abu jarah.

ياكثر ماراحت طموحات وأحلام
تقفي بها الأيام وانا أقول خيره .

[AF. @afaf501l]

اللي عشاني يترك الناس لرضاي
أبيع خافق موطني وأغترب له

[هــاوي . @hh19__]

رفعت كفي .. ماقدرت ارفـع الصـوت
لو كـان فالخاطـر .. كـلام ٍ كتمتـه

لحظه وداع / وكنهـا سكـرة المـوت
ضاع الطريق .. اللي من اول رسمتـه

ضاع الطريق وصرت في الدرب مبهوت
مدري وش اللي فاتني مـا اغتنمتـه !

العمر مرّ .. وراح مع فايـت الفـوت
صحيح ضعت .. وضاع حلـم ٍ حلمتـه

الا انت ياللي قربـك لروحـي القـوت
لو غبت / يبقى وسمك اللـي وسمتـه

يبقى كما نقش ٍ على الصخر منحـوت
حفظتـه .. بشكلـه ولونـه وسمتّـه

مهما الفراق اوجـاع والبعـد ممقـوت
اصبح مصير ٍ من غـلاك / احترمتـه

دمع النصر لو طاح من ( عين جالوت )
( عين العقل ) دمع ٍ تكنّـه / حشمتـه

ذخرت لك يافرحـة العمـر .. تابـوت
فيـه الغـرام اللـي بديتـه / ختمتـه

يبقى الغصن لو مابقى فالغصـن تـوت
تحـرك انسـام الذعاذيـع .. صمتـه

سكّت .. وانا مـن موادعـك مكبـوت
شي ٍ تجاهلتـه .. وشـي ٍ فهمتـه !

حبل الرجاء من جور الايـام مفلـوت
ياليت قلبـي عـن غرامـك عصمتـه

ياما .. بنيت بيـوت وبيـوت وبيـوت
اليوم .. كـم بيـت ٍ بنيتـه .. هدمتـه

[كاترينا @ktrhkl]

أتحرى مجيّك وأتشوّق لقاك
والمُتيّم عقارب ساعته تقرصه

كيف ضحّيت في قلبٍ يدوّر رضاك ؟
الذهب ما يفرّط فيه من يبخصه

ليه تجبرني اكره كل ذكرى معاك
من ملك في الحياة أحباب وش ينقصه ؟

لا تراهن على الحُب ويغّرك غلاك
قلبي أثمن من إن إنسان يسترخصه

[♡ @2l1in]

لا والذي يعلم بسري ونجواي
ماحط غيرك في ضلوعي علامه

دخلت في قلبي وشيدت برضاي
قصر يضمك مثل قصر اليمامه

يابهجة ايامي ويانور دنياي
حبك كريم ويستحق الكرامه

ما للموده حد لاتبحث اقصاي
اي والله احبك ليوم القيامه "

[تــبــســم @tabam__]

عطيتك محبه صادقه مابها تشويه
وجعلتك بقلبي منفرد فيه وحداني

وغيرك بغاني بالمحبه وانا مابيه
دام انت عندي ويش ابي بواحدٍ ثاني

تراني ليا شفتك اسج الفكر وشقيه
واشوف القمر واقول عندي قمر ثاني

غلاتك بقلبي شي يطغى على التشبيه
كيف اوصفك والوصف يعجز به لساني
.
مــسـاء الـخـيــر 🤍✋🏻

[𝙽 @mmu_aa2]

احذر إنك تحداني على عزة النفس
و احذر تذلني وتحدني على القطاعه

ترى الكرامه مغروسةٍ بصدري غرس
ترد قلبي عنك لو إنه بكامل اندفاعه

كانك ناوي تعطيني بالمحبه درس
بعطيك درس ٍ عن الكرامه بكل براعه

إن بعدت بخليك ذكرى ليلة الأمس
وبغلي قلبي لأنه ماهوب لك بضاعه

[𝙽 @mmu_aa2]

أحتريتك في صـباح النايمين
و وجهي الذابل تعـابيره أفا

يا عيوني ليه باقي تحـترين
لو يحـبك عن وصالك ما غفى !

صباح الخير 🤍

[شطر/صورة @2lji7]

" على وضح النقا جيتك بياض ٍ يفهق المستور
مُحال أمشي على دربٍ يميل لخطوة رجوعي "

[فيصَل @faisal_1p1]

أمد النظر حول القمّر وأتخيلك 🖤.

[معذور.! @52kf_]

لك قلبي اللي قفلته عن الغير
و غدا مكانك بيسار صدري غااالي

عطيتك كل م املك من محبه وتقدير
و لك بقلبي حبٍ ماله لا اول ولا تالي

مابي غيرك لو البشر علي طووابيرر
مكتفي بك وبنيت يمّك جميع آمالي

والله ان غرامك مثبت بقلبي بمسامير
وكل ليله ادعي الله يكتبك لي وحلالي🤍..!

[. @iJoHilal]

الخلفية الأفخم في تاريخ أكـس
وصلت 📱🤍🤍🤍!

[هــاوي . @hh19__]

لو يسبقوني بـ المعايد والسلام
ما يسبقوني بالضمير وبالحضور

يعايدونك بـ الرسايل .. و الكلام ،
وأعايدك من قلب وإحساس وشعور

أنت البدايه و النهايه و الختام ..
خذني من أول نظره ليوم النشور

عيدك مبارك كل عيد وكل عام
وعيدي بدونك من دبورٍ في دبور

[قروب شعر @Group_she3er]

مادخلت الحّب من باب التسلي
والله أن يبطي أحد ياخذ مكانك

لاتهمّلني وتنساني .. وأنا اللي
مهمل الدنيا بما فيها عشانك

[مـوطــن @_mo6n_]

يا نوم جيتك وأنا كلي تعب
اجبر خاطري بحلم تمنيته ..

[قصيـد @eix6__]

أغلى من العُمر . . والدنيا وروُحي🤍

[َ @i_23j]

يا قبلة غرام ٍ مبتداه الليالي ذيك
يوم الحب كل ٍ فيه قد خاض تجربته

لا تلعب عليك ظنونك أني ما عاد أغليك
لا والله غلاك يزيد من سبته لسبته

ترا قلبي اللي هام فيك و تعلق فيك
لو أنه يقلطني على الموت ما هبته

اللي حب مثلك مستحيل أنه يخليك
لو أنه يحط السيف الأملح على رقبته

[َ @mn77___]

اقبلي يا طب قلبي وارتياعي
اقبلي عقب المسافات الطويله

واحضنيني ي جميله من ضياعي
الضياع اللي ما خلا لي وسيله

مرحبابك من ذراعي لاذراعي
جابك الله علم وانتي حلم ليله

يا ثمر قلبي وشوقي واندفاعي
يا غناتي فالسنين المستحيله

مدعين الحب والشوق الصناعي
كل ابوهم فدوةً لك يا جميله

[‏ ᷂غريب ᷂الدار ᷂ @l5l9_]

تناديني وانا اسمع لك ولكن للفراق عزوم
وصميم القلب من عزّم ترك حُبك وبدّاني

فمان الله يا اخر درب واول صدمة المقسوم
فمان الله يا اكثر من جرح قلبي وعنّاني

على خط الفراق الموعد الليله امر محسوم
توفى مابقى من حُبك الليله وخلّاني

اجامل لوعة الفرقا غصب عني وانا ملزوم
ومن بين الرضى والياس ادور ناتج احزاني

مثل ماقلت من حبك سحابة صيف صعب تدوم
تحقق ماتوقعته لذا .. صح الله لساني

ثقيله خطوة الفرقا اذا كان الامل معدوم
لكنّ العزه تخفف على نفسي وترعاني

كبير اطيح من عينك .. ولا اصغر في عيوني يوم
انا ماني على كيفك تدوّرني .. وتلقاني

عطيتك من رضى قلبي وصدّرته بدون رسوم
وقدّرتك على غيرك .. وعرفتك على احساني

هقيتك بالهوى ملفى , هقيتك ضحكة المهموم
خساره خيبة الهاقي .. غرامك وين وداني !

ادور بعدك المنفى واطيح بـ غيبتك واقوم
وادور راحتي دونك .. وابي منك تناساني

تبي تفقد ، تبي تنسى ، تبي تشتاق ، صح النوم
انا مثل العمر لا رحت مابعد العمر ثاني

[مـوطــن @_mo6n_]

لا قادر أقرّب .. ولا قادر أنساه
ومشاعري له ما تملّلت منها

رحنا وقلبي محتفظ في بقاياه
حاجات ما تغنيني الناس عنها

كلامه اللي كل ليلة وأنا أقراه
والصورة اللي لا بكيت أحتضنها