𝐵 𝑆

أنا لي حبيبٍ .. طيّح الناس من عيني .

[ِ @ajm1ii_]

انا لا تباطيتك .. علي الولّ�� ينشاف
يبّين على العاشق وينشاف فـ عيونه

احبّك جعل حبٍ يجي من بعدك يْعاف
وانا حالفٍ حُبك مع الوقت ما اخونه

ليا شفت وجهك والله ان ماعلّي اخلاف
فلا تنشد اللي شاف غايتْه وش لونه !

عيونك مثل مجدٍ ق��صر دونه اللي خاف
وانا اللي يحب المجد ويموت من دونه

[شُروق𖤓. @sht_96]

نساير الدنيا على كف الأقدار
ساعه تسايرنا و ساعه عنيده .

[ًًًًًًًًًً @inanotheerrlife]

من احب الابيات لـحمد السعيد

معك واشتاق لك وشلون وانا بعيد
المشاعر ضوامي غصب تنساق لك

كل ما ابطت بي الايام شوقي يزيد
شف جنون الغلا عقبك وانا عاقلك

فيني شعور احسه نابع من الوريد
من يلوم الخفوق ان صار تواق لك

صوتك عيونك شفاتك يدك عن لا ازيد
لكلك اشتاق لك وانت وشفيك متثاقلك

[عزيز ؟ @3oni0]

جابك الله يانديم السحايب والنبات
والنسيم اللي يداعبك لامنك مشيت

أنا مالي عن وجودك سبيل ولا غناه
وأنت ماقصرت فيني كفيت ووفيت

ياكثر مافي شعوري حنين وذكريات
كثر ماسريت قلبي بطاريك وسريت

وأن تربص فيني الشوق من كل الجهات
أبتسمت وقلت ناسي مع إني مانسيت

أنت ماكنت أمنية بس ضمن الأمنيات
أنت شكي لاسرحت ويقيني لاضويت

السعادة تربتط بك ، شروط ومعطيات
ان زعلت القلب يزعل ويرضى لارضيت

يوم ودعنا بعضنا .. وحسيت بـ شتات
اذكر اني بعدها نمت ، لكن ماصحيت

توُي أصحى ياحبيبي بعد طول سبات
أثرني ميت من الشوق .. وأنا مادريت .

[الـعـنـود @cc_aam]

ولو ترضيك روحي يا حبيبي
بذلت أيام عمري لك عطيّه
ولو تخيرت في الدنيا وأهلها
تخيرتك على الدنيا الرهيّة

[الـعـنـود @cc_aam]

لي يسير صوبه ايعادي
محترم ياخذك بطبوعه
دلته تعمر بالاقنادي
صافيه ما يتك مريوعه

[الـعـنـود @cc_aam]

ما فيه مثل العافيه ستر وغناه
ان جات للمسلم تراها كافيه
كم واحدٍ يطلب ملذات الحياه
واذا مرض ما يطلب إلا العافيه

[‏ᴸᴬ @iit8jx]

دخيل الغلا اللي راح واللي وقـف ��رتاب
بسميـه عشقٍ وأنت مدري وش تسميه

ودخيل العيون اللي عليها الـحلاا جذاب
تشوف الـولع فيهم ولا تدري وش تاليه

دخيل المكان اللي جمعنا ولا هـو إعجاب
إذا لـي مـعزه طـاري البعد لاتطـريه

لو تشوف وضعي عند ماتلتـقي الاهداب
لك لـو لك نـيةٍ بـالجفـا تـلـغيـه

أنا وأنت غايب كن وسط العـيوون ترااب
تنـام الـخلايق ولا أنا النووم مالي فيه

ذبحني غلاك اللي سرى مـثل سم الدااب
طـفح بالـعروق وكـل ماوافـقه ينهيه

بقى قلبي اللي ماذبحتـه وأهو منصااب
أنـا ادري تبي تـستوطنه يومك تـخليه

سكنته وأهو عمره قـفل بالوجيه البااب
أنا أعرف قلبي لاعشـق لارحـم والـيه

يجي كله من أقصـاه ويحب بأستغراب
وفـا فـيه مـاهو مع بشرر ليتك إداريه

ترفق على قلبٍ تـلوع بـك ولا تـاب
تـعذب ولامـنه نـوى الـبعد مايـمديه

تمكنت به حيث الولع مـثل غرس الناب
مصـيبتك تـدري بـس ليه المفارق ليه

ودخيل الجمال اللي تـلافت له الارقاب
وأنـا اللي لـفتني زينك وجـيتك مباريه

تمعنت فيك وجيت هـايب وانا ماهـاب
ولاقـفيت ��ـنك إلا وأنا هالغلا معطيه

عليك العيون اللي لهن فعل غزو عقاب
ضـعيفات خـلقٍ بس ياويـل من تنويه

ولك نور وجهٍ كن لك بالنجوم أنساب
ولـيل عـجز من طووله الكف لا يسرريه

ولك مبسمٍ مـاكنه الا شـفق الغياب
حـمارٍ من الله جمر من ولـعه ناسيه

عبث وأنت مقبل تستفز وتثير أعصـاب
تبي تـلفت الانـظار منـااااك لي منييـه

عبث وأنت مقفي تاخذ وتكسر الالبـاب
عـبث جـاهلٍ توه مـشى فبيت من يغليه

دخيلك على بعضك ولاهي بدعوى عتاب
تـعيـد الـنظر فـالبعد من قبل لاتبـديه

عليك الله أكبر وأنت حكمك شريعه غاب
تجـيب الـطعون وتجرح الخافق وتدميه

وأنا أموت فيك وصال وأموت فيك غياب
وإهـي مـوتة وحـده مع فارق التشبيه

ومن قال مابه موت بالحب قـلت كذاب
(جميله وبثينه) مـاذبـحهن مرض ياهيه

أحبك ومن حبك خسرت أغلب الاصحاب
أذا عـاتـبوني فـيك أعتـابهم مـابـيه

أحبك حبيبي ولا تسأل عـن الاسبـاب
أنـا لـو أعرف أسبـاب حبك قدرت أنهيه

أذا عـاتـبوني فـيك أعتـابهم مـابـيه
أنـا لـو أعرف أسبـاب حبك قدرت أنهيه

ألا يامعرض رجـل مغليـك للمرقـاب
أثـر بـالـطوال تـفرج الـهم يـاراعـيه

أنا بسألك هو صحيح الهوىى غلاب
أنـا بنـصح اللي مثـل شـرّواي لايمشيه

ومن لايحّسب بالهوى للفراق أحسـاب
لك الله مـاغـنى سـلامـه يـبي يـغـنيه

مثل هل دمعي وانت رايح وطرق حجاب
ومـثل مـارمى عبدالحليم الـزهر يـرميـه

وأذا فيه بكتاب النحو للـفراق إعـراب
فـهو فـعل مـطلق بالبشر والجفا ماضيه

الا ليت ربي ماخلق بالـغرام غـيـاب
وإذا فيه فـرقا طـاري الـحب لانـطريه
-حمد السعيد

[مشعوف @mashof_]

محمد بن فطيس عام ٢٠٠٩ قال
بلحظة كبر :

وش عاد اسوي يومك اقفيت عني
لا انا اتبع المقفي ولا احب فرقاك

بعدها بـ ١١ سنه هزمه الشوق
وقال :

متحسف ومستسلم وبين اياديك
ما للعتب داعٍ وانا جيت مهزوم

[𝙰 @aj1a__]

العمر مرة والمساعي توافيق
والله يوفق كل من طآل صبره

[فَ @7_ivxl]

الخلا عن زحمة النّاس بوابة نجـاه
تلقى وراها راحة الصدر وإنشراحه

[𝓐𝟔 @ii26ic]

وإن ضاع عُمري في وجهك جعله يضيع
على الاقل ضاع في حاجه .. جميلة .!

- سعد علوش

[᷂قلـب @___Mlam7]

قال ضيدان بن قضعان :

الوصل ماهو ذنب و الوصل بالذات
يحسب بشرع الحب مثل العباده

و قال محمد بن فطيس :

تغانم الوصل لأن البعد لابدّه
ياتيك في يوم ثم ياخذك بـ أدراجه

[شعييل @0ickk]

وش حال قلبك عقب ما غبت وأبطيت؟
عساك ما عطيته لأحد عقب فرقاي .

- محمد بن فطيس

[موطن القصيد @_mw6n]

وتبغي تشوف اشجع رجل في حياتك
شفني وانا مقفي .. على كثر ما اغليك

- محمد بن فطيس

[𝐵 𝑆 @xvsw1]

اوعدك تلقاني جنبك واحتويك
يوم غيرك كـان حلمـه اوعده
. . .
ايـه اغار ومـا ابـي احد يجيك
حتى ظلك لو اطوله ببعده .

[𝐵 𝑆 @xvsw1]

ودعتك الله لو على قلبي أخطيت
وحاربتني من دون ذنب وخطيّه

أحسبك تذكرني إذا أصبحت وأمسيت
وأثـرك على فرقاي ن��سـك هنيّـه

الله وأكـبر كيف عنّي تخلّيت
من بعد ما علقت روحي البريّه

[𝐵 𝑆 @xvsw1]

خلك إنسان بايع شعـوره ولا مُبال��
لا الوقت يستاهل ولا الناس تسوى.

[حزة قصيد @sh3rqt]

والله إن وجهك يقوّيني على ظروف الحياه
أشهد إن المرحبا ماهي تساق . . إلا عليك