فهد العتيبي

شاعر

[وَضـاح @1lviil_]

ليتني ماجيت ضميان ، ولا يوم جيت
ماطلبت من الهوى شرب وظلال وذرى

والغرام انواع وألذّ واقّسى مالقييت
حبٍ تشوف العنا والهنا فيه خشرااا

[نوير @305ise]

غضّ عن بعض التفاصيل وتغافل
أن بغيت تعيش طيّب، لا تدقق

- صالح بن حمد

[راشـد @_RH66_]

اجاهد النفس واعاني من الغربه
لو كنت ماني غريب وفاقد بلادي

مازلت ادور خلل واكشف عن الكربه
والظاهر ان الخلل تاريخ ميلادي

اوضاعي الحين مثل القدس مضطربه
ماعاد ينفع لي آقف موقف حيادي

وقف لي الوقت الاقشر في يده حربه
ولو يكسر يدّي يبطي يكسر عنادي

في عيني الدمع يابعده وياقربه
واما التبسّام مدري وين هو غادي

يالمترف اللي يفوح العطر في دربه
ماحنّ قلبك لـ مسراحي و معوادي

من شرق ساحل محيط العشق لاغربه
مدّه وجزره ملامح وجهك الهادي

بنات الافكار تحت شفاك منطربه
ترقص لعينك طرب وتحاول اسعادي

وانا الفرح في غيابك معلن حربه
والحزن بين الضلوع العوج متمادي

قدّمت صادق شعوري في يدك قُربه
ودخلت ساحة غرامك دخلت مفادي

[76 @76dj_]

ماعاد لي صبرٍ على زود الغلايل ... والغبون
ضرسي وهو ضرسي ليّا ازعجني على طول اقلعه

[معتآاد . @mi2l_]

لكن بعد هالغياب وما تسوينه
عن نشدتك بعدها وش عاد يمنعني

أرب حالك جميل وصحتك زينه ؟
انا لا حالي جميل وصحتي ؟ يعني :)

[. @b6ash_oll]

يا كبر شرهات الرياجيل كبراه !
واليا شرهنا ما لقينا " رياجيل "

سليمان القصيري

[فهد العتيبي @tei9l]

إلا يا سعود من عيّن لي ظبي الغزال؟
اللي ملك قلبي وعزّت قوانينه

لها نظرةٍ فيها من الذبح سحرٍ حلال
تسلّ الضلوع السود وتزلزل براكينه

يسوق القدم شوقٍ على دربها همّال
يحث الخطى صوب الهوى في بساتينه

نفل عودها المياس بالهدر والترحال
عساه السحاب اللي تباشر براتينه

لها معجم الحُسن الفريد الطويل وطال
سما فوق عرش الغيد واثبت عناوينه :)

[تواق | ٩٤ @nonna2099]

أنا معك مثل بدوٍ ودهم بالغناه
والناقه اليا شروها .. مايبيعونها

[فهد العتيبي @tei9l]

ياليل علمني وش بقى لي من طعون؟
يوم ان الايام قامت تسلب مهجتي

ودي أغيب أبعد من حدود الظنون
عن كل وجهٍ ما درى وش علّتي

تعبت من كثر اللقا ومن العيون
اللي تناظر في الغياب ضحكتي

ابا لي خلاٍ ما وطته رجل الضعون
كود السكينة تستريح بساحتي

حتى الهنوف الي هاقيٍ بها العّون
تقفي ولاهمها حكاية قصتي

يمكن غيابي يبعث فيها السكون
او ربي يجنبها عن دربٍ ردي

صابني حاله اشبه بحالة المجنون
الي لاقلت وين عقلك قال في يدي

ياليل وصل سلامي للي يسمعون
لو ان شعري ماياصل لنجم الجدي

سلامٍ نقي مايدخله لومٍ ولا ظنون
علمٍ فرشته على البساط الاحمدي .

[فهد العتيبي @tei9l]

@nonna2099 الله الله

[76 @76dj_]

واسامر سواد الليل ونجومه السّكاب
واسولف على نفسي وانا فالخلا الخالي

هواجيس قلبي بالدقيقه تجيه اسراب
وانا مابكيت الماضي الا من هبالي

وش الفايده ياعين حكم القدر غصّاب
حيات ابن آدم هكذا شمس وظلالي

خلاص أنتهى مافات وأمر الله الغلاب
وكلن معرض للضما واشهب اللالي

[᷂عروّب @lu8ei]

دامني مدمن غرامك والوصال علاجي
عالجني بـ الوصال الحي جرعه جرعه

وإن تنشَّط قلبي المُدمن .. وفَل حجاجي
قرّب لي ثغرك المعسول بـ اقصى سرعه

[فهد العتيبي @tei9l]

تعبت أجامل العالم وأنا في داخلي جمرا
أصنّع ضحكة الشاشات وأكتم عبرة المحبوس

يجي طاري جروحٍ ما تشافى لو مضت دهرا
تخالط سكتي مع ضيق صدري والهتون تروس

ألا يا كتمة العبرة تراني ما قويت أبرا
سكت لين امتلى صدر الوفا من لوعتي مجلوس

لو ان حالي ووجهي يشرح الخافق جهرا
ماقلت بلاي لو الدنيا تحاديني بحد الموس

يموت السرّ في جوفي مع روحي إلى ان أبرا
ولا ينشر جروح الخافق المستور غير التيوس :)

[ٰ @i1lokr]

جابك الخوف وإحساس المحبين
وارتميتي على صدري ونمتي

وابتديتي تلوميني وتبكين
كن هذا خطاي إنك ندمتي

كفي معاتبي يا قرة العين
كم نقضتي جرح وكم زهمتي

عندي إحساس غير اللي تقولين
يوم سالت دموعك وابتسمتي

باح لك خاطري وإنتي تشوفين
وقال لك أحبك ولكن .. ما فهمتي

[فهد العتيبي @tei9l]

يالله ياللي من رجاك الخير ما خاب
ترحم عظام باللحود محيدات

وتغفر لمن فارق عيوني وغاب
وتجمعنا بجنات النعيم الخالدات

- اذكرو والديني في دعاكم❤️

[عليّ @qrsees]

زبنتي عن اللوعات والهم والغربال
وانا سعد عينك لاتصيحين محتّره

لو ان البنّي فتنه مثل فتنة الدجال
انا العاشق اللي يحشم الحب ويبره

اغض العيون الزايغه من غلا واجلال
عيوني بعد ما شافتك ما هي ب حره

لاعنق الظبي ناعم ، ولا فيه حبة خال
من ابسط حقوقك لاغلبتيه منغرّه

تطرين فرقى والمفارق يسل الحال
سألتي مجرب ، والله يجنبك شره

شغلتي خفوقي قبل لاتشغلين البال
وقلبك امانه ، مستحيل اني اضره

_ عيوني أسيرتك .

[شغف @yqw23]

جديد الشاعر المُبدع سفر الدغيلبي

من ألبوم موشحات 2026

[فهد العتيبي @tei9l]

@xr28_ هههههههههههههههه ابك هذي والله الجحده القشرا