد

[منفىٰ . @20l_r]

اسمحي لي يوم أفك أزّرتي و أفهق عقالي
ثقّل عقالي على راسي و ضاقت بي الأزرّه

قلت للنفس القنوعه وش يحط المرّ حالي
قالت الإيمان بالله والقدر خيره و شرّه

من يظن ان المسرّه توجد بـ مسرا الليالي
هذا انا أسري كل ليل وويني وين المسرّه

[فيصل العطاوي @f_al36awi]

طف المكيّف و افتح الشبّاك
محتاج نسمه من هوى ربّي

البرد قرّب و السحاب هْناك
على مسيرة شهر .. متخبّي !

فصل السعاده زمهريرك ذاك
يشعل صباي و شوقي و حبّي

متلهّف اغـنّـي على ليـلاك :
يا غيم صب و يا حطب شبّي

[فيصل العطاوي @f_al36awi]

انا و قطرات الندى و الورد
جينـا نرّتـب للشتـا .. بيته

من كثر ما فيني ولَه للبرد
لو كان عنده حضن ضميته

[فهد الحَمّاد @fahdal7mad]

يا كثرهم .. على يمينك و يسراك
عاد الجماله في شهاده وفي برنت

والله لا هم مثلك ولا هم بشرواك
انت انت لا شانوا عيال النسا زِنت

اشغلتك بعمري .. وانا ما اتعدّاك
وازعجتك بـ عَساك سالم ولاهنت

يوم اني اترك باقي الناس وانصاك
مابي لحد جمايلٍ فيني الّا ( انت )

[علي ابا السيقان @alialbsiqan99]

في غيبة الي يموت وسمعته ماتموت
" الله يسقي ثرا قبره " بـ وبل المزن

اصدّ بدموع عيني من عيون الشموت
واستر على الخلّه بـ شخصية المتزن

ملامح الهمّ حتى لا لزمت السكوت
تبين للناس بين القافيه و الوزن

حتى الى قلت عصماً حول عشرة بيوت
ما ينتشر كون بيتٍ كاتبه من حزن

[بدر @justmebader]

رغم إنّك أقرب من نسيم الليل لكن فيك خوف
ياكثر ماناظرت بعيوني .. وإذا شفتك تصدّ

يا الوجه الأحلى بين سمّار القصايد والحروف
ياجعل والله فدوتك كل القصيد اللي أنقصد

بالليلة اللي كانت الظلماء على وجهك تطوف
أنت القمر وأنت الثمر واللي زرع واللي حصد

[ماجد بن مهل @majed_almhl]

ودك المقطع ذا ينتشر بجميع بقاع الأرض

[حلم عابر ..! @azoozmh168]

@majed_almhl دوّر على مثلك من طيور الدجا
وارسل عليهم من ثلاثك واربعك
.
انا لو اكتب فيك شي من الهجا
ماعاد خلّيت آدمي يمشي معك

[حَارثي. @l_KCG]

يا رقيقة مدّي الحسْن وتمادي
واشرحي لليل مفهوم الوسامه

وافتحي شبّاك تفكيري ونادي
كل نجم اخايله تارك علامه

اضحكي للغيم دام الجو هادي
مثلك انتي ؟ له غلاه وله مقامه

رافقتْك الشمس يا قمرة فوادي
لو تدور الارض ، عدّتك الملامه

القصايد مالها موقف حِيادي !
في عيونك يعلن الشعر انهزامه

[حَارثي. @l_KCG]

ياجميلة ..كيف افوّت فرصتي ، وأفوتك
والمشاعر من حلاوة مبسمك ، متحده

ودي أحيى بك وأداري خاطرك وآموتك
قبل جثمان .. المحبه لا يوارى ، لحده

بعدك أشعر بـ القصيد اللي يثير سكوتك
وقبلك أشعر بـ الفراغ العاطفي والوحده

كيف ما احبك عساني مانحرم من صوتك
وأنتي احلى صوت واحلى وجه واحلى وحده

[حَارثي. @l_KCG]

@AM1__ll اللهم امين ، وجزاك الله خير 🙏🏻

[حَارثي. @l_KCG]

واذا مررتم من هنا ،
لي أب قد رحل اذكروه بدعوة💛.