ما بين الصعب و بين الخوف والتجريب
أحاول ما أميل بيوم ولا تتشرد أفكاري
أمرّ بمرحلة صح أو خطأ صدق أو تكذيب
كأني تايهٍ في شيء ولاني عارف أقداري
أنا يارب ما أدري وش الي ينكتب بـ الغيب
ولكن رحمتك أكبر من اللي فيه أنا داري
دامك في المحبه منتب جاد
ليه توهمني وتعلق الامل فيك
عطيتك كل مافيني ولاكن مافاد
وعطيتك قلبً مالك فيه شريك
مالقيت منك الا كثر الابتعاد
في كل يوم يخيب الظن فيك .
سرحت بخيالي فيك وأسهبت فالتفكير
وطلّعت كل اللي .. مخبّى ، ورى صدري
ما تمنعني ، حدود المسافة عن التعبير
أنا توّي مسولف معك .. وأنت ما تدري .
— عبدالله السراهيد
خل الوداع وخل جرحك وذكراك
وش عاد باقي لي عشان أتشرّه
مرّت ركاب موادعك تسحب خطاك
تقطف من غصون الحياه المسرّه
لا طاب قلبٍ يعشقك عقب لقياك
اليا تعب من غيبتك من يبره
أمسى على قسوة كلامك و شكواك
وأضحى على الصده على حين غره
يبرني جرحك اليا جيت ابنساك
ويحط في صدري مشاريه شره
على كثر ما ضرني عقب فرقاك
هو الوحيد اللي بقى في مقره
ليت الوداع اللي يجيني بلياك
ما عاد يملاني من الشوق مره
لا جيت اجاهد دمعة النوح واجفاك
ثوب الوداع ازرت يديني تزره
ما فيه حلو الا حلاوة محياك
ولا الحياة اللي بلياك مُرّه
تبخل على قلبٍ بمرّك تمناك
وتصد ودموع ألوله مستمره
لي قلبٍ معيي ولي نفس تبغاك
متشَتتٍ بينك وبين المضره
على كثر ما غنت الأرض لخطاك
حتى السماء تبغى لخطوتك جره
مير أنت من يرضي مكابر خطاياك
ويحط لك عذرٍ سمين و يمره
والحين مالك بالهوى غير ماجاك
للشوق تدنيقه وللروح حره
منته مساوي شي يانجم الأفلاك
لا طحت من غبة عيون المجره .
إكتشفت إن الحياة بـ كبرها ، قطعة مسافه
تغوي المفتون ، لين العقل يصحى و ينتبه
و إستعذت مْن الدروب إللي نهايتها حسافه
قبل ترميني ملذات الزمن .. في جوف غبه
ما يخاف المؤمن // إلليّ فيه من ربه مخافه
مصدر الخوف الحقيقي : واحدٍ ما خاف ربه
يا كثر ما عاتبت قلبي على شانك
ويا كثر ما قلت الزمن يمكن يردّك
مشتاق لك، وأعاتب الوقت بغيابك
وألوم قلبي كل ما مرّ طيفك
وشلون تهون العشرة وأنت غالي؟
وشلون غبت ولا سألت عن أحوالي؟
ما كان ودي نوصل لمرحلة البعاد
ولا كان ودي يصبح الوصل أمنياتي
أنا ما نسيتك، بس عتب قلبي كبير
يا كثر ما عاتبت قلبي على شانك
ويا كثر ما قلت الزمن يمكن يردّك
مشتاق لك، وأعاتب الوقت بغيابك
وألوم قلبي كل ما مرّ طيفك
وشلون تهون العشرة وأنت غالي؟
وشلون غبت ولا سألت عن أحوالي؟
ما كان ودي نوصل لمرحلة البعاد
ولا كان ودي يصبح الوصل أمنياتي
أنا ما نسيتك، بس عتب قلبي كبير
ماطحت يوم أذوق طعم الهزيمه
سلمني الله ياعسى الله يسلّمْك
نتايج الدنيا ؟بـ صدري .. وخيمه
ودي عن ظروف الليالي اعلّمْك
اشواقي تداهم بـ قلب وعزيمه
وانا اتمنى الشوق؟ مره يداهمْك!
م اقسى من ظروف الليال العتيمه
الا اني اشوفك .. ولا اقدر اكلمْك '
يا حبيبة جروحي ليش صوتك كسير؟
لحظة الضعف ما يشعر بها ألا قوي
كل الأصوات تَخدع غير صوت الضمير
لا يجامل ، ولا يكذب ، ولا يحتوي
قفلي كل بيبان العتاب المرير
لا يجي للمعاتب بينّا مطروّي
ناحري للهبوب اللي تْذعذع عْصير
خلي النود تطرق شعرك الفوضوي
ودي أشوف شلال الذوايب يطير
يرتفع كل ماهب الهوا و يهوي
اسعفيني بْضحكة وجهك المستنير
ضحكتك فـ الحياة الدافع المعنوي
لا يهمك .. يصير اللي تبينه يصير
ما تليق الجروح إلا بقلب بدوي
كلامك البارد ،، وإندفاعي الحار
وأغنياتي وشعري وصمتك الحاسم
تلاقوا في درب ،، تملأه الأسوار
مصدودٍ عن هوى غيرك وأنا هايم
أنا لي فؤادٍ ،، ما يعرف للغلا أعذار
وأنت لك فؤادٍ ،، عن الهوى صايم
لك الغلا ينساق لك اليا حدك
ولك المرحبا ومابه الا حلالك
تامر و تتدل و يجيك اليا عندك
لو تبي ضلوعي كلها تلبي لك
من يستاهله غيرك لعنبو جدك
انت الوحيد المتفرد في جمالك
تعتبر نفسك انسان عادي من جدك
انت الوحيد الي محدً يشبهلك .