مُنهمر : )

الشعر و الموسيقى أولاً

[مُنهمر : ) @munhmr]

اللهم إني أخاف الموت على غفلة وأخاف ظلمة القبر اللهم إهدي قلبي واغفر لي و ارحمني وأحسن خاتمتي يارب إن كان يومي قريب وقبضت روحي فخفف عليّ سكرات الموت اللهم سخر لي من يدعو لي بعد موتي دون ملل وأحسن خاتمتيُ وارحمني إذا حان موتي 🤍

[محمد السلطان @9jilq]

على بِيْد الحقايق مرِّني يا العَاتق المنقَاد
عسى ما شرّ وِش يسرق عيونك عن عناوِيني؟

أشوفك كلَّ ما ضاقت دروبي فـ البلاد بلاد..
ومواعيْد السنين.. اللي تقارب بَينك، وبيني

هواي إني أحبَّك وأنت غالي، والسِّنين جهَاد
أقول: إن الظمأ في غيبتك، وأثر الظمأ فيني

تطيح أغلى مشاريه الهوَى، وأطرِّي المعوَاد:
لو إنها ما تزَّعلني عيونك؟ كيف ترضيني!

أنا لولا جروحك ما خذيت من السكوت ضْمَاد
ولا مدّيت لك كف الوصال.. وذابت يديني!

ما بَين أخاف صوتك وأرتمي له: بارَت الأضداد
طلبتك لا تخلّي لي خيار — ولا تخليني

أعرفك والبروق تلوح وبيوت القصيد جْياد
أحسّ إن المطر في ديرتك والعشب في عيني

أمرّك وأتردَّد بين حزنك.. والعيون سهاد
وأموت من الوَله في غيبتك والشعر يحييني..

أنا يا شرهة العمر القصيَّر.. وآخر الميعاد
أشوف إن العمر كلَّه معك ما عاد يكفيني!

[مُنهمر : ) @munhmr]

وجيه العرب متغيره والعيون حداد
ما كن المضارب كنت سيد مرابعها

معي حيرة موادع .. ولهفة غريب بلاد
وتعليقة اللي كبده الشُوق قاطعها

ركاب الوله ضمّر وجمر اللقى وقاد
والاحلام فض الهجر نقطة تجمعها

عسى الفرصه اللي سايفوا بابها الحساد ؟
عوضها تجي في ساعةٍ .. ما اتوقعها .

[محمد ظافر @ip1616_]

اثر غناة النفس هي صدق الغناه
حتى لو جيوبي الهبوب تهبها

متصنع الجود الزمن يكشف مداه
لو نار بيته كل يوم يشبها

ما ودي ان قصرت اقصر في الصلاه
والا البشر بتسبني واسبها

خلوني اضرب لرض في كل اتجاه
اشماغي احتاج الهوى يلعبها

ما اخاف من من يحتمي اللابه وراه
اخاف من ناس ما خافت ربها

عانيت واجد من ضغوطات الحياه
لين اكتشفت اني بديت احبها (:

[مُنهمر : ) @munhmr]

تحسب إنك تخطّيت وإذا ببيت طلال الرشيد رحمه الله يعترض طريقك:

"تعبت أرحل مع وجيه البشر بنساك بالترحال
ولا ادري وش يجيبك في عيون الناس .. واهلّي"

[مُنهمر : ) @munhmr]

عن خيبة الأمل يقول
ابن الذيب :

لا ضاع العمر ضيعة جميلي فـ ابن قضعان
ما ضاع الغلا . . لـ اللي يديني ورا خصره :)

[مُنهمر : ) @munhmr]

بيني وبين انفجار الصبر" حذفة حصاه
ياليت لو بيننا .. ( كلمة قريّب بدو )

احساسي " براحة العزله "عطاني قفاه
الراحه الماضيه / غدو بها اللي غدو

العام .. اشوف العلاقات الكثيره غناه
واليوم ؟ سلّم علاقاتي هو اكبر عدو

من كثر الاحلام ومجاهد ضغوط الحياه
فاقد شعور السلام الداخلي والهدو !

[مُنهمر : ) @munhmr]

يوم لاحيت الطواري وجددت العهود
بـ الليالي والمواعيد .. واخر ما مضى

كنّ قلبي .. بيت مشرّع وفوقه عقود
يوم شدوّ خيرة الربع في الديره فضى

علّم اللي يحسب الثار في الحب البرود
ما يرد الثار في الحب .. رداد القضى !

اتقلّب .. بين بعض الرسايل و الردود
اثرني كنت اتقلب على جمر الغضى ):

[مقعد مو مُقعد @mq3d_]

من اللي علمّك وشلون تجرح يا اخر العنقود
قصيدي فيك ؟ ولاّ عادتك تجرح على فالك

يا كسرة خاطري يوم الرسايل مالها مردود
ما يذبحني غيابك كثر ما يذبحني إهمالك

ليا عرضّتني درب الجفا ، درب الجفا مسدود
أعوّد و الحنين يطوف لك و الشوق يسعى لك

متى ما شفتني شفت الليال حجاجها معقود
مع ان اثقل مشاريهي عليك اخّف من شالك

من اللهفة كثر ما يفرق الميّت عن المولود
هذا فرق السنين اللي مضت عن ليلة وصالك

مفاتنك تتخطرى تحت هيبة رمشك المجرود
على ما الله عطاك الارض هذي كيف تشتالك ؟

مجرّي الهايب لصوت الرصاص و خنّة البارود
يا كيف تهيبّه خنة شذاك و صوت خلخالك

وصلتك و البيوت معرّبه وانا عريب جدود
ابيك و رحت حتى ماقدرت انشدك عن حالك

يا ريمية قصيدي وش على الجاحد من المجحود
متى ما غبت قولي لـ الغلا مشروب فنجالك

لك خيار القصيد اغلا بـ واجد من خيار الذود
ركابٍ ما يوقفها الحنين الا على جالك

عرفتيها و هي ملجا الظنون و مزبن المضهود
و تركتيها تغني للصدى و الريح موالك

أغنّي كل ما صرتي عليّ ابعد من المنقود
سقى الله يوم ما بيني و بينك غير سلسالك

بعد قفّت ضعونك ما بقا الا يومي الموعود
تقول ان العمر روّح معك ما رحتي لحالك

ما دامك من بنات الغيم مدري من خوات النود
تثنّي للضلوع اللي تضمك و تتثنالك

انا ميت ضما و انتي هواك العيلم المورود
يمر الموت بالي كل ما مر الجفا بالك

لا تعميك الدموع اللي ما خلقت للوساع السود
عسى روحي فدا واهج ثغرك و ليلك الحالك

على استعداد اعيش من العمر ليلة بدون قيود
تلوّح لي حياتي عقبها تلويحة الهالك

فمان الله منّا لين تلقين السيوف ورود
فمان الله هذي صادقه ما هي يورّالك

عزيزٍ غاية مراده لو ان ذيك الليال تعود
لو انك كلمة تعيد الليالي ذيك ما قالك

- متعب البقيلي وانا

[عتيق @_ieey]

كفكف الصبح ليل امس .. وتبّجح شروقه
المشاعر ترحّب .. والجروح تْمايل

سيدّة شعري العَذب وصفاه وعذوقه
ذي سنه " لا سلام ولا كلام ورسايل "

والفراق ومصيره كنت اغيّر طروقه
جاهداً ساعي بـ شتّى الطرق والوسايل

من يلوم المُحبّ إن بلّلّ الدمع موقه
مثل ما بلّت القيعان دهم المخايل

ياجميله وانا شاعر .. لا لاحت بروقه
فيك هلّ الجميل .. وفيك كلّه جمايل

بادليه الشعور .. وخيّطي له فتوقه
وظللي حر شوقه عن لهيب القوايل

[سُداف @jjjlllbp]

ولنفترض بان الكلام اللي حصل
كابوس ولا حلم ولا وهلوسه

وان الرسايل يوم راحت لم تصل
لعُطل فني في نظام الهندسه

وان العمر مافيه صدّ ولا وصل
كان الزهر ما عاد ينبت نرجسه

يا اغلى من اللي راح ومن اللي وصل
خل الشعور الباهت اللي تِنسه

ما زلت يا نسل المكانه والأصل
سر التفاؤل ل الصدور الميسه

ومن الفصول الأربعه خامس فصل
ومن القصيد العذب الذه واسلسه

والليل والنسناس يلعب بالخصل
والدرب ونجوم المسافه تحرسه

و إذاعة اخبار الصباح وقوم صل
وخطاوي الطلاب نحوُ المدرسه

الحزن يبقا حزن ما لم ينفصل
والجرح ما هو جرح ما لم تلمسه

جاوب على الرقم الغريب المتصل
ما ضيع العشاق غير الوسوسه

[ٓ @eulu1_]

وانت لولا صفات الستر ماصرت جذاب
لو جمالك يكف العٌرب والغرب والصين

الخصال الحشيمه تسحر اصحاب الالباب
لاتعلت بـ زين النطق واللطف والليّن

// سفر الدغيلبيّ

[محمد ظافر @ip1616_]

يوم شفت الزمن ii ماعاد رحب وهلّا
وين يلقى من الجور السنافي مناصه ؟

في طريق الهوى ( ماجيت ) لجل اتسلا
ما اطرحتني عيون اللي طرحتني رصاصه

ليل من دونه ؛؛ اعيشه ولا ؛؛ اعيشه إلا
كنّي القاتل اللي ( عاش ) ليلة قصاصه

ارقب النور من شرق ،، الرياض ،، يتجلّا
مثل ما يرقب المسجون ساعة خلاصه

[مُنهمر : ) @munhmr]

جرحتك عشان يصير صدك وراه أسباب
ما ودي تغيب وما معك عذر يشفع لك !

[قصايد @hnoof_x]

زين علاقاتك مع الناس وارتاح
واللي خلقه الله حسابه على الله

من راح جعله مايعود ليا راح
خل الغشيم يلاعب الريح خله

دام القلوب صحاح والخطّر صحاح
ماني على ماقيل طراد زله

ياعنك صدري لاتضايق ولا فاح
من جاء محله سد فرجة محله

من راح تومي به على خف وجناح
اكسر على فرقاه فنجال دلّه

[قصايد @hnoof_x]

أقفى مع الشيبان ذوق المجالس
والعرف وسمان السوالف والأمثال

وشلون تبغى العز من شخص جالس
و بـ الأذن سماعه و بـ اليد جوال

[عتيق @_ieey]

تكلّم ، لا تخليني على مفرق طرق وتروح
تكلّم ، لوّ تجرحني بكلمه مالها خانه

ما احب مْن الجروح الا جروحك يانديم الروح
لو ان الجرح نابع من قسى ، بعتبره ميانه

تعال انت المليح اللي يجي من يدّك المملوح
قفص صدري مداهيلك تمثنى بين ريضانه

تعال نلملم المتشتت مْن وصالنا المنزوح
" بقايا الوصل " لو ضيّعتها برقبتك امانه

تغانمني قبل برق الجفيّا في سماك يلوح
تغانم منتهى آوان الوصل يامبتدى آوانه

تجي ، معك السكوت اللي ينطّق شاعرك للبوح
تروح ، و يجتلد لا قلت له صح الله لسانه

لباس الكبرياء عيّت لا تستر لهفة المفضوح
" مع انه يبذل الاسباب لكن ما الله اعانه "

[نواف ابونيان @abwnyan12]

ياراسي عداك اللوم واللي يطوف يطوف
مادام اكثر العالم ريالات مشقوقه

ضعيف الجدا ماخبر في عايلته ضعوف
لو انه سنافي قلت ناتبته عروقه

تجملت فيه وصار يلعب على المكشوف
يبي يخفي النيه وبانت بمنطوقه

ردي الروابع لو تسوي مية معروف
طبيعي تصير بعينه من ابسط حقوقه

[مُنهمر : ) @munhmr]

ما خطر في بالي انك تقتل الحب و تخون
والامان اللي احسه بس معااك انت انوجد

كل حاجه في عيوني عند ؛ زلاتك تهووون
الا انك تخدع الاحساس و تخون [ العهد ]

كيف قلبك استطاع يخون نظرات العيون؟
وانت تحلف لي بربك ما يقااااارن ؛ بي أحد

[صالح النشيرا @saleh_neshaira]

عيا .. الحزن .. يلتزم بحدود توقيته
فـ الدوحه اربع ليالي والحزن شامل

حتى .. العلم دنّق بـ حره وتنهيته
لـ الطيب المبتسم .. والقايد الصامل

مامثل ابو مشعل اللي ذايعٍ صيته
لو ولد فـ الساعه الوحده 100 حامل

بعض الرياجيل فقده عند اهل بيته
وبعض الرياجيل يفتقده وطن كامل..

[عتيق @_ieey]

عداك اللوم يَـ اول من سرا بين الضلوع وطاف
من اشباهك تعبت اسحب يدي والبال يسعالك

يلومك من قضى عمره بخير وما عليه خْلاف
ويجهل كل عثرات السنين ولا تهيّالك

حبيبي خلها ترعد كذا مابين دمع وقاف
وش اقسى من وجع فقدك عليّ ومن توسّالك

ابتحدا وانا ماني هذاك العاشق الخوّاف
انا اوّل من نثر دمعه عليك وعانق ظلالك

احبك لو خذتني غربتي بين الألف والكاف
فداك احرّ نبضه بالفواد لـ بارد اهمالك

اسمعْك الكلام اللي تحبه وانت يا خلّاف
تقل مابه ولا بيتٍ كتبته لجلك لحالك

اخذْت مْن الرضى وجهك واخذْت من السنين جْحاف
واخذْت من اسود عيونك مساي وخوف ترحالك

انا اعشق نظرة عيونك وانا اكره نظرة استعطاف
امانه لو تشوف اني ضعيف وراجي وصالك

احبك ذنب في عين الزمن والدين والاعراف
واعوفك ذنب في عين الوفا والشعر وآمالك

انا يكفي خذيت من الهوى ومن الشعور انصاف
يسيل الصمت وان سال القصيد القلب ما سالك

عساي ان مر لك طاري تمر الذكريات خْفاف
واذا هزّك حنينك مر .. قبل تهز فنجالك .