Prathmesh More | प्रथमेश मोरे

विचार महाराष्ट्र धर्माचा, निर्धार हिंदवी स्वराज्याचा 🚩
|
|

[Raj Thackeray @RajThackeray]

आज स्वातंत्र्यवीर विनायक दामोदर सावरकर यांची जयंती. सावरकर हे हिंदू राष्ट्रवाद मांडणारे तत्वज्ञ होते, क्रियाशील धर्मसुधारक, समाजसुधारक होते, आणि तितकेच विज्ञाननिष्ठ पण होते. सावरकर हे माझ्या मते देशातील एक असे महापुरुष आहेत, की त्यांच्या टीकाकारांना पूर्ण सावरकर कधी कळले नाहीत किंवा झेपले नाहीत.
आणि सध्या सावरकरांचा उदोउदो करून त्यातून मतांची बेगमी करण्याचा प्रयत्न करणाऱ्यांनी तरी सावरकर वाचले असतील का? त्यांना समजले असतील का याची शंकाच आहे. प्रत्येक गोष्ट आपल्या बुद्धीला पटते का हे पाहणारे सावरकर खरंच यांना झेपत असतील का ?

सावरकरांना कधीच एका व्यक्तीचा उदोउदो करणं मान्य नव्हतं. कुठलीही गोष्ट तर्क आणि विज्ञानाच्या कसोट्यांवर थोडक्यात सत्य असत्य स्वतः तपासून बघितलं पाहिजे असं त्यांचं ठाम मत होतं.

हे सगळं सांगण्याचं कारण इतकंच ज्या भूमीत सावरकर जन्माला आले त्या महाराष्ट्रात व्हाट्सअप विद्यापीठात काय आलंय ते चूक बरोबर काही न तपासता किंवा साधा विचार पण न करता खरं मानण्याची चढाओढ लागली आहे. याच महाराष्ट्रात राजकारणी भोंदू बाबांच्या भजनी लागल्याचं दिसत आहे. आणि आपण कोण होतो, आपली महाराष्ट्राची परंपरा किती उज्वल होती हे न बघता उत्सव, डीजे याच्यात आपल्याला गुंतवून ठेवलं जात आहे. सावरकर हे प्रखर हिंदू धर्मभिमानी होते पण म्हणून धर्मातील त्रुटींवर टीका करताना त्यांनी कधी मागेपुढे पाहिलं नाही. पण आज सावरकरांच्या महाराष्ट्रात त्यांच्या प्रतिमा वापरून फक्त धर्मात तेढ पसरवणं सुरु आहे. जिथे त्यांनी जाती अंताचा लढा दिला त्या महाराष्ट्रात जातींवरून डोकी फोडणं सुरु आहे. आणि याला खतपाणी सत्ताधारी घालत आहेत.

उठता बसता सावकरकरांचा तिरस्कार करणाऱ्यांना सोडून द्या. पण जे त्यांचा वापर स्वतःच्या राजकारणासाठी करत आहेत त्यांना नक्की कुठले सावरकर कळलेत आणि त्यांचे कुठले विचार राजकीय आचरणात आणण्याची तयारी आहे? मी गेल्या २ महिन्यांत दोन वेळेस भाषणांमधून महाराष्ट्र विचारांनी आणि कल्पनांनी किती संपन्न आणि पुढारलेला होता हे सादरीकरण करून सांगतोय. याचं कारण आपण कोण होतो हेच आपण विसरलो तर पुढे कुठे जायचं याचा मार्ग आखणार तरी कसे आहोत ? आणि यासाठी जर आपण सत्तेला आसुलेले राजकारणी आणि व्हाट्सअप विद्यापीठातील खोटी नरेटिव्ह यावर अवलंबून राहणार असू तर महाराष्ट्राचं कठीण आहे.

आपण कोण होतो आणि आपल्या परंपरेतलं जे उत्तम आहे ते घेणं, प्रत्येक गोष्टीला तर्कावर तपासून बघणं हे करणं म्हणजेच सावरकरांना खरी श्रद्धांजली. अन्यथा तो उपचार ठरेल.

स्वातंत्र्यवीर विनायक दामोदर सावरकरांच्या स्मृतीस महाराष्ट्र नवनिर्माण सेनेचं विनम्र अभिवादन !

राज ठाकरे ।

[Prathmesh More | प्रथमेश मोरे @moreprathmesha]

@sagy_1988 @mnsadhikrut

[Prathmesh More | प्रथमेश मोरे @moreprathmesha]

@RahulJoshi48853 @mnsadhikrut लोका सांगे ब्रह्मज्ञान...

[Raj Thackeray @RajThackeray]

८ फेब्रुवारी २०२६ रोजी मुंबईतल्या एका कार्यक्रमात सरसंघचालक श्री. मोहन भागवत यांनी, भाषेबद्दल आग्रही राहणे, त्यासाठी वेळेस आंदोलन करणे हा एक आजार आहे अशा आशयाचं विधान केलं.

या कार्यक्रमाला विविध क्षेत्रातील मान्यवरांना बोलावण्यात आले होते, त्यातले काही हजर देखील होते ! परंतु मोहनराव भागवतांना एक गोष्ट सांगू इच्छितो की ती सर्व मंडळी तुमच्या प्रेमाखातर आली नव्हती तर ती नरेंद्र मोदी यांच्या सरकारी भीतीमुळे आली होती ! नाहीतर आजवर का कोणी या असल्या रटाळ प्रवचनांना आले नाहीत? त्यामुळे ती मंडळी आपल्यासाठी आली होती या गैरसमजातून प्रथम आपण बाहेर या !

असो . . .

मुळात भाषावार प्रांतरचना या देशात का करावी लागली हा इतिहास भागवतांना निश्चितच माहीत असावा असे आम्ही समजतो !

भाषेबद्दलचं प्रेम, प्रांताबद्दलचं प्रेम हा जर भागवतांना आजार वाटत असेल तर त्यांच्या निदर्शनास हे आणून देऊ इच्छितो की हा आजार या देशातील बहुसंख्य राज्यांमध्ये आहे.

दक्षिणेत कर्नाटक ते तामिळनाडू इथे तीव्र भाषिक आणि प्रांतिक अस्मिता आहेत. तिकडे पश्चिम बंगाल असो, पंजाब असो अगदी गुजरात असो​, तिकडे पण ही भावना आहे.

ही भावना नक्की काय आहे हे कधी भागवतांनी समजून घेतली आहे का? जेंव्हा देशातील ४ / ५ राज्यातील लोकांच्या झुंडीच्या झुंडी वेगवेगळ्या राज्यात जातात, तिकडे आगाऊपणा करतात, तिथल्या स्थानिक संस्कृतीला नाकारून, तिथल्या भाषेचा अपमान करतात, स्वतःचे मतदारसंघ तयार करतात​, तेंव्हा स्थानिकांच्यात रोष तयार होतो आणि त्यातून उद्रेक तयार होतो. याला तुम्ही आजार म्हणणार? आणि जर तुमच्या लेखी हा आजार असेल तर तो आजार आपल्या गुजरातमध्ये पण पसरला आहे. गुजरातमध्ये उत्तर प्रदेश आणि बिहारच्या हजारो लोकांना जेंव्हा पळवून लावलं तेंव्हा तिकडे जाऊन समरसतेचे धडे का नाही दिलेत? असेच धडे कर्नाटक, तामिळनाडू, आंध्रप्रदेश ते पंजाब ते पश्चिम बंगाल इथे जाऊन का नाही दिलेत ?

मराठी माणूस सहनशील आहे पेक्षा इथले सत्ताधारी लिबलिबित कण्याचे आहेत म्हणून भागवतांची हिंमत होते. काही महिन्यांपूर्वी निवडणुकीच्या तोंडावर भय्याजी जोशींनी मुंबईची भाषा ही फक्त मराठी नाही तर ती गुजराती पण आहे अशा आशयाचं विधान करत मराठी माणसाला डिवचत गुजराती भाषिकांना चोंबाळण्याचा प्रयत्न केला. हे सगळं करून अप्रत्यक्षपणे भाजपला फायदा कसा होईल हे पाहिलं. मुळात स्वतःला अराजकीय संघटना म्हणवून घेणाऱ्या राष्ट्रीय स्वयंसेवक संघाने या भानगडीत मुळात पडायचंच कशाला?

संघाच्या कामाबद्दल आमच्या मनात आदर आहे, पण म्हणून अप्रत्यक्ष राजकीय भूमिका घेण्याच्या भानगडीत पडू नये. आणि पडायचंच असेल तर देशभरात हिंदी (जी मुळात राष्ट्रभाषा नाही ) लादणाऱ्या सरकारचे कान उपटून दाखवा आणि मग आम्हाला समरसतेच्या गोष्टी शिकवा.

आणि यात हिंदुत्व आणून आम्हाला ज्ञानामृत पाजायचा प्रयत्न करू नका. मी अनेकदा सांगितलं आहे की ज्या वेळेस हिंदूंवर हल्ला होईल तेंव्हा आम्ही हिंदू म्हणून आमच्याकडून जे काही करणं शक्य होईल ते आम्ही करूच ! रझा अकादमीच्या दंगलीविरोधात मोर्चा काढणारा आणि मशिदींवरील भोंग्यांच्या विरोधात आंदोलन करणारा​, तसेच हिंदू सणांच्या वेळी मोठमोठ्याने लाऊडस्पीकर लावणे आणि मोठमोठ्याने डिजे लावून नागरिकांना त्रास होत असताना त्या विरोधात भूमिका घेणारा महाराष्ट्र नवनिर्माण सेना हाच पक्ष होता. जे चूक ते चूकच हे आम्ही ठासून बोलतो. तसं मोहनराव आपण कधी बोलणार ? हिंदुत्वाच्या नावाखाली देशभरात जो धिंगाणा सुरु आहे , उत्तर भारतात कावड यात्रांमधे बिभत्स पद्धतीने महिलांना नाचवले जाणे , तसेच २०१४ ला बीफ एक्सपोर्ट मधे जो आपला देश ९ व्या क्रमांकावर होता तो आज दुसऱ्या क्रमांकावर आलाय आणि आपल्या देशात गोहत्येचं राजकारण करून जो तमाशा सुरू आहे आणि त्यातून माथी भडकवली जात आहेत त्यावर तुम्ही कधी बोलणार? त्या व्यापाऱ्यांच्या विरोधात सरकारला खडे बोल कधी सुनावणार?
असो. तुम्ही काय करावं हे तुमच्यापाशी. आमच्यासाठी मराठी भाषा आणि मराठी माणूस हे अंतिम सर्वोच्च प्राधान्य आहे.

या देशात भाषिक आणि प्रांतिक अस्मिता या राहणारच, तशाच त्या महाराष्ट्रात देखील राहणारंच ! हे आमचं स्वत्व आहे आणि त्याबद्दल जेव्हा जेव्हा असे प्रसंग उभे राहतील तेव्हा तेव्हा महाराष्ट्र त्वेषाने उभा राहील !

राज ठाकरे ।

[Adarsh Kasar @KasarAdarsh]

मनसे पक्ष स्थापन झाला तेव्हा राज ठाकरे यांच्याकडे सत्ता नव्हती, खुर्ची नव्हती, यंत्रणा नव्हती पण मराठी माणसासाठी उभं राहण्याचं धाडस होतं.

ज्या काळात मराठी भाषा हळूहळू आपल्याच राज्यात दुय्यम ठरवली जात होती, ज्या काळात मराठी बोलणारा माणूस आपल्या ओळखीबद्दल संकोच करू लागला होता त्या काळात राज ठाकरे यांनी ठामपणे सांगितलं “महाराष्ट्रात मराठीच बोलली गेली पाहिजे.”

रेल्वे स्थानकांवरील मराठी पाट्या, सरकारी कार्यालयांतील मराठीचा वापर, बँका, कंपन्या, दुकाने, मॉल्स याठिकाणी मराठी फलकांचा आग्रह हे सगळं राजकीय सोयीसाठी नव्हतं, हे होतं मराठी माणसाच्या स्वाभिमानासाठी.

मराठी भाषेला अभिजात भाषेचा दर्जा मिळावा यासाठी सातत्याने आवाज उठवणं, चळवळी, निवेदनं, भूमिका या सगळ्यामागे राजसाहेबांचीच ठाम भूमिका होती. आज मराठीला अभिजात भाषेचा दर्जा मिळाला तर त्यामागे राज ठाकरे यांचं मोठं योगदान आहे हे नाकारता येणार नाही.

मराठी माणसाला स्वतःच्या राज्यात मांसाहार करतो म्हणून फ्लॅट नाकारले गेले, मराठी खाद्यसंस्कृतीला कमी लेखलं गेलं तेव्हा कोणीही पुढे आलं नाही मनसेच रस्त्यावर उतरली. मराठी माणसाचा हक्क, त्याचा सन्मान आणि त्याचं जगणं यासाठी मनसे खंबीरपणे उभी राहिली.

मराठी बोलल्यामुळे अपमान सहन करावा लागला, परप्रांतीयांकडून दडपशाही झाली तेव्हा राज ठाकरे शांत बसले नाहीत. तेव्हा त्यांनी मराठी माणसाला डोळ्यात डोळे घालून उभं राहण्याचं बळ दिलं.

राज ठाकरे यांनी मराठी माणसाला फक्त आंदोलन शिकवलं नाही, तर आत्मविश्वास दिला. 'आपण कमी नाही,आपण नेतृत्व करू शकतो' हा विश्वास त्यांनी मराठी माणसाच्या मनात रोवला.

आज जेव्हा पुन्हा मराठी भाषा, मराठी माणूस आणि महाराष्ट्र धोक्यात असल्याची भावना निर्माण होते तेव्हा आठवण येते ती फक्त राजसाहेब ठाकरे यांची. ते फक्त नेते नाहीत, ते मराठी माणसाचा आवाज आहेत. सत्ता आली नाही तरी चालेल, पण मराठीचा अपमान सहन करायचा नाही हा विचार राज ठाकरे यांनी कधीही बदलला नाही.

म्हणूनच मराठी माणसासाठी राज ठाकरे म्हणजे राजकारण नाही तर,
ती एक भावना आहे…
ती एक लढाई आहे…
ती एक ओळख आहे. ❤️

[MNS News Live @mnsnewsLive_]

Real development isn’t just roads, towers and chopped forests. It’s cities that breathe, move, and look planned not chaotic. That’s exactly what Raj Saheb argued years ago in his detailed urban “blueprint”, public transport first, humane housing, clean spaces, and aesthetics that respect the city & not destroy it.

Build, but build with vision. Otherwise, it’s not development. It’s damage dressed up as progress.

#BMC2026 #RajThackeray

[Rahul Ghole @Gholerahul14]

The exploitation of common man
Insurance scam
@abhealthin
@irdainsurance @PMOIndia @mieknathshinde @Dev_Fadnavis @timesofindia @mataonline @ndtvindia
#consumerights

[Anil Shidore अनिल शिदोरे @anilshidore]

मराठी माणसाच्या नेतृत्वातला मराठी माणसांचा मराठीसाठी मोर्चा .. #मराठी

[अभिजित भाईप - ABHIJEET BHAIP @ABHIJEETBHAIP]

हिंदी सक्ती मुद्यावरून लक्ष हटवण्यासाठी मराठी मीडिया ने घेतली भाजपची सुपारी. सूत्रांची माहिती

म्हणून राज यांचा युतीचा प्रस्ताव आणि उद्धव नी यांनी पण तो स्वीकारला अशा बातम्या पेरणे सुरू....
सगळी कडे तेच....@sahiljoshii @AbhijitKaran25 @dnyanada24

[रूबाबदार मनसे 🔥 @rubabdarmanase]

चला एकत्र मिळून मराठी भाषा गौरव दिन साजरा करूयात !!!

महाराष्ट्र नवनिर्माण सेना आयोजित अभिजात पुस्तक प्रदर्शन २०२५

स्थळ :- छत्रपती शिवाजी महाराज मैदान, दादर, मुंबई | दिनांक: २७ फेब्रुवारी ते २ मार्च.

#मराठीभाषागौरवदिन
#अभिजातमराठी

[Raj Thackeray @RajThackeray]

सस्नेह जय महाराष्ट्र,

कल्याणमध्ये एका मुजोर अमराठी माणसाने मराठी माणसाला, मराठीपणावरून अर्वाच्य शिव्या देत, जबर मारहाण केली. अशीच मुजोरी काही दिवसांपूर्वी गिरगावमध्ये एका अमराठी माणसाने दाखवली. तिकडे त्याला महाराष्ट्र सैनिकांनी जागच्या जागी प्रसाद दिला. कालच्या प्रकरणानंतर पण माझे महाराष्ट्र सैनिक कल्याणमध्ये प्रसाद द्यायला गेले होते. कल्याणच्या घटनेत कोणीतरी शुक्ला नावाचा माणूस होता, महाराष्ट्रात असे अनेक महाराष्ट्रद्वेषी शुक्ला , गुप्तपणे राहत आहेत. मध्यंतरी गिरगावमध्ये घडलेली घटना असो की ही कल्याणमधली, प्रत्येकवेळेला हे असले महाराष्ट्रद्वेषी मराठी माणसाचा कणा तपासून बघत असतात आणि अजून किती तुम्हाला वाकवता येईल हे बघत असतात. बरं असं पण नाही की महाराष्ट्रा बाहेरून इथे आलेले सगळेच महाराष्ट्रद्वेषी आहेत. आज कित्येक पिढ्या इथल्या मातीत मिसळून राहिलेले असंख्य अमराठी माणसं आहेतच. पण ही जी महाराष्ट्रद्वेषींची नवीन पिलावळ इथे गेले काही वर्ष वळवळायाला लागली आहे, ज्यांचा डोळा इथल्या जमिनीवर आहे, त्यांना वेळीच ठेचलं पाहिजे. मराठी माणसा आता तरी जागा हो, अन्यथा हे तुमच्या पायाखालची जमीन कधी खेचतील आणि कधी तुम्ही नेस्तनाबूत व्हाल हे समजणार पण नाही !

कल्याणमध्ये जे घडलं त्यावर तिथले खासदार, आमदार हे व्यक्त होत नाहीत किंवा मारहाण करणाऱ्यावर गुन्हा दाखल करा म्हणून पाठपुरावा करत नाहीत, हे का घडतं ? कारण याच नाही एकूणच सर्व आमदार खासदारांनी मराठी जनतेला पुरतं ओळखलं आहे. यांना थोडीफार आमिषं दाखवा की हे करतात मतदान आम्हाला ! मी गेली अनेक वर्ष जे नेहमी तुम्हाला सांगतोय की या सर्वांनी तुम्हाला गृहीत धरलं आहे.

आणि अशी घटना घडली की सर्वांना महाराष्ट्र नवनिर्माण सेनेचे दरवाजे ठोठवावेसे वाटतात, कारण तेंव्हा खात्री असते की इतर पक्ष तुमच्या मदतीला धावून येणार नाहीत. मात्र मतदानाच्या वेळेला मात्र हाच मराठी माणूस इतर पक्षांच्या दरवाजावर जाऊन टकटक करतो !

अर्थात आमच्यासाठी मराठी माणूस हा सगळ्यात महत्वाचा आहे, त्यामुळे आम्ही काहीही झालं तरी धावून जाणारच ! 'लाडकी बहीण'च्या नावाखाली मतं मागणाऱ्यांना माझा प्रश्न आहे की, ज्यांना मारहाण झाली त्या व्यक्तीची बायको, आई, बहीण ही तुमची लाडकी बहीण नाही का ? मंत्रिपदं महाराष्ट्राची उपभोगणार परंतू त्याच भूमिपुत्राला तुमचा आधार नसणार ! तुम्हाला तुमचा मराठी बांधव सोडून हे असले मुजोर जास्त जवळचे का वाटतात ? तुमची ही लाचारी कशातून येते ते मला माहित नाही आणि तुमची लाचारी तुम्हाला लखलाभ....

हिंदू म्हणून आज आपण एकत्र आलं पाहिजे हे ठीक आहे, पण हिंदू म्हणून एकत्र येताना, प्रत्येक राज्यात तिथली भाषा, तिथली स्थानिक माणसं , तिथली संस्कृती यांना चिरडण्याचा प्रयत्न होता कामा नये. हिंदूत्व आम्ही देखील पुजतो परंतू हिंदूना एकत्र आणायच्या नावाखाली मराठी माणसाच्या किंवा इतर राज्यातील कुठच्याही स्थानिक माणसाच्या गळ्याला नख लगणार नाही हे देखील आपण पाहिले पाहिजे !

मी स्पष्ट सांगतो की या कल्याण प्रकरणात आरोपीना अटक करा, त्यांना कायद्याचा धाक काय असतो ते एकदा दाखवा. आणि जर सरकारला जमत नसेल, तर मग महाराष्ट्र सैनिकांनी थैमान घातलं तर आमच्याकडे बोट दाखवू नका.

मी नेहमी म्हणतो की पोलिसांवर माझा विश्वास आहे, त्यांनी या विश्वासाला सार्थ ठरावं. बाकी सरकारने पण हे असले प्रकार परत होणार नाहीत यासाठी ठोस कारवाई करावी.

राज ठाकरे ।

[Raj Thackeray @RajThackeray]

लातूर जिल्ह्यातील अहमदपूर तालुक्यातील, तळेगाव गावातील बातमी धक्कादायक आहे. गावातील एकूण शेतजमीनीपैकी, जवळपास ७५% शेतजमिनीवर वक्फ बोर्डाने दावा सांगितला आहे... यामुळे १०३ शेतकऱ्यांचं जगणंच धोक्यात आलं आहे. यावर जरी राज्य सरकारने सांगितलं असलं की आम्ही कुठल्याही शेतकऱ्यावर अन्याय होऊ देणार नाही, तरी हे पुरेसं नाही.

प्रश्न हा या जमिनीपुरता नाहीये, वक्फ बोर्ड गेली कित्येक वर्ष मनमानी कारभाराने लोकांवर जी दहशत बसवतंय त्याला चाप कसा बसवणार हा आहे ?काही महिन्यांपूर्वी संसदेत वक्फ कायद्यात सुधारणा सुचवणारं विधेयक केंद्रसरकारने सादर केलं होतं, त्यावर मुस्लिमधार्जिण्या विरोधी पक्षांनी संसदेत गोंधळ घातला. आणि त्यामुळे हे विधेयक संसदीय समितीकडे पुनर्विचारासाठी पाठवलं गेलं. या सुधारित विधेयकावर महाविकास आघाडीतील पक्षांची भूमिका ही विरोधाची होती, हे वेगळं सांगायला नको. पण मुळात सुधारणा म्हणजे नक्की काय आहेत हे थोडक्यात समजून घेऊया...

१) एखादी मालमत्ता वक्फ बोर्डाची आहे का नाही हे ठरवण्याचा अधिकार काढून घेतला जाणार आहे; वक्फ बोर्डाची जी मनमानी सुरु आहे त्यावरून हे किती आवश्यक आहे हे तुमच्या लक्षात येईल.

२) एखादी मालमत्ता वक्फ प्रॉपर्टी आहे का सरकारी जमीन आहे याचा निवडा पूर्वी वक्फ ट्रिब्युनलकडून केला जायचा आणि त्यात जागोजागी अतिक्रमणं केली गेली आहेत. हे नवीन विधेयक जर मंजूर झालं तर जिल्हाधिकारी हा यापुढे निवाडा करेल

३) वक्फ बोर्डावर मुस्लिम महिलांचा समावेश असला पाहिजे आणि तसंच मुस्लिमेतर समाजाचं पण प्रतिनिधित्व असलं पाहिजे

४) आणि कुठल्याही वक्फ बोर्डाच्या कारभाराचे ऑडिट करण्याचा अधिकार कॉम्प्ट्रोलर आणि ऑडिटर जनरलला राहील

५) आणि यापुढे एखाद्या व्यक्तीला त्याची संपत्ती वक्फ बोर्डाला द्यायची असेल तर त्याला पूर्वीसारखं बोली करार नाही तर लेखी करार करावा लागेल, ज्याने त्याला कायदेशीर चौकट मिळेल.

या सुधारणांमध्ये विरोध करण्यासारखं काहीही नाही. श्री.नरेंद्र मोदी यांच्या पंतप्रधानपदाच्या दुसऱ्या कार्यकाळात ३७० कलम हटवणं, तिहेरी तलाकवर बंदी आणणं, राम मंदिर उभारणी अशी पावलं उचलली होती. ज्याचा महाराष्ट्र नवनिर्माण सेनेला अभिमान होता. आणि त्यातूनच आम्ही २०२४ च्या लोकसभा निवडणुकांमध्ये मोदींना पाठींबा दिला होता. माझी केंद्र सरकारला विनंती आहे की विरोधकांच्या कुठल्याही विरोधाला बळी न पडता, शक्यतो संसदेच्या या अधिवेशनातच हे विधेयक मंजूर करून घ्यावं. आणि हो, राज्य सरकारने पण, अहमदपूर तालुक्यातील तळेगावमध्ये शेतकऱ्यांवर कुठलाही अन्याय होणार नाही, त्यांच्या जमिनी वक्फच्या घशात जाणार नाहीत हे पहावं...

यानिमित्ताने देशातील एकूणच वक्फ बोर्डांना पण एका गोष्टीची जाणीव मला आज करून द्यायची आहे ती म्हणजे स्वातंत्र्यानंतर विनोबा भावेंनी 'भूदान चळवळ' सुरु केली जिच्यात लाखो एकर जमीन देशातील हिंदूंनी, सरकारला परत केली होती जेणेकरून भूमिहीनांना कसण्यासाठी जमीन मिळेल.
हा जसा भूमिहीनांसाठी केलेला त्याग होता तसाच तो देशासाठी केलेला त्याग पण होता. असा त्याग किंवा मनाचा मोठेपणा वक्फ बोर्डानी पण दाखवावा.. सतत कुठे ना कुठे लोकांच्या जमिनीवर ताबा सांगायचा यापेक्षा वक्फ बोर्डाने स्वतःच्या ताब्यातील जमिनी सरकारला परत करून स्वतःच राष्ट्रीयत्व दाखवून द्यावं.

राज ठाकरे ।

[धीरज ढवळे @DhirajDhawaleDD]

True 💯..

[श्रीकांत पाटील.. 🚂🚂🦅🦅 @Shrirekha27]

मनसेच्या पराभूताची कारणे:-
१:- लोकांना वास्तवतेची सत्यतेची जाणीव करून देणे
२:-कोणताही चुनावी जुमला न करणे
३:-राज्यातील प्रश्नावर समाधानकारक उपाययोजना करण्यासाठी धपडणे
४:-कोणतीही युती आघाडी न करणे..

#प्रामाणिकपणा नडला..

😡🥺

[मुंबई Matters™🇮🇳 @mumbaimatterz]

#Mumbai

Loved this @mnsadhikrut Manifesto..

It's Different from the REST

No Freebies
No Sops
No Appeasement

#Maharashtra
#maharashtra_election2024
#MaharahstraAssemblyElection2024

[ZEE5Official @ZEE5India]

प्रतापचा थरार आणि राज साहेबांच्या विचारांनी घातलाय धुमाकूळ!

पहा येक नंबर, फक्त #ZEE5 वर.

#YekNumber #YekNumberOnZEE5

@ZeeStudios @ZS_Marathi @NGEMovies #SahyadriFilms @tejaswwini @WardaNadiadwala @TSeries @Mapuskar_rajesh @AjayAtulOnline #SanjayMemane #UmeshKrBansal @Bavesh #Dhairya #SayliPatil @manish_kalra_ @Zee5India @zee5global

[Anil Shidore अनिल शिदोरे @anilshidore]

कॅगनं मे महिन्यात महाराष्ट्राच्या वित्तविषयक परिस्थितीचं लेखापरीक्षण केलं. त्यानुसार येत्या ६ वर्षात महाराष्ट्राला २ लाख ७५ हजार कोटी रूपये कर्जपरतफेडीपोटी द्यावे लागणार आहेत.

आता जे कुणी सत्तेवर येतील त्यांना ह्या आर्थिक आव्हानाला तोंड द्यावं लागणार आहे.
#निवडणूक #महाराष्ट्र

[प्रवीण ✍️❤️ @pravin__writes]

तरुणांची मनसे 🔥🔥

हे आहेत मनसेचे दोन तरुण उमेदवार.
१. मयुरेश वांजळे (वय 25 वर्ष ) खडकवासला
२. रोहन निर्मळ (वय 27 वर्ष ) कागल

प्रस्थापित, कारखानदारांच्या भाऊगर्दीत राजसाहेबांनी दोन तरुण उमेदवारांना उमेदवारी दिलीय. ही तरुण पिढीच महाराष्ट्राचं नवनिर्माण घडवेल. 🔥🔥
#votwformns

[Anil Shidore अनिल शिदोरे @anilshidore]

शिक्षणात त्रि-भाषासूत्र (मराठी-हिंदी-इंग्रजी) सर्व पातळ्यांवर लागू करावे असं महाराष्ट्राचं नवं सांस्कृतिक धोरण सुचवतं. ह्याचा अर्थ प्राथमिक शाळेपासून हिंदी शिकवावी असा आग्रह दिसतो.

वास्तविक राज्याचा शालेय शिक्षण धोरणात द्वि-भाषा सूत्र आहे ना? राज्य सरकारने ह्या धोरणाला मान्यता दिली म्हणजे प्राथमिक शाळेपासून हिंदी शिकवायलाही मान्यता दिली का? @CMOMaharashtra
#सांस्कृतिकधोरण